ANGIMANGENG 9:2 - KITTA KAREBA MADECENG

² Nakkeda Musa lao ri Harun, “Alano sikaju saping lai malolo sibawa sikaju bimbala lai, iya duwa dé'gaga sala-salanna. Akkasuwiyangengngi iya duwa olokolo'éro lao ri Puwangnge, saping laié untu' akkarobangeng paddampengeng dosa, sibawa bimbala laié untu' akkarobangeng ritunu.

ANGIMANGENG 9:2 ပူးပေါင်းရင်းမြစ်များ

ASSURENG 29:1

“Mappakkuwaniyé carana lanti'i Harun sibawa ana'-ana'na kuwammengngi weddingngi mennang tumaningi-Ka selaku imang. Alano sikaju saping lai iya maloloé sibawa duwakkaju bimbala lai iya dé'é gaga sala-salanna.

YEHEZKIEL 29:1

Ri tanggala seppulona duwa uleng seppulo, ri laleng taung maseppuloé wettu appaliretta, makkedai Puwangnge lao ri iyya,

ANGIMANGENG 1:10

Rékko iyaro riyakkasuwiyangengngé sikaju bimbala iyaré'ga bémbé, iyaro olokolo'é harusu'i iya laié sibawa dé'é gaga sala-salanna.

ANGIMANGENG 1:3

Rékko iya riyakkasuwiyangengngé sikaju saping, iyaro olokolo'é harusu'i iya laié sibawa dé'é gaga sala-salanna. Iyaro sapingngé harusu'i natiwi ri sumpang Kémana Puwangnge, kuwammengngi natarimai Puwangnge iyaro tauwé.

ANGIMANGENG 16:3

Banna nasibawang cara makkasuwiyangeng saping lai lolo untu' akkarobangeng paddampengeng dosaé sibawa sikaju bimbala lai untu' akkarobangeng ritunu, nawedding Harun muttamakiwi Bili' Pommapaccingngé.”

ANGIMANGENG 16:5

Nainappa harusu'i mabbéréyang umma Israélié lao ri Harun duwakkaju bémbé lai untu' akkarobangeng paddampengeng dosa sibawa sikaju bimbala lai untu' akkarobangeng ritunu.

ANGIMANGENG 4:3

Rékko Imang Lompoé madosa, angkanna maccowé towi bangsa Israélié pasala, harusu'i makkasuwiyangeng sikaju saping lai malolo iya dé'é sala-salanna lao ri Puwangnge kuwammengngi nariyaddampengeng dosana.

ANGIMANGENG 8:14

Puranana malani Musa sikaju saping lai malolo untu' akkarobangeng paddampengeng dosa. Harun sibawa ana'-ana'na palénne'i limanna mennang ri yasé'na ulunna iyaro olokolo'é.

ANGIMANGENG 8:18

Nainappa Musa mala bimbala lai untu' akkarobangeng ritunu, nainappa Harun sibawa ana'-ana'na palénne'i limanna ri tompo ulunna iyaro bimbala'é.

ANGIMANGENG 9:3

Nainappa musuro bangsa Israélié makkasuwiyangeng sikaju bémbé lai untu' akkarobangeng paddampengeng dosa sibawa sikaju ana' saping enrengngé sikaju ana' bimbala iya tungke'-tungke'é makkéumuru sitaung sibawa dé'gaga sala-salanna untu' akkarobangeng ritunu.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

IBRANI 5:3

Sibawa nasaba malemmai aléna, na harusu'i makkasuwiyangeng akkarobangeng, tenniya bawang nasaba dosa-dosana umma'é, iyakiya nasaba dosa-dosanato aléna.

IBRANI 7:27

Dé' napada-pada sining imang lompo laingngé, iya esso-essoé harusu makkasuwiyangeng akkarobangeng nasaba dosa-dosa aléna riyolo, nappa nasaba dosa-dosana umma'é. Yésus makkasuwiyangengngi akkarobangengngé siseng bawang lettu mannennungeng, wettunna nakkasuwiyangeng Aléna selaku akkarobangeng.