ANGIMANGENG 8:8 - KITTA KAREBA MADECENG

⁸ Nainappa napasang pattongko aroé ri Harun, na ri laleng pattongko aroéro namuputtama'i Urim sibawa Tumim.

ANGIMANGENG 8:8 ပူးပေါင်းရင်းမြစ်များ

EZRA 2:63

Gubernurna daéra Yéhuda mattéyangngi mennang manréi inanré iya riyakkasuwiyangengngé lao ri Allataala, narapi engka séddi imang iya mullééngngi méllau panunju sibawa paké Urim sibawa Tumim.

NEHEMIA 7:65

Nattéyang mennang ri gubernurna daéra Yéhuda manré inanré iya riyakkasuwiyangengngé lao ri Allataala, narapi engka séddi imang iya mullééngngi méllau panunju sibawa paké Urim sibawa Tumim.

ASSURENG 29:1

“Mappakkuwaniyé carana lanti'i Harun sibawa ana'-ana'na kuwammengngi weddingngi mennang tumaningi-Ka selaku imang. Alano sikaju saping lai iya maloloé sibawa duwakkaju bimbala lai iya dé'é gaga sala-salanna.

ELONG MARAJA 8:6

Pancajika buwa atimmu, aja' mukaddaowi muwi niga ri lainnaé iyya; nasaba iyaro cintaé padai watanna amaténgngé, sibawa makuwasai napessué pada-pada amaténgngé. Luwa'na pada-padai luwa apié iya mallalatungngé sibawa masero.

YESAYA 59:17

Napakéi adélékengngé sibawa asalamakengngé selaku waju bessi sibawa palo-palo baja. Mattedde'i untu' palisui keadaangngé sibawa wale'i dé'é naadélé.

ABBILANGENG 27:21

Harusu'i Yosua méllau tangnga polé ri Imang Eléazar, na Eléazar harusu makkutanangngi élo-Ku sibawa pakéi Urim sibawa Tumim. Nasibawang caraéro Eléazar pimpingngi Yosua sibawa sininna bangsa Israélié ri laleng sininna parakaraé iya naoloiyé.”

EFESUS 6:14

Sitinajako sadiya. Pakéi atinulurengngé lao ri Allataala selaku babbang, sibawa apatongngé selaku baju bessimmu.

ULANGENG 33:8

Passalenna suku Léwi makkedai: “Nasibawang Urim sibawa Tumim Mupannessai élomu, naolai tau Léwié, atam-Mu iya matinulué. Purai mucobai mennang ri Masa, sibawa sibbanta mennang ri mata uwai Mériba.

1 TESALONIKA 5:8

Iyakiya idi'é iyanaritu tau esso iya muttama'é ri esso iya matajangngé, rimakkuwannanaro pikkiratta harusu'i matajang. Harusu'ki tette' mateppe' ri Puwangngé sibawa mamaséiwi tau laingngé enrengngé mamménasa sibawa mateppe' makkedaé Allataala passalama'ki matti. Iyanaro senjata iya linrungiyékki ri laleng ammusurengngé méwai pettangngé.

1 SAMUEL 2:28

Polé risininna suku Israélié purani Upilé kaluwargana mancaji imak-Ku, untu' mattumani ri mézbaé, mattunu dupa, sibawa pakéi waju éfod rékko mabbicarai sibawa Iyya. Sibawa lao ri mennang sibawa wija-wijanna purani Uwéréng ha' untu' malai sibagiyang polé ri akkarobangeng pakkasuwiyang iya ritunué ri mézbaé.

1 SAMUEL 28:6

Nainappa méllau panunju ri Puwangnge, iyakiya dé' naribali ri Puwangnge, muwi sibawa nippi iyaré'ga sibawa makkégunang Urim sibawa Tumim iyaré'ga naolai sining nabié.