ANGIMANGENG 8:4 - KITTA KAREBA MADECENG

⁴ Napogau'ni aga iya napparéntangngé Puwangnge. Wettunna maddeppungeng manenni umma'é ri onrongngéro,

ANGIMANGENG 8:4 ပူးပေါင်းရင်းမြစ်များ

ASSURENG 39:1

Bézaleel sibawa Aholiab mébbui pakéyang assompang polé ri wol gawu'é, collipao sibawa cella untu' sining imangngé wettunna mennang majjama ri Bili' Mapaccingngé. Pakéyang imangngé untu' Harun riyébbui pada-pada iya napparéntangngé Puwangnge lao ri Musa.

ASSURENG 39:21

Situru sibawa paréntana Puwangnge lao ri Musa, tolinna pattongko aroé ripasisumpungngi sibawa tulu gawu'é ri toling éfod-é, angkanna iyaro pattongko aroé tette'i engka ri yasé'na babbangngé sibawa dé' naleppe.

ASSURENG 39:29

sibawa babbang polé ri kaing lénang alusu'é, wol gawu'é, collipao sibawa cella'é, ribélo-béloi sibawa sulangeng, pada-pada iya napparéntangngé Puwangnge lao ri Musa.

ASSURENG 39:5

Babbang ritennung alusu'é riyébbui polé ri bahang iya padaé sibawa riyajjairengngi ri éfod-éro angkanna mancaji séddi bagiyang pada-pada iya napparéntangngé Puwangnge lao ri Musa.

ASSURENG 39:7

Nainappa iyaro batu-batué ripasang ri tulu passaléppanna éfod-é selaku papparéngngerang lao ri iya seppulo duwa suku Israélié, pada-pada iya napparéntangngé Puwangnge lao ri Musa.

ANGIMANGENG 8:13

Nainappa nasuro ana'-ana'na Harun malluru liyolo. Ripasangini kaméja sibawa babbang. Nainappa napapasangi passappu ulunna mennang pada-pada napparéntangngé Puwangnge lao ri aléna.

ANGIMANGENG 8:17

Iyakiya jukuna iyaro sapingngé, bingkulanna, lise babuwana nalebbié muttama'ni paruna, jaji sininna iyaro sapingngé sangadinna bagiyang-bagiyang iya puraé ripallaing ritunui ri saliwenna akkémangngé pada-pada iya napparéntangngé Puwangnge.

ANGIMANGENG 8:29

Nainappa nala Musa dadana iyaro bimbala'é nanakkasuwiyangengngi selaku pakkasuwiyang tanréyangeng lao ri Puwangnge. Iyanaro bagiyanna Musa polé ri bimbala lai iya riyakkasuwiyangengngé untu' upacara allantikeng imangngé. Iya manenna napogau'i Musa pada-pada iya napparéntangngé Puwangnge lao ri aléna.

ANGIMANGENG 8:3

Nainappa suroi sininna umma Israélié maddeppungeng ri yolona sumpang Kéma-Ku.”

ANGIMANGENG 8:35

Pitungngesso ittana, esso wenni, harusu'ko monro ri yolona sumpang Kémaé untu' pogau'i aga iya napparéntangngé Puwangnge. Rékko dé' mupogau'i, matéko matu. Iyanaro napparéntang Puwangnge lao ri iyya.”

ANGIMANGENG 8:5

makkedani Musa lao ri mennang, “Iya upogau'é makkekkuwangngé iyanaritu paréntana Puwangnge.”

ANGIMANGENG 8:9

Nainappa nataro passapué ri ulunna Harun, na ri passapuéro riyattoddokengngi bélo-bélo ulawengngé, iya mancaji tanrangngé makkedaé mancajini Harun appunnangenna Puwangnge. Iya manennaro napogau'i Musa situru paréntana Puwangnge lao ri aléna.

MATIUS 28:20

Paggurui mennang turusiwi sininna iya puraé Uparéntakko. Na éngngerangngi tuli Usibawakko matu lettu paccappurenna linoé.”

1 KORINTUS 11:23

Saba' iya uwappagguruwangngé lao ri iko, utarimai iyaro polé ri Puwangngé muto: makkedaé ri wenniéro wettunna Yésus, Puwatta, ribali'bellari, malani roti,

1 KORINTUS 15:3

Aga iya upalettu'éwé lao ri Saudara-saudara iyanaritu iya puraé utarimato. Iya kaminang pentingngé, pada-pada iya tarokié ri laleng Kitta'é, upalettu'i lao ri iko makkedaé matéi Kristus nasaba dosa-dosata;

ULANGENG 12:32

Pogau'ni sininna iya uparéntangngékko; aja' naritambai iyaré'ga narikurangi.