ANGIMANGENG 8:30 - KITTA KAREBA MADECENG

³⁰ Purairo malani Musa sibagiyang polé ri minnya upacaraé sibawa sibagiyang polé ri dara iya engkaé ri yasé'na mézbaé, nainappa nakkeppikeng lao ri Harun sibawa ana'-ana'na enrengngé lao ri pakéyanna mennang. Nasibawang caraéro, Musa pallaingngi mennang sibawa pakéyanna lao ri Puwangnge.

ANGIMANGENG 8:30 ပူးပေါင်းရင်းမြစ်များ

ASSURENG 28:2

Ebbuno pakéyang imang untu' Harun, kuwammengngi napaita malebbi.

ASSURENG 29:21

Alai céddé dara iya engkaé ri yasé'na mézbaé sibawa céddé minnya upacaraé, nainappa muweppikeng Harun sibawa ana'-ana'na enrengngé pakéyanna. Nasibawang caraéro Harun sibawa ana'-ana'na nenniya pakéyanna ripallaingngi untu' alé-Ku.

ASSURENG 30:30

Minnyaki towi Harun sibawa ana'-ana'na kuwammengngi narilanti mennang mancaji imang untu' tumaningi-Ka.

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

YESAYA 61:3

untu' mabbéré arennung sibawa ariyo-riyong lao ri tau iya messé sibawa mabbarataé; untu' pinrai amessénna mennang mancaji élong pappojiyang. Pada-padai matu mennang aju iya alénaé Puwangnge tanengngi. Napogau'i matu mennang iya makessingngé sibawa tongengngé, angkanna Puwangnge ripakaraja.

ANGIMANGENG 10:3

Namakkeda Musa lao ri Harun, “Iyanaro nakkattai Puwangnge wettunna makkeda, ‘Sininna iya tumaningiyékka harusu'i napakalebbi apaccingek-Ku. Maéloka pannessai arajak-Ku lao ri sininna bangsaé!’ ” Iyakiya mammekko bawammi Harun.

ANGIMANGENG 7:35

Polé ri inanré iya riyakkasuwiyangengngé lao ri Puwangnge, bagiyangngénnaro riwéréngngi lao ri Harun sibawa ana'-ana'na ri esso rilanti'na mancaji imang.

ANGIMANGENG 7:36

Ri essoéro Puwangnge paréntangngi bangsa Israélié kuwammengngi napolé ri pakkasuwiyanna mennang, iyaro bagiyangngé untu' sining imangngé. Iyaro sining peraturangngé harusu'i naturusi bangsa Israélié lettu mannennungeng.

ANGIMANGENG 8:12

Purairo rilanti'ni Harun ri Musa sibawa tirikiwi céddé minnya upacara ri yasé'na ulunna.

ABBILANGENG 3:3

Rilanti'i mennang mancaji imang sibawa upacara tirikiwi minnya tompo ulunna.

IBRANI 2:11

Yésus pépaccingiwi rupa tauwé polé ri dosa-dosana mennang; na Aléna iya pépaccingiyéngngi, enrengngé mennang iya ripépaccingiyéro, pada-padai mappunnai séddi Ambo'. Iyanaro saba'na Yésus dé' namasiri mangakuiwi mennanro selaku saudara-saudara-Na.

1 YOHANES 2:27

Iyakiya passalenna alému, purani napanurung Kristus Roh-Na lao ri iko. Na ri wettu engkana mupa Roh-Na ri iko, dé' naparellu engka tau laing pagguruko. Saba' Roh-Na pagguruko passalenna sininna séuwa-séuwaé; sibawa aga iya nappagguruwangngéro tongengngi, tenniya bellé. Rimakkuwannanaro, sitinajako matinulu lao ri aga iya nappagguruwangngé iyaro Roh-é, sibawa sitinajako tette' tuwo masséddi sibawa Kristus.

WAHYU 7:14

Umappébali, “Dé' uwissengngi Puwang. Puwang muto missengngi.” Nakkeda lao ri iyya, “Iyanaé sining tau iya salama'é laloiwi wettu paccallangngé iya maseroé. Purani mennang nasessa jumbana enrengngé naébbui maputé sibawa darana Ana' Bimbala'éro.