ANGIMANGENG 8:29 - KITTA KAREBA MADECENG

²⁹ Nainappa nala Musa dadana iyaro bimbala'é nanakkasuwiyangengngi selaku pakkasuwiyang tanréyangeng lao ri Puwangnge. Iyanaro bagiyanna Musa polé ri bimbala lai iya riyakkasuwiyangengngé untu' upacara allantikeng imangngé. Iya manenna napogau'i Musa pada-pada iya napparéntangngé Puwangnge lao ri aléna.

ANGIMANGENG 8:29 ပူးပေါင်းရင်းမြစ်များ

MAZMUR 99:6

Musa sibawa Harun muttama'ni imang-ngiman-Na, Samuél sala séddinna iya massempajangngé ri Aléna. Mangobbii mennang lao ri Puwangnge, sibawa mabbéréi pappébali.

YESAYA 66:20

Polé risining wanuwaéro natiwii matu mennang lisu sining silessuremmu sibangsaé selaku hadiya untu' alé-Ku. Natiwii matu mennang sining tauwéro lao ri bulu-bulu-Ku iya mapaccingngé ri Yérusalém sibawa tonangi anyarang, kaleddé sibawa unta, enrengngé nasibawang karéta nenniya padati, pada-pada biyasaé tiwii tau Israélié lao ri Bolana Puwangnge pakkasuwiyang gandong ri laleng onrong iya mapaccingngé.

1 KORINTUS 10:31

Muwi aga napogau' Saudara – manréi Saudara iyaré'ga ménungngi – pogau'i iya manennaro untu' pakalebbii Allataala.

1 PETRUS 4:11

Tau iya mappalettu'é biritta, harusu'i palettu' biritta polé ri Allataala; tau iya tumaningiyéngngi tau laingngé, harusu'i natumaningi sibawa awatangeng polé ri Allataala, kuwammengngi ri laleng sininna gau'é, weddingngi ripakaraja Allataala naolai Yésus Kristus. Aléna ritu makuwasa sibawa sipato' ripakaraja lettu mannennungeng. Aming.