ANGIMANGENG 8:2 - KITTA KAREBA MADECENG

² “Obbii Harun sibawa ana'-ana'na enrengngé tiwii pakéyang imangngé, minnya upacaraé, sikaju saping lai malolo untu' akkarobangeng paddampengeng dosa, duwakkaju bimbala lai sibawa sibaku roti iya dé'é raginna.

ANGIMANGENG 8:2 ပူးပေါင်းရင်းမြစ်များ

ASSURENG 28:1

“Obbii Harun kakamu enrengngé ana'-ana'na Nadab, Abihu, Eléazar sibawa Itamar, namupallaingngi mennang kuwammengngi weddingngi tumaningika selaku imang.

ASSURENG 28:40

Ebbuno kaméja, babbang sibawa passapu untu' ana'-ana'na Harun kuwammengngi napaita mennang malebbi.

ASSURENG 39:41

sibawa pakéyang assompangngé untu' sining imangngé wettunna mennang majjama ri Bili' Mapaccingngé enrengngé pakéyang untu' Harun sibawa ana'-ana'na.

ANGIMANGENG 6:10

Mancaji awunnana iyaro akkarobangngé, massaluwara' ponco'ni imangngé sibawa jumba polé ri kaing lénangngé, harusu'i makkai iyaro awu mallunra'é polé ri yasé'na mézbaé nanataroi ri seddéna mézbaé.

ANGIMANGENG 8:1

Makkedai Puwangnge lao ri Musa,

ANGIMANGENG 8:10

Nainappa mala Musa minnya upacara nanassapuwangngi ri Kémana Puwangnge enrengngé sininna passakke'na. Nanallalengiro iya manenna ripallaingngi untu' Puwangnge.

ANGIMANGENG 8:18

Nainappa Musa mala bimbala lai untu' akkarobangeng ritunu, nainappa Harun sibawa ana'-ana'na palénne'i limanna ri tompo ulunna iyaro bimbala'é.

ANGIMANGENG 8:22

Nainappa nala Musa iyaro bimbala lai sikajuéppa untu' akkarobangeng allantikeng imang. Harun sibawa ana'-ana'na palénne'i limanna mennang ri tompo ulunna iyaro bimbala'é,

ANGIMANGENG 8:3

Nainappa suroi sininna umma Israélié maddeppungeng ri yolona sumpang Kéma-Ku.”

IBRANI 7:27

Dé' napada-pada sining imang lompo laingngé, iya esso-essoé harusu makkasuwiyangeng akkarobangeng nasaba dosa-dosa aléna riyolo, nappa nasaba dosa-dosana umma'é. Yésus makkasuwiyangengngi akkarobangengngé siseng bawang lettu mannennungeng, wettunna nakkasuwiyangeng Aléna selaku akkarobangeng.