ANGIMANGENG 8:19 - KITTA KAREBA MADECENG

¹⁹ Musa géréi iyaro bimbala'é sibawa mabbolorengngi darana ri iya eppa benrénna mézbaé.

ANGIMANGENG 8:19 ပူးပေါင်းရင်းမြစ်များ

2 TAWARIKH 29:22

Iyaro sining sapingngé nagéréni nainappa nabboloreng darana sining imangngé ri mézbaé. Nainappa napogau'to mennang makkuwaéro sibawa iya pituro bimbala'é sibawa iya pitu ana' bimbala'é.

ANGIMANGENG 1:11

Iyaro tauwé harusu'i nagéré iyaro olokolo'é ri seddé manoranna mézbaé, nainappa sining imangngé harusu mabbolorengngi darana ri iya eppa benrénna mézbaé.

ANGIMANGENG 8:18

Nainappa Musa mala bimbala lai untu' akkarobangeng ritunu, nainappa Harun sibawa ana'-ana'na palénne'i limanna ri tompo ulunna iyaro bimbala'é.

ANGIMANGENG 8:20

Nainappa nasépa-sépa iyaro olokolo'é na lise babuwana enrengngé ajéna nabissai sibawa uwai. Ulunna, lunra'na sibawa lebbinna polé ri juku bimbala laiéro natunui untu' akkarobangeng ritunu ri yasé'na mézbaé pada-pada napparéntangngé Puwangnge lao ri aléna. Baunna iyaro akkarobangeng inanré pésennangiwi atinna Puwangnge.

IBRANI 9:21

Nainappa nasibawang cara iya padaé, nakkeppikeng toni Musa iyaro daraé ri Kémana Puwangngé sibawa ri sininna paréwa-paréwa untu' assompangngé.