ANGIMANGENG 8:17 - KITTA KAREBA MADECENG

¹⁷ Iyakiya jukuna iyaro sapingngé, bingkulanna, lise babuwana nalebbié muttama'ni paruna, jaji sininna iyaro sapingngé sangadinna bagiyang-bagiyang iya puraé ripallaing ritunui ri saliwenna akkémangngé pada-pada iya napparéntangngé Puwangnge.

ANGIMANGENG 8:17 ပူးပေါင်းရင်းမြစ်များ

ASSURENG 29:14

Jukuna, bingkulanna sibawa paruna iyaro saping laié harusu'i ritunu ri saliwenna akkémangngé. Iyanaro pakkasuwiyang untu' paddampengeng dosana sininna imangngé.

YEHEZKIEL 43:21

Nainappa alano saping lai untu' pappaledda dosaéro, namutunui ri onrong iya puraé ripattentu, iyanaritu ri saliwenna daéra mapaccinna Bolana Puwangnge.

ANGIMANGENG 16:27

Saping lai sibawa bémbé untu' akkarobangeng paddampengeng dosaé, iya daranaé riputtama ri laleng Bili' Pommapaccingngé untu' paddampengeng dosa, harusu'i ritiwi massu ri akkémangngé sibawa ritunu. Bingkulanna, jukuna sibawa lise babuwana iya duwa olokolo'éro harusu'i ritunu maneng.

ANGIMANGENG 4:21

Nainappa ritiwi massu iyaro saping laié, naritunu risaliwenna akkémangngé, padapada pakkasuwiyang saping lai untu' akkarobangeng paddampengeng dosana Imang Lompoé. Makkuwaniro carana makkasuwiyangeng akkarobangeng paddampengeng dosana umma'na.

ANGIMANGENG 6:30

Olokolo untu' upacara paddampengeng dosaé iya riyalaé sibagiyang darana untu' ritiwi ri Bili' Mapaccingngé, harusu'i ritunu gangka cappu sibawa dé' nawedding riyanré.

ANGIMANGENG 9:11

Iyakiya juku sibawa bingkulanna iyaro olokolo'é ritunui ri saliwenna akkémangngé.

GALATIA 3:13

Iyakiya Kristus paleppe'ki polé ri tanrona Hukkunna Agamaé. Napogau'i iyaro ri laleng naleppessanna aléna tattanro nasaba idi. Saba' ri laleng Kitta'é tarokii, “Tattanroi tau iya maté rigattung ri alliri ajué.”