ANGIMANGENG 8:12 - KITTA KAREBA MADECENG

¹² Purairo rilanti'ni Harun ri Musa sibawa tirikiwi céddé minnya upacara ri yasé'na ulunna.

ANGIMANGENG 8:12 ပူးပေါင်းရင်းမြစ်များ

MAZMUR 133:2

Iyaro padai minnya wangi mangke'é iya ritiri'é ri tompo ulunna Harun, nainappa nonno ri ellong wajunna.

ASSURENG 28:41

Pasangngi iyaro pakéyangngé ri Harun silessuremmu sibawa ana'-ana'na. Minnyakiwi mennang sibawa minnya zaitun; nasibawang iyaro narilanti mennang sibawa ripallaing untu' tumaningi-Ka selaku imang.

ASSURENG 29:7

Nainappa muwala minnya upacaraé, tiri'i ri tompo ulunna sibawa minnyakiwi.

ASSURENG 30:30

Minnyaki towi Harun sibawa ana'-ana'na kuwammengngi narilanti mennang mancaji imang untu' tumaningi-Ka.

ANGIMANGENG 10:7

Aja' musalaiwi Kémana Puwangnge kuwammengngi aja' mumaté, saba' purano rilanti sibawa minnya upacara untu' tumaningiwi Puwangnge.” Napogau'ni mennang pada-pada iya napowadaé Musa.

ANGIMANGENG 4:3

Rékko Imang Lompoé madosa, angkanna maccowé towi bangsa Israélié pasala, harusu'i makkasuwiyangeng sikaju saping lai malolo iya dé'é sala-salanna lao ri Puwangnge kuwammengngi nariyaddampengeng dosana.

ANGIMANGENG 7:36

Ri essoéro Puwangnge paréntangngi bangsa Israélié kuwammengngi napolé ri pakkasuwiyanna mennang, iyaro bagiyangngé untu' sining imangngé. Iyaro sining peraturangngé harusu'i naturusi bangsa Israélié lettu mannennungeng.

ANGIMANGENG 8:30

Purairo malani Musa sibagiyang polé ri minnya upacaraé sibawa sibagiyang polé ri dara iya engkaé ri yasé'na mézbaé, nainappa nakkeppikeng lao ri Harun sibawa ana'-ana'na enrengngé lao ri pakéyanna mennang. Nasibawang caraéro, Musa pallaingngi mennang sibawa pakéyanna lao ri Puwangnge.