ANGIMANGENG 8:11 - KITTA KAREBA MADECENG

¹¹ Céddé polé ri minnya'éro riyakkeppikeng wékkapitu ri yasé'na mézbaé sibawa sininna passakke'na, makkuwatoro ri yasé'na kullangngé sibawa pabborina. Nanallalengiwi iya manenna ripallaingngi untu' Puwangnge.

ANGIMANGENG 8:11 ပူးပေါင်းရင်းမြစ်များ

ASSURENG 16:14

Wettunna mallajang iyaro cinoddoé, paitani ri tompo'na padang kessi'éro séuwa iya manipié pada-pada sessi'é sibawa manenné pada-pada cinoddo iya mattékké.

ASSURENG 16:19

Makkedani Musa lao ri mennang, “Muwi niga dé'to nawedding taroi iyaro inanré muwi céddé untu' baja.”

ASSURENG 29:36

Esso-esso harusu'i riyakkasuwiyangeng sikaju saping lai untu' paddampengeng dosa. Nasibawang iyaro akkarobangengngé ripaccingiwi mézbaé. Nainappa iyaro mézbaé harusu'i muminnyaki sibawa minnya zaitun kuwammengngi naripallaing untu' Iyya.

ASSURENG 29:37

Pogau'i iyaro esso-esso pitungngesso ittana. Namancaji mapaccing maneng mézbaé; agi-agi iya kennaéngngi iyaro mézbaé harusu'i riyabbéréyang lao ri Puwangnge, sibawa nigi-nigi iya géssaéngngi lolongengngi acilakang nasaba awatangeng apaccingenna.”

ASSURENG 30:29

Nasibawang caraéro harusu'i mupallaing iyaro barab-barangngé untu' Iyya, kuwammengngi namapaccing maneng. Agi-agi iya kennaéngngi iyaro mézbaé harusu'i riyabbéréyang lao ri Puwangnge, sibawa nigi-nigi géssai lolongengngi matu acilakang nasaba awatangeng apaccingenna.

ASSURENG 4:17

Tiwini iyaro tekkengngé, mébbuko matu sining anu makalallaing nasibawang iyaro.”

ASSURENG 4:6

Makkedasi paimeng Puwangnge lao ri Musa, “Puttama'i limammu ri laleng wajummu.” Naturusini Musa, na wettunna nagetteng massu limanna, iyaro limaé maputé senna'ni nasaba nakennai lasa oli iya mabbahayaé.

YESAYA 52:15

Iyakiya makkekkuwangngé maéga bangsa naébbu hérang, mammekkoi sining arungngé nasaba bengngai. Naitai matu sibawa najeppuiwi, iya riyolonaé dé' mennang naissengngi.”

YEHEZKIEL 36:25

Purairo Uweppikiko matu sibawa uwai macinnong, kuwammengngi namumapaccing polé ri sininna barahalamu sibawa polé ri sininna séuwa-séuwaé iya puraé carépaiko.

ANGIMANGENG 14:16

Puranana natellengeng jari lima ataunna ri laleng minnya'é, nakkeppikenni wékkapitu ri laleng Kémana Puwangnge.

ANGIMANGENG 4:17

Kuwaniro harusu natellengeng jarinna ri laleng daraéro nainappa nakkeppikeng wékkapitu ri yolona paddenring iya lacce'éngngi Bili' Mapaccingngé.

ANGIMANGENG 4:6

Nainappa harusu'i natellereng jarinna ri laleng daraéro nanakkeppikengngi wékkapitu ri yolona paddenring iya lacce'éngngi Bili' Mapaccingngé.

TITUS 3:6

Natiri'i Allataala Roh-Na lao ri idi naolai Yésus Kristus, Arung Pappassalama'ta,