ANGIMANGENG 7:9 - KITTA KAREBA MADECENG

⁹ Tungke' akkarobangeng ripatalaé iya ritunué ri laleng attunungngé iyaré'ga rinasu ri laleng pamuttué iyaré'ga iya ripanggangngé, mancajiwi bagiyanna imang iya makkasuwiyangengngéngngi.

ANGIMANGENG 7:9 ပူးပေါင်းရင်းမြစ်များ

2 ARUNG-NGARUNG 12:17

Iyaro wettué Hazaél arung Siria nagasai sibawa natudangiwi kota Gat. Namanniya' towi gasai Yérusalém.

YEHEZKIEL 44:29

Harusu'i mennang tuwo polé ri pakkasuwiyang gandongngé, akkarobangeng pappaledda dosaé, sibawa akkarobangeng passullé arogingngé; sibawa sininna séuwa-séuwaé iya puraé ripallaing untu' Iyya, harusu'i riwéréng mennang.

ANGIMANGENG 2:10

Lebbinna iyanaritu untu' imangngé. Iyaro rotié mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 5:13

Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge. Labbu iya nasésaé iyanaritu bagiyanna imangngé, pada-pada ri akkarobangeng gandongngé.

ANGIMANGENG 7:10

Iyakiya akkarobangeng ripatala iya dé'é narinasu, muwi iya sicampuru'é sibawa minnya muwi iya marakkoé, iya manenna untu' imang-ngimang wija-wijanna Harun, sibawa harusu'i nabagé rata riyelle'na mennang.

ANGIMANGENG 7:8

Bingkulanna iyaro olokolo'é untu'nato imangngé.

ABBILANGENG 18:9

Polé risining pakkasuwiyang iya kaminang mapaccingngé iya dé'é naritunu ri yasé'na mézbaé, iya mangoloéwé iyanaritu untu' iko: Akkarobangeng ripatalaé, akkarobangeng paddampengeng dosaé sibawa akkarobangeng passullé arogingngé. Iya manennaro pakkasuwiyang mapaccing iya mancajiyé bagiyammu sibawa ana'-ana'mu.

1 KORINTUS 9:13

Tentu naisseng Saudara makkedaé tau iya majjamaé ri laleng Bolana Allataala natarimai inanréna mennang polé ri Bolana Allataala. Sibawa sining tau iya murusu'éngngi onrong akkasuwiyangeng akkarobangengngé, lolongengngi sibagiyang polé ri akkarobangeng iya nakkasuwiyangengngé kuwaro.

1 KORINTUS 9:7

Dé'gaga anggota tentara iya harusu'é mongkosokiwi aléna ri laleng atentarangngé! Dé'gaga patani iya mattaneng anggoro'é ri dare'na nainappa dé' nanréi wassélé anggoro polé ri dare'éro! Dé'gaga pakkampi iya piyaraé bimbala', nainappa dé' naénung susu polé ri bimbala'-bimbala'naro!

GALATIA 6:6

Tau iya tarimaéngngi pappagguruwanna Kristus, sitinajai mabbagé sibawa gurunna sininna iya makessingngé iya engkaé ri aléna.