ANGIMANGENG 7:34 - KITTA KAREBA MADECENG

³⁴ Dadana sibawa poppang ataunna iyanaritu pabbéré ripallaing iya nalaé Puwangnge polé ri pakkasuwiyang tanréyanna bangsa Israélié sibawa riwéréngngi lao ri sining imangngé. Iyanaro subangenna bangsa Israélié untu' sining imangngé lettu mannennungeng.

ANGIMANGENG 7:34 ပူးပေါင်းရင်းမြစ်များ

ASSURENG 29:26

Alai dadana iyaro bimbala laié sibawa akkasuwiyangengngi untu' pakkasuwiyang tanréyangeng untu' alé-Ku. Na iyanaro tawamu.

ASSURENG 29:9

nenniya babbang ri mennang, nainappa mutaro passapué ri ulunna. Makkuwaniro carana lanti'i Harun sibawa ana'-ana'na. Mennang sibawa wija-wijanna harusu'i natumaningi-Ka selaku imang lettu mannennungeng.

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.

ANGIMANGENG 7:33

lao ri imang iya makkasuwiyangengngéngngi dara sibawa lunra akkarobangeng pappasidaméro.

ABBILANGENG 5:9

Polé ri agi-agi iya nakkasuwiyangengngé tau Israélié lao ri Puwangnge, pakkasuwiyang ripallaingngé mancajiwi bagiyanna imangngé iya tarimaéngngi iyaro pakkasuwiyangngé.

ABBILANGENG 6:20

Nainappa imangngé harusu majjellokengngi iyaro inanré selaku pabbéré ripallaing lao ri Puwangnge; iyanaro bagiyang mapaccing iya mancajiyé bagiyanna imangngé, rilainnaé dadana sibawa poppang bimbala lai iya manuru peraturangngé mancajiwi bagiyanna imangngé. Purapiro nappa tau nazir-é wedding ménung uwai anggoro.

ABBILANGENG 8:11

nainappa Harun harusu makkasuwiyangengngi sining tau Léwiéro selaku pakkasuwiyang ripallaing polé ri tau Israélié lao ri Iyya, kuwammengngi weddingngi mennang napogau' assompak-Ku.

ULANGENG 18:3

Rékko séddié tau makkasuwiyangeng akkarobangeng saping iyaré'ga bimbala, limanna, banginna sibawa lise' babuwana iyaro olokolo'é harusu'i riyabbéréyang lao ri imang-ngimangngé untu' tawana mennang.