ANGIMANGENG 7:24 - KITTA KAREBA MADECENG

²⁴ Lunra olokolo iya maté riyalé, iyaré'ga nasaba riyunoi ri olokolo masekkangngé, dé' nawedding riyanré iyakiya wedding ripaké untu' apparellung laing.

ANGIMANGENG 7:24 ပူးပေါင်းရင်းမြစ်များ

ASSURENG 22:30

makkuwatoro saping sibawa bimbala lai iya bunge' jajiyé. Leppessangngi iyaro olokolo'é monro ri indo'na pitungngesso ittana, nainappa muwabbéréyang lao ri Iyya ri esso maaruwaé.

ASSURENG 22:31

Iko umma'-Ku, rimakkuwannanaro muwi olokolo aga iya nanré olokolo masekkangngé, dé' nawedding muwanré jukuna; wéréngngi iyaro sining asué.”

YEHEZKIEL 4:14

Iyakiya mappébalika, “Aduh Puwang Iya Pommatanré! Mappammulai baiccu'ku lettu makkekkuwangngé, dé'pa naengka upanajisi'i aléku sibawa manré bakké olokolo iyaré'ga sésa inanréna olokolo masekkangngé. Dé' naengka uwanré inanré iya riyangga harangngé.”

YEHEZKIEL 44:31

Manu'-manu' sibawa olokolo iya maté riyalé, iyaré'ga iya ritikkengngé ri olokolo masekkangngé, dé' nawedding nanré sining imangngé.”

ANGIMANGENG 17:15

Tungke tau Israélié iyaré'ga tau laing iya manré juku olokolo iya maté riyalé, iyaré'ga maté riyuno ri olokolo masekkangngé, harusu'i sessa'i pakéyanna nainappa cemmé sibawa mattajeng narapi labu essoé, nappai mancaji mapaccing.

ANGIMANGENG 22:8

Riyattéyangngi manré juku olokolo iya maté riyalé iyaré'ga riyunoé ri olokolo masekkangngé. Rékko manréi, mancaji najisi'i. Iyya'na Puwang.

ANGIMANGENG 7:25

Tau iya manrééngngi lunra olokolo iya weddingngé riyakkasuwiyangeng untu' akkarobangeng inanré untu' Allataala, dé'na nariyangga anggota umma'na Allataala.

ULANGENG 14:21

Olokolo iya maté riyalé dé' nawedding muwanré, iyakiya wedding nanré tau laing iya monroé ri yelle'mu, iyaré'ga ribalu lao ri bangsa laingngé. Iko iyanaritu umma iya ripallaingngé untu' Puwang Allataalamu. Juku ana' bimbala iyaré'ga ana' bémbé'é dé' nawedding rinasu silaong uwai susunna indo'na.”