ANGIMANGENG 7:18 - KITTA KAREBA MADECENG

¹⁸ Iyakiya rékko ri esso matellué iyaro jukué riyanré mupi, iyaro akkarobangngé dé'na matu naritarima sibawa dé' natiwi barakka ri tauwéro, mala mancaji harangngi. Tau iya manrééngngi pasalai sibawa harusu'i tanggungngi addimonrinna.

ANGIMANGENG 7:18 ပူးပေါင်းရင်းမြစ်များ

AMSAL 15:8

Natarimai Puwangnge sempajanna tau makessingngé, iyakiya nacéccéi pakkasuwiyanna tau majaé.

YESAYA 65:4

Ri wennié laowi mennang ri gowa-gowaé sibawa kuburu'é untu' méllau pangaja ri waliyalaé. Manréi mennang juku bawi sibawa ménung duro juku iya harangngé.

YESAYA 66:3

Iyakiya iyaro bangsaé napogau'i siyélo-élona mennang; masennangngi mennang massompa sibawa cara iya mappakacciddi-ciddi'é. Untu' mennang dé'gaga assilaingenna: makkarobangeng saping lai sibawa makkarobangeng tolino, makkarobangeng ana' bimbala sibawa rettoi ellonna asué; makkasuwiyangeng gandong sibawa makkarobangeng dara bawi, mattunu kamennyang sibawa massompa dato-dato.

YEREMIA 14:10

Passalenna iyaro bangsaé makkedai Puwangnge, “Dé' Umasennang sibawa sining tauwéro iya pojiyéngngi lari polé ri Iyya, sibawa dé' namaélo makuwasaiwi aléna. Dé' Uwallupaiwi matu asalanna mennang, Uhukkungngi matu mennang nasaba dosana.”

YEREMIA 14:12

Namuni mennang mappuwasai, dé' Umaélo jampangiwi pangobbina mennang méllau tulung; sibawa namuni mennang makkasuwiyangngi lao ri Iyya akkarobangeng ritunu sibawa akkarobangeng gandong, dé' Umasennang matu sibawa mennang. Sibalé'na, Upaccappui matu mennang sibawa musu, akkadéreng sibawa sai.”

YEHEZKIEL 18:20

Tau iya pogau'é dosa, aléna ritu maté matu. Dé' naharusu ana'é tanggungngi addimonrinna polé ri asalanna ambo'na; sibalé'na, ambo'é dé'to naharusu tanggungngi addimonrinna polé ri dosa-dosana ana'na. Tau iya makessingngé lolongengngi matu pamale iya makessingngé nasaba pangkaukenna iya makessingngé. Sibawa tau iya majaé manrasa-rasai matu polé ri jana.

HOSEA 8:13

Napoji mennang makkasuwiyangeng akkarobangeng lao ri Iyya, sibawa manréi juku akkarobangengngéro, iyakiya Iyya Puwang, dé' Umasennang sibawa sining akkarobangengngéro. Makkekkuwangngé maélo-Ka méngngerangngi dosana sibawa hukkungngi mennang nasaba dosa-dosaéro; Ukiringngi matu mennang lisu ri Maséré!

ANGIMANGENG 10:17

“Magi iyaro akkarobangeng paddampengeng dosaé dé' muwanréi ri onrong iya mapaccingngé? Iyaro akkarobangngé mapaccing senna; Puwangnge mabbéréyangngi lao ri iko, kuwammengngi nariyaddampengeng dosana umma Israélié.

ANGIMANGENG 10:19

Nappébali Harun, “Mémeng iyaé essoé umma Israélié purani makkasuwiyangeng akkarobang paddampeng dosa sibawa akkarobang ritunué lao ri Puwangnge. Namuni makkuwaro, iyaé abalaé nakennana'. Ebara'na iyaé essoé uwanré towi iyaro akkarobang paddampengeng dosaé, masenna'ga matu Puwangnge?”

ANGIMANGENG 11:41

Sininna olokolo iya mpekke'é ri tompo'na tanaé, muwi iya makkalolo'é, iya eppaé ajéna iyaré'ga maégaé ajéna, iyanaritu harangngi sibawa dé' nawedding riyanré.

ANGIMANGENG 17:16

Rékko dé' napogau'i iyaro, harusu'i natanggung addimonrinna.

ANGIMANGENG 19:5

Rékko makkasuwiyakko olokolo untu' akkarobangeng pappasidamé, accowériwi sining peraturang iya Uwabbéréyangngé, kuwammengngi Utarimai iyaro akkarobangngé.

ANGIMANGENG 20:17

Rékko séddié worowané lusérengngi ana'daranna iyaré'ga silessurenna iya siambo'é laing indo' iyaré'ga siindo'é laing ambo', dé'na nariyangga matu anggota umma'-Ku. Purani napogau' mennang pangkaukeng iya dé'é nasipato sibawa harusu'i tanggungngi addimonrinna.

ANGIMANGENG 20:19

Rékko séddié worowané lusérengngi amuréna, iya duwa harusu tanggungngi addimonrinna polé ri pelanggarannaro.

ANGIMANGENG 22:16

sibawa malleppessangngi nanré tau iya dé'é nappunnai ha' manréi. Iyaro gau'é napancajiwi iyaro tauwé pasala sibawa papoléngengngi pahukkungeng ri yasé'na. Iyya'na Puwang, sibawa iyya pépaccingiwi iyaro pakkasuwiyangngé.”

ANGIMANGENG 22:23

Untu' akkarobangeng cenning atié weddikko makkasuwiyangeng olokolo iya dé'é nasakke lingé, iyakiya untu' mappaleppe tinja, olokolo makkuwaéro dé' nawedding ritarima.

ANGIMANGENG 22:25

Olokolo iya rilolongengngé polé ri tau laingngé dé' nawedding riyakkasuwiyangeng untu' akkarobangeng inanré. Iyaro olokolo'é riyangga sala-salangngi sibawa dé' nawedding ritarima.

ANGIMANGENG 5:17

Rékko séddié tau dé' nattungkaiwi pogau' dosa nasaba najjalékkaiwi sala séddinna paréntana Puwangnge, iyaro tauwé pasalai sibawa harusu'i natanggung addimonrinna.

ANGIMANGENG 7:19

Juku iya nakennaé agi-agi iya najisi'é harusu'i ritunu gangka cappu sibawa dé' nawedding riyanré. Juku akkarobangeng pappasidamé banna weddingngi nanré tau iya dé'é nanajisi'.

AMOS 5:22

Rékko tiwiko akkarobangeng ritunu sibawa akkarobangeng gandong, dé' Utarimai matu. Dé' Umaélo tarimai olokolo'mu iya macommo'éro iya muwakkasuwiyangengngé lao ri Iyya selaku akkarobangeng pappasidamé.

MALEAKHI 1:10

Makkedai Puwang Iya Pommakuwasaé, “Lebbi kessing muwi ritongko sumpang Bola-Ku, saba' siya-siyako palluwa api ri mézba-Ku. Dé' Upojiko, sibawa dé' Umaélo tarimai pakkasuwiyammu.

MALEAKHI 1:13

Adammu, ‘Najinnani sibawa sininnaro’, namupakariyawa-Ka. Tiwiko olokolo riyénnau, olokolo iya képo iyaré'ga iya malasaé untu' riyakkasuwiyangeng lao ri Iyya. Mupikkiri'i maélo-Ka tarimai pakkasuwiyammuro?

ABBILANGENG 18:27

Iyaro pakkasuwiyang ripallaingngé riyangga padai sibawa pakkasuwiyang gandong barué sibawa uwai anggoro barué.

LUKAS 16:15

Iyakiya makkedai Yésus lao ri mennang, “Ikona ritu tau iya tongengngé rita ri yolona tau laingngé, iyakiya naissengngi Allataala lise' atimmu. Saba' aga naseng matanré rupa tauwé, naita mariyawai Allataala.

ROMA 4:11

Ri munriwi risunna, sibawa iyaro sunna'na banna selaku tanrang makkedaé Allataala pura tarimai selaku tau iya pésennangiyéngngi atinna Allataala, nasaba mateppe'i ri Allataala. Ritarimai ri Allataala riwettu dé'napa naccowériwi peraturang sunna'é. Sibawa Abraham mancaji ambo'i secara baténg lao ri sininna tau iya mateppe'é ri Allataala, sibawa iya nassabariyé pura ritarimai ri Allataala selaku tau iya pésennangiyéngngi atinna Allataala, namuni mennang dé' naccowériwi peraturang sunna'é.

IBRANI 9:28

Makkuwatoro Kristus sisemmi riyakkasuwiyangeng selaku akkarobangeng untu' leddai dosana maéga tau. Maéloi polé paimeng mabbékkaduwanna, tenniya untu' pacceppiwi persoalang dosaé, iyakiya untu' passalama'i sining tau iya tajengngéngngi apolén-Na.

1 PETRUS 2:24

Kristus muto méssangngi dosa-dosata ri Aléna ri yasé'na aju sallié, kuwammengngi bébasa'i polé ri akuwasanna dosaé, sibawa tuwo manuru' élona Allataala. Lolona Kristus pajjappako.