ANGIMANGENG 7:16 - KITTA KAREBA MADECENG

¹⁶ Rékko séddié tau tiwi akkarobangeng pappasidamé untu' rupaiwi jancinna, dé' naparellu riyanré maneng iyatoro essoé. Bagiyang lebbinna weddingngi riyanré pappa bajana.

ANGIMANGENG 7:16 ပူးပေါင်းရင်းမြစ်များ

MAZMUR 116:14

Upennoiwi matu jancikku lao ri Aléna ri yolona sininna umma'-Na.

MAZMUR 116:18

Upennoiwi matu jancikku lao ri Puwangnge, ri yolona sininna umma'-Na

MAZMUR 66:13

Tiwika matu akkarobangeng ritunu ri Bola-Mu sibawa rupaiwi jancikku lao ri Iko,

ASSURENG 35:29

Sininna tau Israélié macenning atinna tiwii pakkasuwiyanna mennang ri Puwangnge untu' jama-jamang iya napparéntangngé Puwangnge naolai Musa.

AMSAL 7:14

“Iyaé essoé harusu'ka mpajai niya'ku, na untu' iyaro purana makkasuwiyangeng akkarobangeng.

YEHEZKIEL 46:12

Rékko macinnai panguwasaé mabbéré pakkasuwiyang cenning ati lao ri Puwangnge, muwi maddupa akkarobangeng ritunu iyaré'ga akkarobangeng pappasidamé, gerbang alau iya mattujué ri seddé lalengngé harusu'i ritimpakengngi. Harusu'i nakkasuwiyangeng iyaro akkarobangengngé sibawa cara iya pada-padaé napogau'é ri esso Saba'é, iyakiya lisunna muwa, iyaro gerbangngé harusu'i ritongkosi.”

ANGIMANGENG 22:23

Untu' akkarobangeng cenning atié weddikko makkasuwiyangeng olokolo iya dé'é nasakke lingé, iyakiya untu' mappaleppe tinja, olokolo makkuwaéro dé' nawedding ritarima.

ANGIMANGENG 22:29

Rékko makkarobangekko akkarobangeng sukkuru lao ri Puwangnge, pogau'i iyaro situru peraturangngé, kuwammengngi naritarima akkarobangemmu.

ANGIMANGENG 23:38

Iyaro ramé-ramé sinrupai pattamba ri esso-esso Saba'é biyasaé, jaji iyaro sining pakkasuwiyangngé iyanaritu pattambana towi pabbérému iya biyasaé, ri akkarobangemmu untu' mappaleppe tinja, iyaré'ga akkarobangeng cenning ati iya muwabbéréyangngé lao ri Puwangnge.

NAHUM 1:15

Itani, engka séddi suro polé lalo risining bulué, tiwi karéba madécéng, karéba apakalang. Eh bangsa Yéhuda, ramé-raméini esso marajamu sibawa wajani tinja'mu lao ri Allataala. Dé'na narijajana matu wanuwammu ri tomajaé. Purani mennang riyancuru siseng.

ABBILANGENG 15:3

Untu' akkarobangeng ritunué iyaré'ga akkarobangeng pappaleppe tinja'é iyaré'ga akkarobangeng cenning atié iyaré'ga akkarobangeng ramé-ramé biyasaé, weddikko makkasuwiyang lao ri Puwangnge: saping lai, bimbala lai, bimbala iyaré'ga bémbé. Baunna iyaro sining akkarobangngé pésennangiwi atinna Puwangnge.

ULANGENG 12:11

Nainappa piléi matu Puwang Allataalamu séddi onrong kégi wedding risompa. Kuwaniro harusu lao tiwii sininna iya puraé Uwapparéntang, iyanaritu akkarobangeng ritunué sibawa akkarobangeng-akkarobangeng laingngé, pakkasuwiyang tawaseppulomu sibawa pakkasuwiyang ripallaing iya muwajjanciyangngé lao ri Puwangnge.

ULANGENG 12:17

Ri onrong muwonroiyé dé' naweddikko manré pakkasuwiyang tawaseppulona gandommu, anggoro'mu, minnya zaitummu, sapimmu iyaré'ga bémbé bimbala'mu iya bunge' jajiyé, akkarobangeng pappaleppe tinja'mu, akkarobangeng cenning atimmu iyaré'ga pakkasuwiyang laingngé.

ULANGENG 12:26

Sininna akkarobangngé sibawa pakkasuwiyangngé iya puraé muwajjanciyang lao ri Puwangnge, harusu'i mutiwi ri onrong iya napilé Puwangnge.

ULANGENG 12:6

Ri onrongngénnaro harusu'i mutiwi sining akkarobangeng ritunummu enrengngé sining akkarobangeng laingngé, pakkasuwiyang tawa seppulomu sibawa kappasuwiyang laingngé, akkarobangeng pappaleppe tinja'mu, akkarobangeng cenning atimmu sibawa ana' sapimmu nenniya bémbé bimbala'mu iya bunge' jajiyé.