ANGIMANGENG 7:14 - KITTA KAREBA MADECENG

¹⁴ Polé ri tungke' rupanna rotié, sibagiyang harusu'i riyakkasuwiyangeng lao ri Puwangnge, na iyaro bagiyanna imang iya malaéngngi darana olokolo'éro sibawa mabbolorengngi ri mézbaé untu' akkarobangeng pappasidamé.

ANGIMANGENG 7:14 ပူးပေါင်းရင်းမြစ်များ

ANGIMANGENG 6:26

Imang iya makkasuwiyangengngéngngi iyaro akkarobangngé harusu'i nanré ri onrong iya ripallaingngé, iyanaritu seddéna Kémana Puwangnge.

ABBILANGENG 18:19

Untu' mannennungeng, sininna pakkasuwiyang iya ripallaingngé iya natiwié tau Israélié lao ri Iyya, Uwérékko sibawa ana'-ana'mu worowané nenniya makkunraié. Iyaro peraturangngé takkennai untu' mannennungeng sibawa mancajiwi passiyo assijancing iya dé'é nawedding rilura' ri yelle'ta, Iyya sibawa iko sibawa wija-wijammu.”

ABBILANGENG 31:29

Abbéréyangngi iyaro lao ri Imang Eléazar selaku pakkasuwiyang ripallaing untu' Iyya, Puwang.

ABBILANGENG 31:41

Nainappa Musa mabbéréyangngi pabbéré ripallaingngéro lao ri Imang Eléazar untu' pakkasuwiyang lao ri Puwangnge, pada-pada iya napparéntangngé Puwangnge.

1 KORINTUS 10:18

Coba pénessaiwi sining tau Yahudié. Iya mennang manrééngngi inanré iya riyakkasuwiyangengngé ri yasé'na onrong akkasuwiyangeng akkarobangengngé, iyanaritu sining tau iya masséddié sibawa onrongngéro.

ULANGENG 18:8

Harusu'i tarima inanré iya padaé égana pada-pada imang-ngimang laingngé; aga iya nalolongengngé polé ri kaluwargana, makkuwatoro untu' aléna.”