ANGIMANGENG 7:1 - KITTA KAREBA MADECENG

¹ Iyanaé peraturanna passalenna akkarobangeng passullé arogingngé. Iyaro akkarobangngé mapaccing senna'i.

ANGIMANGENG 7:1 ပူးပေါင်းရင်းမြစ်များ

2 TAWARIKH 31:14

Koré ana' Yimna, séddiwi tau Léwi mancaji kapalana pengawal-é ri Pintu Gerbang Alau ri Bolana Puwangnge, riwéréng tanggung jawa' untu' tarimai sining pabbéré iya riyakkasuwiyangengngé lao ri Puwangnge, nainappa nabagé-bagé.

YEHEZKIEL 40:39

Ri bili' battowaéro engka eppa méjang, duwa ri tungke benrénna. Ri yasé'na sining méjangngénnaro rilétta olokolo untu' akkarobangeng ritunué, iyaré'ga akkarobangeng pappaledda dosaé iyaré'ga akkarobangeng passullé arogingngé.

YEHEZKIEL 44:29

Harusu'i mennang tuwo polé ri pakkasuwiyang gandongngé, akkarobangeng pappaledda dosaé, sibawa akkarobangeng passullé arogingngé; sibawa sininna séuwa-séuwaé iya puraé ripallaing untu' Iyya, harusu'i riwéréng mennang.

YEHEZKIEL 46:20

sibawa makkeda, “Ri onrongngéwé harusu'i sining imangngé séwongngi akkarobangeng pappaledda dosaé sibawa akkarobangeng passullé arogingngé enrengngé panggangngi akkarobangeng gandongngé, kuwammengngi muwi céddé polé ri akkarobangeng iya mapaccingngéro dé' naritiwi ri seddé saliweng angkanna nacilakai ra'ya'é.”

ANGIMANGENG 21:22

Iyakiya weddingngi manré inanré iya riyakkasuwiyangngé, muwi akkarobang inanré iya mapaccingngé muwi akkarobangeng inanré iya mapaccing senna'é.

ANGIMANGENG 5:11

Rékko tau iya pasalaé dé' namampu passadiya sipasang bekku iyaré'ga jangang-jangang untu' akkarobangeng paddampengeng dosa, harusu'i tiwi sikilo labbu. Iyaro labbu'é dé' nawedding ricampuru minnya zaitun iyaré'ga nasibawang kamennyang, saba' iyaro akkarobangngé iyanaritu akkarobang paddampengeng dosa na tenniya akkarobangeng ripatala.

ANGIMANGENG 5:14

Puwangnge mabbéréyangngi lao ri Musa iyaé peraturangngé.

ANGIMANGENG 5:15

Rékko séddié tau dé' nattungkaiwi pogau' dosa nasaba takkalupai ri laleng mabbéréyangngi sining pakkasuwiyanna iya riwajikengngé untu' Puwangnge, iyaro tauwé harusu'i tiwi akkarobangeng passullé aroging. Iyaro akkarobangngé harusu'i sikaju bimbala iyaré'ga bémbé lai iya dé'é gaga sala-salanna, sibawa riyangke situru ellinna iya ripatakkennaé ri Kémana Puwangnge.

ANGIMANGENG 5:7

Iyakiya rékko tau iya pasalaé dé' namampu passadiya bimbala iyaré'ga bémbé untu' mpajai dosana, harusu'i tiwi sipasang bekku iyaré'ga jangang-jangang lolo, sikaju untu' akkarobangeng paddampengeng dosa, sibawa sikaju untu' akkarobangeng ritunu.

ANGIMANGENG 5:8

Iyaro manu'-manu'é harusu'i ritiwi lao ri imangngé. Harusu'i imangngé lebbi riyolo makkasuwiyangengngi manu'-manu' iya ripattentué untu' akkarobangeng paddampengeng dosa. Harusu'i riyalicci ellonna iyaro manu'-manu'é, iyakiya dé' nawedding narapi pettu ulunna.

ANGIMANGENG 6:25

mpéréngngi Harun sibawa ana'-ana'na iyaé sining peraturangngé passalenna akkarobangeng paddampeng dosaé. Olokolo untu' akkarobangeng paddampeng dosaé harusu'i rigéré ri onrong maggéré olokolo untu' akkarobangeng ritunué. Iyaro akkarobangngé mapaccing senna.

ABBILANGENG 6:12

sibawa pakabaruiwi abbéréyang aléna selaku tau nazir. Wettu labe'énna dé' naribilanna nasaba mancaji najisi'ni. Selaku akkarobangeng passullé aroging harusu'i makkasuwiyangeng sikaju ana' bimbala iya makkéumuru' sitaungngé.