ANGIMANGENG 6:27 - KITTA KAREBA MADECENG

²⁷ Muwi nigi-nigi iyaré'ga agi-agi iya kennaéngngi iyaro juku olokolo'é lolongengngi matu acilakang nasaba awatangeng apaccingenna. Rékko séddié waju nakenna darana iya tabbessi'éro, iyaro wajué harusu'i risessa ri onrong iya ripallaingngé.

ANGIMANGENG 6:27 ပူးပေါင်းရင်းမြစ်များ

ASSURENG 29:37

Pogau'i iyaro esso-esso pitungngesso ittana. Namancaji mapaccing maneng mézbaé; agi-agi iya kennaéngngi iyaro mézbaé harusu'i riyabbéréyang lao ri Puwangnge, sibawa nigi-nigi iya géssaéngngi lolongengngi acilakang nasaba awatangeng apaccingenna.”

ASSURENG 30:29

Nasibawang caraéro harusu'i mupallaing iyaro barab-barangngé untu' Iyya, kuwammengngi namapaccing maneng. Agi-agi iya kennaéngngi iyaro mézbaé harusu'i riyabbéréyang lao ri Puwangnge, sibawa nigi-nigi géssai lolongengngi matu acilakang nasaba awatangeng apaccingenna.

YEHEZKIEL 44:19

Rékko laowi mennang ri seddé saliweng, kégi maddeppungeng umma'é, iyaro imang-ngimangngé harusu'i naludung pakéyang dinasna mennang ri laleng bili'-bili' mapaccingngé ri Bola-Ku, nainappa paké pakéyang laingngé, kuwammengngi pakéyang ripallaingngéro dé' nacilakaiwi umma'é.

ANGIMANGENG 11:32

Rékko iyaro bakké olokolo'é sempé'i riséddié barang, iyaro barangngé mancaji najisi'i. Iyaro gau'é kajajiyangngi untu' sininna rupanna barang polé ri ajué, kaingngé, bingkulangngé, iyaré'ga kaing karungngé, dé' namancaji soal untu' aga iyaro barangngé ripaké. Iyaro barangngé harusu'i riremmé ri uwai, iyakiya tette'i najisi' narapi labu essoé.

ANGIMANGENG 6:18

Untu' mannennungeng tungke' worowané wija-wijanna Harun weddingngi manréi iyaro rotié; iyanaro bagiyanna mennang iya tette'é polé ri inanré iya riyakkasuwiyangengngé lao ri Puwangnge. Tau laing iya géssaéngngi inanré iya puraé riyakkarobangenro, lolongengngi matu acilakang nasaba awatangeng apaccingenna.

ANGIMANGENG 7:19

Juku iya nakennaé agi-agi iya najisi'é harusu'i ritunu gangka cappu sibawa dé' nawedding riyanré. Juku akkarobangeng pappasidamé banna weddingngi nanré tau iya dé'é nanajisi'.

HAGAI 2:12

Akkalarapanna engka tau mala sikare' juku polé ri akkarobangeng iya riyakkasuwiyangengngé lao ri Puwangnge, nainappa natiwi lisu ri laleng leppinna jumbana, nainappa nasibawang jumbanaro nagéssai rotié iyaré'ga séuwaé nasu-nasu, iyaré'ga anggoro'é, iyaré'ga minnya zaitungngé, iyaré'ga inanré agi-agi, aga iya manennaro mancaji mapaccing towi?” Wettunna napangolo Hagai pakkutanaéro, mappébaliwi sining imangngé, “Dé'.”

MATIUS 14:36

Nanaéllauni mennang ri Yésus kuwammengngi weddingngi mennang nagéssa jumba-Na, namuni cappa'na bawang. Na sininna iya géssaéngngi majjappai.

2 KORINTUS 7:1

Saudara-saudara iya upojiyé! Sininna iyaro jancié ripattujui lao ri idi. Rimakkuwannanaro sitinajaki pépaccingiwi alé polé ri sininna iya rota'iyéngngi tubu nyawata. Sitinajaki métau ri Allataala, kuwammengngi tasukku nataulléi tuwo banna untu' Allataala bawang.

2 KORINTUS 7:11

Cobako pénessaiwi aga wassélé'na ri iko polé ri amesséng iya siturué élona Allataala! Wassélé'na iyanaritu mattonget-tongekko makkuraga untu' pacinnongiwi aluccakengngé! Mubenciwi dosaé, métauko, muddaniko, masumange'ko, macennikko hukkungngi iya pasalaé! Ri laleng sininna passalengngéwé muwappaitangngi makkedaé dé' mupasala.