ANGIMANGENG 6:2 - KITTA KAREBA MADECENG

^2-3 Séddié tau harusu'i makkasuwiyangeng akkarobangeng rékko madosai lao ri Puwangnge nasaba dé' namaélo palisui barang iya ripaddettangiyéngngi ri pada-padanna, iyaré'ga bengnguwangngi tauwé, ménnauwi baranna, iyaré'ga lolongengngi barang iya teddéngngé, iyakiya nassakkarengngi sibawa mattanro.

ANGIMANGENG 6:2 ပူးပေါင်းရင်းမြစ်များ

KAJAJIYANG 26:7

Wettunna sining tauwé kuwaro makkutana passalenna Ribka, mappébalini Ishak makkedaé anrinna iyaro, sibawa tenniya bainéna. Métaui Ishak risining tauwéro riyuno ammai matu untu' lolongengngi Ribka iya magello senna'éro.

MAZMUR 51:4

Bissaini sininna jaku; pépaccingika polé ri dosaku.

AMSAL 24:28

Aja' mumancaji sabbi lao ri tau laingngé temmappunnai alasang iya sipato'é; aja'to mumabbellé passalenna aléna.

YESAYA 21:2

Lolongekka pakkitang passalenna kajajiyang-kajajiyang iya mappakatau-taué; passalenna abali'bellarengngé sibawa appabbinasangngé. Alluruno, tentara Elam, gasai! Eh tentara Madai, keppungngi! Napappajai matu Allataala sininna anrasa-rasang iya napapolé Babél.

YESAYA 24:16

Polé ri cappa linoé riyéngkalingai élong pappojiyangngé untu' Israélié, bangsa iya mapatoé. Iyakiya cilakana iyya! Makkanrodokka! Pabbali'bella'é matteru mupi bali'bella, mala pédé bali'bellai mennang.

YESAYA 33:1

Cilakani sining balitta! Marrampo'i mennang namuni dé' narirampo, sibawa bali'bellai namuni dé' naribali'bellari. Iyakiya purana marrampo sibawa bali'bella, aléna mennang mancaji matu rirampo sibawa ribali'bellari.

YEREMIA 9:5

Iya manenna sisullé sibellé, dé' gaga mabbicara malempu. Biyasani mabbellé témunna, dé' naulléi mennang salaiwi dosana. Abeccokengngé lao ri abeccokengngé, abengnguwangengngé lao ri abengnguwangengngé matteru-terui mennang napogau'i, nasampéyang sisenni mennang Puwangnge.

YEHEZKIEL 40:46

na bola iya mangoloé ri manorang ripassadiyai untu' sining imang iya majjamaé ri mézbaé. Iya manenna imangngéro harusu'i polé ri wija-wijanna Zadok. Saba' polé ri suku Léwi banna wija-wijanna Zadok iya weddingngé mangolo ri Puwangnge untu' tumaningiwi Aléna ri laleng assompangngé.

ANGIMANGENG 1:3

Rékko iya riyakkasuwiyangengngé sikaju saping, iyaro olokolo'é harusu'i iya laié sibawa dé'é gaga sala-salanna. Iyaro sapingngé harusu'i natiwi ri sumpang Kémana Puwangnge, kuwammengngi natarimai Puwangnge iyaro tauwé.

ANGIMANGENG 19:11

Aja' muwénnau, pabengnguwang iyaré'ga mabbellé.

ANGIMANGENG 5:15

Rékko séddié tau dé' nattungkaiwi pogau' dosa nasaba takkalupai ri laleng mabbéréyangngi sining pakkasuwiyanna iya riwajikengngé untu' Puwangnge, iyaro tauwé harusu'i tiwi akkarobangeng passullé aroging. Iyaro akkarobangngé harusu'i sikaju bimbala iyaré'ga bémbé lai iya dé'é gaga sala-salanna, sibawa riyangke situru ellinna iya ripatakkennaé ri Kémana Puwangnge.

ANGIMANGENG 5:19

Iyanaro akkarobangeng passullé aroging untu' asalang iya ripogau'é lao ri Puwangnge.

ANGIMANGENG 6:1

Puwangnge mpéréngngi Musa iyaé sining peraturangngé.

AMOS 8:5

Makkedako lao ri alému, “Tenniya pato ittana esso-esso ramé-ramé. Macinnaki masitta-sitta balu'si gandotta, iyakiya iyaro ramé-ramé teppudu-pudu paja. Uppannapa maccappa esso Saba'é, kuwammengngi weddikki mammula mabbalu'si? Macinna senna'ki maccatu', pabengnguwang sibawa ola, nenniya macéko-céko sibawa timbangeng.

HABAKUK 1:13

Iyakiya pékkugi-Ko tahang mitai sining tau maja iya mabecco'éro? Dé'ga na-Mumapaccing senna untu' mitai jaé? Dé'ga namaja péneddim-Mu mitai dé'é naadélé? Jaji, magi Muwammekko bawang wettunna tau malempué riyancuru ri tomadorakaé?

YOHANES 8:44

Ibillisi' ritu ambo'mu. Pammulanna mupa na iyaro Ibillisi' pabbuno. Dé' naengka naccowé ri atongengengngé, saba' dé' atongengeng ri aléna. Rékko mabbelléi, mémeng sitinaja, saba' makkuwa mémenro sipa'na. Pabbelléngngi sibawa assalenna sininna bellé.

RIWAYA'NA RASUL-RASUL-E 5:4

Iyaro tanaé iko punna riwettu dé'napa mubalu'i. Sibawa muwi puranana ribalu', iko topa punna iyaro dowi ellinna. Jaji magi naengka akkattamu ri laleng atimmu untu' pogau'i makkuwaéro? Tenniya tolinoé mubellé iyakiya Allataala!”

EFESUS 4:25

Rimakkuwannanaro Saudara-saudara iya maneng, aja'na muwabbellé. Alempuno lao ri laingngé, saba' idi manengngé iyanaritu pada-padaki anggota tubunna Kristus.

KOLOSE 3:9

Aja' muwabbellé séddié lao ri laingngé, saba' atuwong pura labe'é sibawa sininna sipa'na purani muleppessang.

WAHYU 22:15

Iyakiya sining tau iya pogau'éngngi sining gau' iya matunaé, iya makkégunangngéngngi sining pangissengeng mappalennye'-lennye'é, iya pogau'éngngi pangkaukeng mappangaddié, iya mabbunoé, iya massompaé barahala, sibawa iya madosaé muwi sibawa ada-ada iyaré'ga sibawa pangkaukeng, sininna tauwéro onronna iyanaritu ri saliwennai kotaéro.