ANGIMANGENG 6:18 - KITTA KAREBA MADECENG

¹⁸ Untu' mannennungeng tungke' worowané wija-wijanna Harun weddingngi manréi iyaro rotié; iyanaro bagiyanna mennang iya tette'é polé ri inanré iya riyakkasuwiyangengngé lao ri Puwangnge. Tau laing iya géssaéngngi inanré iya puraé riyakkarobangenro, lolongengngi matu acilakang nasaba awatangeng apaccingenna.

ANGIMANGENG 6:18 ပူးပေါင်းရင်းမြစ်များ

ASSURENG 29:37

Pogau'i iyaro esso-esso pitungngesso ittana. Namancaji mapaccing maneng mézbaé; agi-agi iya kennaéngngi iyaro mézbaé harusu'i riyabbéréyang lao ri Puwangnge, sibawa nigi-nigi iya géssaéngngi lolongengngi acilakang nasaba awatangeng apaccingenna.”

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.

ANGIMANGENG 4:24

Harusu'i napalénne limanna ri tompo ulunna iyaro olokolo'é, nainappa nagéré ri seddé manoranna mézba, onrong maggéré olokolo'é untu' akkarobangeng ritunué.

ANGIMANGENG 4:3

Rékko Imang Lompoé madosa, angkanna maccowé towi bangsa Israélié pasala, harusu'i makkasuwiyangeng sikaju saping lai malolo iya dé'é sala-salanna lao ri Puwangnge kuwammengngi nariyaddampengeng dosana.

ANGIMANGENG 4:33

Harusu'i napalénne limanna ri tompo ulunna iyaro olokolo'é, nainappa nagéré ri seddé manoranna mézbaé, onronna maggéré olokolo untu' akkarobangeng ritunué.

ANGIMANGENG 6:10

Mancaji awunnana iyaro akkarobangngé, massaluwara' ponco'ni imangngé sibawa jumba polé ri kaing lénangngé, harusu'i makkai iyaro awu mallunra'é polé ri yasé'na mézbaé nanataroi ri seddéna mézbaé.

ANGIMANGENG 6:19

Puwangnge mpéréngngi Musa iyaé peraturangngé

ANGIMANGENG 6:27

Muwi nigi-nigi iyaré'ga agi-agi iya kennaéngngi iyaro juku olokolo'é lolongengngi matu acilakang nasaba awatangeng apaccingenna. Rékko séddié waju nakenna darana iya tabbessi'éro, iyaro wajué harusu'i risessa ri onrong iya ripallaingngé.

ANGIMANGENG 6:29

Tungke tau worowané ri laleng kaluwargana sining imangngé weddingngi manréi iyaro akkarobangeng iya mapaccing senna'é.

ANGIMANGENG 7:6

Tungke' worowané ri laleng kaluwargana imang-ngimangngé wedding manréi iyaro juku akkarobangngé, iyakiya harusu'i nanré ri onrong iya ripallaingngé, nasaba iyaro akkarobangngé mapaccing senna'i.

ABBILANGENG 18:10

Iyaro mapaccingngi untu' alému, jaji harusu'i muwanré ri onrong iya mapaccingngétto. Banna tau worowané wedding manréi.

ABBILANGENG 18:8

Makkedai Puwangnge lao ri Harun, “Engngerangngi! Sininna pakkasuwiyang ripallaingngé iya riwéréngngékka iya dé'é naritunu iyanaritu untu' iko. Iyanaro bagiyammu iya puraé ripattentu untu' mannennungeng. Uwérékko iyaro sibawa wija-wijammu.

1 KORINTUS 9:13

Tentu naisseng Saudara makkedaé tau iya majjamaé ri laleng Bolana Allataala natarimai inanréna mennang polé ri Bolana Allataala. Sibawa sining tau iya murusu'éngngi onrong akkasuwiyangeng akkarobangengngé, lolongengngi sibagiyang polé ri akkarobangeng iya nakkasuwiyangengngé kuwaro.

1 PETRUS 1:16

Ri laleng Kitta'é tarokii, “Sitinajako mapaccing, saba' mapaccik-Ka.”

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.