ANGIMANGENG 5:7 - KITTA KAREBA MADECENG

⁷ Iyakiya rékko tau iya pasalaé dé' namampu passadiya bimbala iyaré'ga bémbé untu' mpajai dosana, harusu'i tiwi sipasang bekku iyaré'ga jangang-jangang lolo, sikaju untu' akkarobangeng paddampengeng dosa, sibawa sikaju untu' akkarobangeng ritunu.

ANGIMANGENG 5:7 ပူးပေါင်းရင်းမြစ်များ

ANGIMANGENG 12:6

Puranana wettu pappépaccinna, muwi nasaba purai jajiyang ana' worowané iyaré'ga ana' makkunrai, iyaro makkunraié harusu'i tiwii pakkasuwiyang lao ri imangngé ri yolona sumpang Kémana Puwangnge. Iyaro pakkasuwiyangngé iyanaritu sikaju ana' bimbala iya makkéumuru sitaungngé untu' akkarobang ritunu, sibawa sikaju jangang-jangang lolo untu' akkarobang paddampengeng dosa.

ANGIMANGENG 12:8

Rékko iyaro makkunraié dé' naulléi passadiya sikaju ana' bimbala, harusu'i tiwi duwak-kaju jangang-jangang lolo iyaré'ga bekku lolo: sikaju untu' akkarobang ritunu sibawa sikaju untu' akkarobang paddampengeng dosa. Harusu'i imangngé napogau' upacaraé untu' leddai anajisikenna iyaro makkunraié, namancaji mapaccing.

ANGIMANGENG 14:30

Nainappa harusu'i imangngé makkasuwiyangeng sikaju jangang-jangang lolo iyaré'ga bekku lolo

ANGIMANGENG 14:31

untu' akkarobangeng paddampengeng dosa, na sikaju laingngé untu' akkarobangeng ritunu silaong akkarobangeng ripatalana. Nanallalengiwiro napakangkani imangngé upacara pappépaccinna tauwéro ri yolona Puwangnge.

ANGIMANGENG 15:30

Manu'-manu' iya sikajué harusu'i riyakkasuwiyangeng untu' akkarobangeng paddampengeng dosa, sibawa iya sikajuéssi untu' akkarobangeng ritunu. Nasibawang caraéro napakangkani imangngé upacara pappépaccinna makkunraiéro ri yolona Puwangnge.

ANGIMANGENG 16:5

Nainappa harusu'i mabbéréyang umma Israélié lao ri Harun duwakkaju bémbé lai untu' akkarobangeng paddampengeng dosa sibawa sikaju bimbala lai untu' akkarobangeng ritunu.

ANGIMANGENG 27:8

Rékko tau iya mattinja'é kasiyasi senna'i untu' mpajai iya ripattentué, harusu'i natiwi tau iya puraé riyakkasuwiyangeng lao ri Puwang-ngéro lao ri imangngé. Harusu'i imangngé pattentui elli iya lebbi mariyawaé situru amampungenna tauwéro.

ANGIMANGENG 5:11

Rékko tau iya pasalaé dé' namampu passadiya sipasang bekku iyaré'ga jangang-jangang untu' akkarobangeng paddampengeng dosa, harusu'i tiwi sikilo labbu. Iyaro labbu'é dé' nawedding ricampuru minnya zaitun iyaré'ga nasibawang kamennyang, saba' iyaro akkarobangngé iyanaritu akkarobang paddampengeng dosa na tenniya akkarobangeng ripatala.

ANGIMANGENG 7:1

Iyanaé peraturanna passalenna akkarobangeng passullé arogingngé. Iyaro akkarobangngé mapaccing senna'i.

ANGIMANGENG 9:3

Nainappa musuro bangsa Israélié makkasuwiyangeng sikaju bémbé lai untu' akkarobangeng paddampengeng dosa sibawa sikaju ana' saping enrengngé sikaju ana' bimbala iya tungke'-tungke'é makkéumuru sitaung sibawa dé'gaga sala-salanna untu' akkarobangeng ritunu.

ABBILANGENG 5:6

iyaé sining peraturangngé untu' tau Israélié: Rékko séddié tau dé' namatinulu lao ri Puwangnge sibawa mébbui asalang lao ri tau laingngé,

ABBILANGENG 6:10

Ri esso iya maaruwaé harusu'i tiwi duwakkaju jangang-jangang iyaré'ga bekku lao ri imangngé ri sumpang Kémana Puwangnge.

ABBILANGENG 6:11

Manu'-manu' iya sikajué harusu'i nakkasuwiyangeng imangngé untu' akkarobang paddampengeng dosa, na iya sikaju éssi untu' akkarobang ritunu untu' pateddéngngi anajisikenna. Iyatoro essoé harusu'i napallaing paimeng gemme'na lao ri Puwangnge

MATIUS 10:16

“Pénessaiwi iyaé: Ukirikko pada-pada bimbala'é ri tengnga-tengngana asu ale'é. Harusu'ko matike' pada-pada ulaé sibawa matinulu pada-pada jangang-jangangngé.

MATIUS 21:12

Nainappa muttama'ni Yésus ri Bolana Puwangngé, nanarukkai sining tau mabbalu'-balué sibawa mangelliyé kuwaro. Nabalé'i méjanna passélé dowié, sibawa bangko-bangkona pabbalu jangang-jangangngé.

MATIUS 3:16

Puranana ricemmé, masitta'ni Yésus massu polé ri uwai ri saloéro. Tappa tattimpa' muni langié nanaitai Yésus Rohna Allataala nonno pada-pada jangang-jangangngé ri yasé'na Yésus.

LUKAS 2:24

Akkattanato mennang maéloi makkasuwiyangeng akkarobangeng, iyanaritu sipasang bekku iyaré'ga duwakkaju jangang-jangang malolo, pada-pada iya ripattentué ri laleng Hukkunna Puwangngé.

2 KORINTUS 8:12

Rékko macennikko mabbéré, natarimai matu Allataala iyaro pabbérému situru aga iya engkaé ri iko, dé' nasituru' aga iya dé'é naengka ri iko.