ANGIMANGENG 5:15 - KITTA KAREBA MADECENG

¹⁵ Rékko séddié tau dé' nattungkaiwi pogau' dosa nasaba takkalupai ri laleng mabbéréyangngi sining pakkasuwiyanna iya riwajikengngé untu' Puwangnge, iyaro tauwé harusu'i tiwi akkarobangeng passullé aroging. Iyaro akkarobangngé harusu'i sikaju bimbala iyaré'ga bémbé lai iya dé'é gaga sala-salanna, sibawa riyangke situru ellinna iya ripatakkennaé ri Kémana Puwangnge.

ANGIMANGENG 5:15 ပူးပေါင်းရင်းမြစ်များ

2 ARUNG-NGARUNG 12:16

Dowi polé ri akkarobangeng passullé arogingngé sibawa polé ri akkarobangeng paddampengeng dosaé dé' nariputtama ri laleng petti-pettiéro. Iyaro dowié riwéréngngi imang-ngimangngé.

EZRA 10:19

Majjanciwi mennang maélo telle'i bainéna mennang, nainappa makkasuwiyangeng bimbala lai untu' akkarobangeng paddampengeng dosana mennang.

ASSURENG 30:13

Tungke' tau iya maccowéé ribilang ri laleng abbilangengngéro harusu'i makkamaja sijumella dowi iya ripattentué manuru ellinna iya takkennaé ri Kéma-Ku selaku sumbangeng untu' Iyya.

YEHEZKIEL 40:39

Ri bili' battowaéro engka eppa méjang, duwa ri tungke benrénna. Ri yasé'na sining méjangngénnaro rilétta olokolo untu' akkarobangeng ritunué, iyaré'ga akkarobangeng pappaledda dosaé iyaré'ga akkarobangeng passullé arogingngé.

ANGIMANGENG 1:10

Rékko iyaro riyakkasuwiyangengngé sikaju bimbala iyaré'ga bémbé, iyaro olokolo'é harusu'i iya laié sibawa dé'é gaga sala-salanna.

ANGIMANGENG 1:3

Rékko iya riyakkasuwiyangengngé sikaju saping, iyaro olokolo'é harusu'i iya laié sibawa dé'é gaga sala-salanna. Iyaro sapingngé harusu'i natiwi ri sumpang Kémana Puwangnge, kuwammengngi natarimai Puwangnge iyaro tauwé.

ANGIMANGENG 14:12

Harusu'i imangngé mala ana' bimbala' lai iya sikajué sibawa tawatellubbangngé minnya zaitun untu' akkarobangeng passullé aroging, sibawa makkasuwiyangengngi selaku pakkasuwiyang tanréyangeng lao ri Puwangnge.

ANGIMANGENG 27:3

Situru elli iya takkennaé ri Kémana Puwangnge: – riyasé'na 60 taung: worowané 15 dowi péra' makkunraié 10 dowi péra' – pallawangenna 20-60 taung: worowané 50 dowi péra' makkunraié 30 dowi pera' – pallawangenna 5-20 taung: worowané 20 dowi péra' makkunraié 10 dowi péra' – ri yawana 5 taung: worowané 5 dowi péra' makkunraié 3 dowi péra'

ANGIMANGENG 4:2

mappallebbangengngi lao ri bangsa Israélié makkedaé nigi-nigi iya dé'é nattungkaiwi madosa nasaba najjalékkaiwi sala séddinna polé ri parénta-paréntana Puwangnge, harusu'i naccowéri peraturangngéwé.

ANGIMANGENG 5:14

Puwangnge mabbéréyangngi lao ri Musa iyaé peraturangngé.

ANGIMANGENG 5:16

Iyaro tauwé harusu'i nawaja aga iya nallupaiyé riyolo, ritambai sibawa duwappulo paresséng. Nainappa harusu'i nabbéréyang iyaro olokolo'é lao ri imangngé, na imangngé makkasuwiyangengngi untu' dosana iyaro tauwé, nariyaddampengeng matu ri Puwangnge.

ANGIMANGENG 5:18

Untu' akkarobangeng passullé arogingngé harusu'i tiwi sikaju bimbala iyaré'ga bémbé lai iya dé'é gaga sala-salanna sibawa riyangke'i situru ellinna iya ripatakkennaé ri Kémana Puwangnge. Imangngé makkarobangengngi untu' dosana iyaro tauwé, nariyaddampengeng matu ri Puwangnge.

ANGIMANGENG 6:6

Untu' akkarobangeng passullé aroging iyaro tauwé harusu'i makkasuwiyangeng sikaju bimbala iyaré'ga bémbé lai iya dé'é gaga sala-salanna sibawa riyangke'i situru ellinna iya ripatakkennaé ri Kémana Puwangnge.

ANGIMANGENG 7:1

Iyanaé peraturanna passalenna akkarobangeng passullé arogingngé. Iyaro akkarobangngé mapaccing senna'i.

ANGIMANGENG 7:6

Tungke' worowané ri laleng kaluwargana imang-ngimangngé wedding manréi iyaro juku akkarobangngé, iyakiya harusu'i nanré ri onrong iya ripallaingngé, nasaba iyaro akkarobangngé mapaccing senna'i.

ABBILANGENG 5:5

Nabbéréyangngi Puwangnge lao ri Musa

ABBILANGENG 5:8

Iyakiya rékko tau iya naparogiyéro maténi nadé' nappunnai sumpulolo macawé'é, iyaro paccéra'é harusu'i riwéréng Puwangnge, sibawa mancajiwi bagiyanna imangngé. Iyaro paccéra'é dé' nauttama bimbala laié untu' upacara palledda dosaé lao ri tau iya pasalaéro.

ULANGENG 12:26

Sininna akkarobangngé sibawa pakkasuwiyangngé iya puraé muwajjanciyang lao ri Puwangnge, harusu'i mutiwi ri onrong iya napilé Puwangnge.

1 SAMUEL 6:3

Nappébali mennang, “Iyaro Petti Assijancinna Allataalana Israélié aja' mupalisui makkuwaro bawang, iyakiya harusu'i nasibawang hadiya untu' pakkamaja dosamu. Nanallalengiwiro naripajjapako matu, sibawa muwissengngi matu magi iyaro Allataalana Israélié natteru-teru hukkukko.”