ANGIMANGENG 5:13 - KITTA KAREBA MADECENG

¹³ Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge. Labbu iya nasésaé iyanaritu bagiyanna imangngé, pada-pada ri akkarobangeng gandongngé.

ANGIMANGENG 5:13 ပူးပေါင်းရင်းမြစ်များ

HOSEA 4:8

Mancaji sugiko nasaba dosana umma'-Ku, rimakkuwannanaro macinnaka kuwammengngi namadosa mennang matteru.

ANGIMANGENG 2:10

Lebbinna iyanaritu untu' imangngé. Iyaro rotié mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 2:3

Lebbinna akkarobangeng ripatalaé iyanaritu untu' sining imangngé. Iyaro akkarobangngé mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 4:20

Carana pada-pada pakkasuwiyang saping lai untu' akkarobangeng paddampengeng dosaé. Makkuwaniro carana Imang Lompoé makkasuwiyangeng akkarobangeng untu' dosa-dosana umma'é, nanaddampengengngi matu Puwangnge iyaro dosa-dosaé.

ANGIMANGENG 4:26

Nainappa sininna lunra'na iyaro olokolo'é harusu'i ritunu ri yasé'na mézbaé, pada-pada ri akkarobangeng pappasidamé. Makkuwaniro carana imangngé makkasuwiyangeng akkarobangeng untu' dosana séddié panguwasa, nariyaddampengeng matu iyaro tauwé ri Puwangnge.

ANGIMANGENG 4:31

Sininna lunra'na iyaro olokolo'é harusu'i riyala pada-pada akkarobangeng pappasidamé. Iyaro lunra'é harusu'i natunu imangngé ri yasé'na mézbaé, na baunna pésennangiwi atinna Puwangnge. Makkuwaniro carana imangngé makkasuwiyangeng akkarobangeng untu' dosana séddié tau polé ri ra'ya' biyasaé, nariyaddampengeng iyaro tauwé ri Puwangnge.

ANGIMANGENG 5:10

Purairo nakkasuwiyangenni imangngé manu'-manu' iya maduwaé untu' akkarobangeng ritunu, situru sibawa peraturangngé. Makkuwaniro carana imangngé makkasuwiyangengngi akkarobangeng untu' dosana iyaro tauwé, nariyaddampengeng matu ri Puwangnge.

ANGIMANGENG 5:12

Iyaro labbu'é harusu'i ritiwi ri imangngé. Harusu'i nala imangngé sikemmo polé ri labbu'éro selaku tanrang makkedaé pura manenni riyakkasuwiyangeng lao ri Puwangnge. Iyaro labbu sikemmoé harusu'i ritunu ri yasé'na mézbaé selaku akkarobangeng inanré. Iyanaro akkarobangenna untu' paddampengeng dosaé.

ANGIMANGENG 5:14

Puwangnge mabbéréyangngi lao ri Musa iyaé peraturangngé.

ANGIMANGENG 5:16

Iyaro tauwé harusu'i nawaja aga iya nallupaiyé riyolo, ritambai sibawa duwappulo paresséng. Nainappa harusu'i nabbéréyang iyaro olokolo'é lao ri imangngé, na imangngé makkasuwiyangengngi untu' dosana iyaro tauwé, nariyaddampengeng matu ri Puwangnge.

ANGIMANGENG 5:4

Rékko séddié tau pasala nasaba mattanroi sibawa sembarangang untu' pogau'i agi-agi, nainappa namaingeki pangkaukenna.

ANGIMANGENG 5:5

Ri laleng tungke' parakaraéro, tau iya pasalaé harusu'i mangakuiwi asalanna.

ANGIMANGENG 5:6

Sibawa untu' pakkamaja dosana, harusu'i tiwi sikaju bimbala iyaré'ga bémbé lai untu' Puwangnge. Imangngé harusu' makkasuwiyangengngi iyaro akkarobangngé kuwammengngi nariyaddampengeng dosana iyaro tauwé.

ANGIMANGENG 7:6

Tungke' worowané ri laleng kaluwargana imang-ngimangngé wedding manréi iyaro juku akkarobangngé, iyakiya harusu'i nanré ri onrong iya ripallaingngé, nasaba iyaro akkarobangngé mapaccing senna'i.

1 KORINTUS 9:13

Tentu naisseng Saudara makkedaé tau iya majjamaé ri laleng Bolana Allataala natarimai inanréna mennang polé ri Bolana Allataala. Sibawa sining tau iya murusu'éngngi onrong akkasuwiyangeng akkarobangengngé, lolongengngi sibagiyang polé ri akkarobangeng iya nakkasuwiyangengngé kuwaro.

1 SAMUEL 2:28

Polé risininna suku Israélié purani Upilé kaluwargana mancaji imak-Ku, untu' mattumani ri mézbaé, mattunu dupa, sibawa pakéi waju éfod rékko mabbicarai sibawa Iyya. Sibawa lao ri mennang sibawa wija-wijanna purani Uwéréng ha' untu' malai sibagiyang polé ri akkarobangeng pakkasuwiyang iya ritunué ri mézbaé.