ANGIMANGENG 5:11 - KITTA KAREBA MADECENG

¹¹ Rékko tau iya pasalaé dé' namampu passadiya sipasang bekku iyaré'ga jangang-jangang untu' akkarobangeng paddampengeng dosa, harusu'i tiwi sikilo labbu. Iyaro labbu'é dé' nawedding ricampuru minnya zaitun iyaré'ga nasibawang kamennyang, saba' iyaro akkarobangngé iyanaritu akkarobang paddampengeng dosa na tenniya akkarobangeng ripatala.

ANGIMANGENG 5:11 ပူးပေါင်းရင်းမြစ်များ

ASSURENG 16:18

Wettunna mennang naola', annessana makkedaé tau iya paddeppungengngé maéga, dé' naalebbing, sibawa iya paddeppungengngé céddé, dé' naakurangeng. Tungke'-tungke' paddeppungeng singngéga iya napparelluwangngé.

ASSURENG 16:36

Ola' iya biyasaé napaké tauwé iyaro wettué, mallise'i duwappulo bang.)

ANGIMANGENG 1:14

Rékko iya nakkasuwiyangengngé sikajuwi manu'-manu', harusu'i iyaro manu'-manu'é bekku iyaré'ga jangang-jangang maloloé.

ANGIMANGENG 12:8

Rékko iyaro makkunraié dé' naulléi passadiya sikaju ana' bimbala, harusu'i tiwi duwak-kaju jangang-jangang lolo iyaré'ga bekku lolo: sikaju untu' akkarobang ritunu sibawa sikaju untu' akkarobang paddampengeng dosa. Harusu'i imangngé napogau' upacaraé untu' leddai anajisikenna iyaro makkunraié, namancaji mapaccing.

ANGIMANGENG 14:21

Rékko kasiyasiwi iyaro tauwé, sibawa dé' namampu, untu' akkarobang passullé arogingngé weddingngi tiwi sikaju ana' bimbala lai bawang untu' pakkasuwiyang tanréyangeng lao ri Puwangnge. Séddi kilo labbu ricampuru sibawa minnya zaitun, sibawa untu' akkarobangeng ripatalaé, tawatellubbang minnya zaitun.

ANGIMANGENG 27:8

Rékko tau iya mattinja'é kasiyasi senna'i untu' mpajai iya ripattentué, harusu'i natiwi tau iya puraé riyakkasuwiyangeng lao ri Puwang-ngéro lao ri imangngé. Harusu'i imangngé pattentui elli iya lebbi mariyawaé situru amampungenna tauwéro.

ANGIMANGENG 5:12

Iyaro labbu'é harusu'i ritiwi ri imangngé. Harusu'i nala imangngé sikemmo polé ri labbu'éro selaku tanrang makkedaé pura manenni riyakkasuwiyangeng lao ri Puwangnge. Iyaro labbu sikemmoé harusu'i ritunu ri yasé'na mézbaé selaku akkarobangeng inanré. Iyanaro akkarobangenna untu' paddampengeng dosaé.

ANGIMANGENG 5:6

Sibawa untu' pakkamaja dosana, harusu'i tiwi sikaju bimbala iyaré'ga bémbé lai untu' Puwangnge. Imangngé harusu' makkasuwiyangengngi iyaro akkarobangngé kuwammengngi nariyaddampengeng dosana iyaro tauwé.

ANGIMANGENG 5:9

Darana iyaro manu'-manu'é harusu'i riyakkeppikeng ri benrénna mézbaé, na lebbinna harusu'i ripecca massu ri pabborina mézbaé untu' akkarobangeng paddampengeng dosa.

ANGIMANGENG 6:20

passalenna akkarobangngé wettunna rilanti séddié imang wijanna Harun. Ri esso rilanti'na, harusu'i makkasuwiyangeng sikilo labbu gandong lao ri Puwangnge. Sitengngana harusu'i riyakkasuwiyangeng ri éléé na sésana ri arawéngngé.

ABBILANGENG 5:15

Ri laleng iya duwa gau'éro, iyaro lakkaié harusu'i natiwi bainéna lao ri imangngé. Harusu towi tiwi pakkasuwiyang iya riyapparelluwangngé, iyanaritu séddi kilo labbu gandong. Iyaro labbu'é dé' nawedding ribolo minnya zaitun iyaré'ga riguguri dupa, nasaba maddupai pakkasuwiyang abbaratang sibawa akkattana untu' tanrangiwi engkanna abata-abatanna lakkainna lao ri bainéna.

LUKAS 2:24

Akkattanato mennang maéloi makkasuwiyangeng akkarobangeng, iyanaritu sipasang bekku iyaré'ga duwakkaju jangang-jangang malolo, pada-pada iya ripattentué ri laleng Hukkunna Puwangngé.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

IBRANI 9:22

Mémeng manuru hukkunna agama Yahudié, céddé'pi nasininna séuwa-séuwaé ripaccingiwi sibawa dara; na dosaé banna weddingngi riyaddampengeng rékko engka dara ripatabbollong.