ANGIMANGENG 5:1 - KITTA KAREBA MADECENG

¹ Akkarobangeng paddampengeng dosaé parellui riyakakrobangeng: Rékko séddié tau secara résmi riyéllauwi mabbéré asabbiyang ri pengadilangngé, iyakiya dé' nabbéré pappakatajang passalenna aga iya puraé naita iyaré'ga naéngkalinga angkanna harusu'i natanggung addimonrinna.

ANGIMANGENG 5:1 ပူးပေါင်းရင်းမြစ်များ

1 ARUNG-NGARUNG 22:16

Nappébali Ahab, “Rékko mabbicarako lao ri iyya nasabbing asenna Puwangnge, powadai iya tongengngé. Wékkasiyagako harusu uparéngngerangi passalenna gau'éro?”

1 ARUNG-NGARUNG 8:31

Rékko séddié tau ritenre pasala lao ri tau laingngé sibawa ritiwi lao ri mézba-Mu ri laleng bola assompangngéwé untu' mattanro makkedaé dé' napasala,

2 TAWARIKH 18:15

Nappébali Ahab, “Rékko mabbicarako lao ri iyya nasabbing asenna Puwangnge, powadai iya tongengngé. Wékkasiyagapi harusu'ko uparéngngerangi passalenna gau'éro?”

MAZMUR 38:4

Masero lasaku nasaba cai-Mu; dé'gaga madising ri tubukku nasaba dosaku.

ASSURENG 22:11

Ri laleng gau'éro harusu'i lao ri onrong assompangngé sibawa mattanro ri laleng asenna Puwangnge makkedaé dé' naénnauwi olokolo iya puraé riyappaddettangeng ri aléna. Rékko mémeng dé' naénnauwi, punnana harusu tanggungngi arogingngéro, na tau iya piyaraéngngi dé' naparellu makkamaja passullé aroging.

AMSAL 29:24

Tau iya sikongkolo'é pangaé, bettuwanna nacéccéi aléna. Rékko matterui napannessa ri pengadilangngé, ripakennai matu pahukkungeng. Iyakiya rékko mammekkoi bawang, nakennai matu tanrona Allataala.

AMSAL 30:9

Saba', rékko sugika, naullé makkedaka matu makkedaé dé' uwapparelluwakko. Sibawa rékko kasiyasika, naullé ménnauka matu angkanna ucarépai asemmu.”

YESAYA 53:11

Rimakkuwannanaro makkedai Puwangnge, “Puranana nakenna anrasa-rasang, masennangngi matu sibawa massaunna. Iyaro atak-Ku, iya pésennangiyéngngi atik-Ku, purani natanggung pahukkungenna tau maégaé; nasaba aléna Uwaddampengengngi matu mennang.

YEREMIA 23:10

Wanuwatta pennoi sibawa tau iya dé'é namatinulu lao ri Puwangnge. Tuwoi mennang sibawa maja nenniya makkégunang salai akuwasanna mennang. Nasaba tanrona Puwangnge, mancaji marakkoi wellaé ri padangngé sibawa sininna wanuwaé masarai.

YEHEZKIEL 18:20

Tau iya pogau'é dosa, aléna ritu maté matu. Dé' naharusu ana'é tanggungngi addimonrinna polé ri asalanna ambo'na; sibalé'na, ambo'é dé'to naharusu tanggungngi addimonrinna polé ri dosa-dosana ana'na. Tau iya makessingngé lolongengngi matu pamale iya makessingngé nasaba pangkaukenna iya makessingngé. Sibawa tau iya majaé manrasa-rasai matu polé ri jana.

YEHEZKIEL 18:4

Nyawana tungke tau iyanaritu appunnangek-Ku, muwi nyawana tomatowaé iyaré'ga nyawana ana'na. Tau iya madosaé, aléna ritu maté matu.

ANGIMANGENG 17:16

Rékko dé' napogau'i iyaro, harusu'i natanggung addimonrinna.

ANGIMANGENG 19:8

Nigi-nigi manréi iyaro jukué salai nasaba dé' nangke'i aga iya ripallaingngé untu' Iyya. Iyaro tauwé dé'na Uwangga'i anggota umma'-Ku.

ANGIMANGENG 20:17

Rékko séddié worowané lusérengngi ana'daranna iyaré'ga silessurenna iya siambo'é laing indo' iyaré'ga siindo'é laing ambo', dé'na nariyangga matu anggota umma'-Ku. Purani napogau' mennang pangkaukeng iya dé'é nasipato sibawa harusu'i tanggungngi addimonrinna.

ANGIMANGENG 4:2

mappallebbangengngi lao ri bangsa Israélié makkedaé nigi-nigi iya dé'é nattungkaiwi madosa nasaba najjalékkaiwi sala séddinna polé ri parénta-paréntana Puwangnge, harusu'i naccowéri peraturangngéwé.

ANGIMANGENG 5:15

Rékko séddié tau dé' nattungkaiwi pogau' dosa nasaba takkalupai ri laleng mabbéréyangngi sining pakkasuwiyanna iya riwajikengngé untu' Puwangnge, iyaro tauwé harusu'i tiwi akkarobangeng passullé aroging. Iyaro akkarobangngé harusu'i sikaju bimbala iyaré'ga bémbé lai iya dé'é gaga sala-salanna, sibawa riyangke situru ellinna iya ripatakkennaé ri Kémana Puwangnge.

ANGIMANGENG 5:17

Rékko séddié tau dé' nattungkaiwi pogau' dosa nasaba najjalékkaiwi sala séddinna paréntana Puwangnge, iyaro tauwé pasalai sibawa harusu'i natanggung addimonrinna.

ANGIMANGENG 7:18

Iyakiya rékko ri esso matellué iyaro jukué riyanré mupi, iyaro akkarobangngé dé'na matu naritarima sibawa dé' natiwi barakka ri tauwéro, mala mancaji harangngi. Tau iya manrééngngi pasalai sibawa harusu'i tanggungngi addimonrinna.

ABBILANGENG 9:13

Sibalé'na tau iya dé'é nanajisi' sibawa dé'to narilaleng allalengengngé, iyakiya dé' najampangiwi ramé-raméiwi Paskaé, dé'na Uwangga'i séddi tau polé ri umma'-Ku, nasaba dé' nakkasuwiyangeng akkarobangeng lao ri Iyya ri wettu iya ripattentué. Iyaro tauwé harusu'i natanggung addimonrinna dosana.

MATIUS 26:63

Iyakiya mammekko bawammi Yésus. Siseppi makkeda iyaro imang lompoé lao ri Yésus, “Nasabbing Allataala iya tuwoé, powadani Ikoga Arung Pappassalama'é, Ana'na Allataala?”

1 PETRUS 2:24

Kristus muto méssangngi dosa-dosata ri Aléna ri yasé'na aju sallié, kuwammengngi bébasa'i polé ri akuwasanna dosaé, sibawa tuwo manuru' élona Allataala. Lolona Kristus pajjappako.

HAKING-HAKING 17:2

Riséuwaé esso makkedai lao ri indo'na, “Indo', wettunna indo' ateddéngeng sisebbu sératu dowi péra', uwéngkalingai indo' tanroiwi pangana. Engkaniyé, indo' dowina! Iyya ritu ménnauwi.” Nappébali indo'na, “Tennapodo Puwangnge barakkakiko, na'!”