ANGIMANGENG 4:4 - KITTA KAREBA MADECENG

⁴ Iyaro sapingngé harusu'i natiwi ri sumpang Kémana Puwangnge. Harusu'i Imang Lompoé palénne'i limanna ri tompo ulunna iyaro olokolo'é, nainappa nagéré ri yolona Kémaé.

ANGIMANGENG 4:4 ပူးပေါင်းရင်းမြစ်များ

2 TAWARIKH 29:23

Paccapurenna nalani mennang iyaro sining bémbé'é nanatiwii lao ri arungngé sibawa ra'ya' iya mattengngangngé massompa kuwaro, nanapalénne manengngi limanna mennang ri yasé'na sining bémbé'éro.

YESAYA 53:6

Pusa manekki pada-pada bimbala'é, tungke-tungke sappai lalenna muto. Puwangnge pura patakkennai ri aléna jata maneng.

DANIEL 9:26

Ri paccappurenna wettuéro iyaro pamimping napiléna Allataala riyunoi matu, padahal dé' napasala. Napoléna tentarana séddié arung iya mawatangngé, nanapaccappui Yérusalém enrengngé Bolana Puwangnge. Paccappurenna iyaro wettué poléi matu pada-pada lémpe iya tiwié musu sibawa ancurukeng, pada-pada iya puraé napattentu Allataala.

ANGIMANGENG 16:21

Harusu'i napalénne iya duwa limanna ri yasé'na ulunna bémbé'éro nanaakuiwi sininna asalanna, dosana sibawa pelanggaranna bangsa Israélié. Nanallalengiwi sininna asalanna bangsa Israélié ripalétté'i ri yasé'na ulunna bémbé'éro. Nainappa séddié tau iya ritugaskangngé harusu'i rukkai iyaro bémbé'é lao ri padang kessi'é.

ANGIMANGENG 4:15

Sining pamimping bangsaé harusu'i palénne'i limanna mennang ri tompo ulunna olokolo'éro, nainappa nagéré ri onrongngéro.

ANGIMANGENG 4:29

Harusu'i napalénne limanna ri tompo ulunna iyaro olokolo'é, nainappa nagéré ri seddé manoranna mézba onrong maggéré olokolo untu' akkarobangeng ritunué.

ANGIMANGENG 8:14

Puranana malani Musa sikaju saping lai malolo untu' akkarobangeng paddampengeng dosa. Harun sibawa ana'-ana'na palénne'i limanna mennang ri yasé'na ulunna iyaro olokolo'é.

ABBILANGENG 8:12

Nainappa harusu'i tau Léwié palénne'i limanna mennang ri tompo ulunna iya duwa saping laiéro; iya sikajué harusu'i riyakkasuwiyangeng untu' akkarobangeng paddampengeng dosa, naiya sikajuéssi untu' akkarobangeng ritunu. Nasibawang upacaraéro ripépaccingiwi tau Léwié.

1 PETRUS 3:18

Saba' aléna Kristus sisemmi bawang maté lettu mannennungeng nasaba dosana tolinoé – séddié tau iya dé'é napasala, matéi untu' tau iya pasalaé. Napogau'i Kristus iyaro kuwammengngi naulléi pimpikko lao ri Allataala. Riyunoi secara tubu, iyakiya ripatuwoi paimeng secara rohani.