ANGIMANGENG 4:3 - KITTA KAREBA MADECENG

³ Rékko Imang Lompoé madosa, angkanna maccowé towi bangsa Israélié pasala, harusu'i makkasuwiyangeng sikaju saping lai malolo iya dé'é sala-salanna lao ri Puwangnge kuwammengngi nariyaddampengeng dosana.

ANGIMANGENG 4:3 ပူးပေါင်းရင်းမြစ်များ

2 TAWARIKH 29:21

Untu' akkarobangeng paddampengeng dosa untu' kaluwargana arungngé sibawa ra'ya' Yéhuda, nenniya pépaccingiwi Bolana Puwangnge, tiwii mennang 7 saping lai, 7 bimbala lai, 7 ana' bimbala sibawa 7 bémbé lai. Nasuroni arungngé sining imang wijanna Harun makkasuwiyangengngi iyaro olokolo'é ri yasé'na mézbaé selaku akkarobangeng ritunu.

EZRA 8:35

Iyatoro essoé sininna tau iya lisuénna polé ri appalirengngéro, makkasuwiyanni akkarobangeng ritunu lao ri Allataalana Israélié. Makkasuwiyanni mennang 12 kajunna saping lai untu' sininna Israélié, 96 kajunna bimbala lai sibawa 77 kajunna ana' bimbala; ri lainnaéttoro 12 kajunna bémbé untu' akkarobangeng paddampengeng dosa untu' aléna mennang. Sininna olokolo'éro ritunui selaku akkarobangeng untu' Puwangnge.

ASSURENG 29:14

Jukuna, bingkulanna sibawa paruna iyaro saping laié harusu'i ritunu ri saliwenna akkémangngé. Iyanaro pakkasuwiyang untu' paddampengeng dosana sininna imangngé.

ASSURENG 29:21

Alai céddé dara iya engkaé ri yasé'na mézbaé sibawa céddé minnya upacaraé, nainappa muweppikeng Harun sibawa ana'-ana'na enrengngé pakéyanna. Nasibawang caraéro Harun sibawa ana'-ana'na nenniya pakéyanna ripallaingngi untu' alé-Ku.

ASSURENG 29:7

Nainappa muwala minnya upacaraé, tiri'i ri tompo ulunna sibawa minnyakiwi.

ASSURENG 30:10

Siseng sitaung harusu'i Harun pogau' upacara pappépaccing mézba sibawa cara meppikiwi iya eppa tanru'na sibawa dara olokolo iya riyakkasuwiyangengngé untu' paddampengeng dosaé. Iyaro gau'é harusu'i ripogau' tungke' taung sillampé wettué. Iyaro mézbaé harusu'i mapaccing maneng sibawa ripallaing untu' alé-Ku.”

YEHEZKIEL 40:39

Ri bili' battowaéro engka eppa méjang, duwa ri tungke benrénna. Ri yasé'na sining méjangngénnaro rilétta olokolo untu' akkarobangeng ritunué, iyaré'ga akkarobangeng pappaledda dosaé iyaré'ga akkarobangeng passullé arogingngé.

YEHEZKIEL 43:19

Banna imang wija-wijanna Zadok polé ri suku Léwi bawang iya weddingngé lao ri yolo-Ku untu' pakangka assompang. Iyya, Puwang Iya Pommatanré mapparéntangngi gau'éro. Wéréngngi mennang sikaju saping lai lolo untu' akkarobangeng pappaledda dosa.

YEHEZKIEL 44:27

nainappa lao ri seddé lalenna Bolaku, sibawa makkasuwiyangeng akkarobangeng untu' pépaccingiwi aléna kuwammengngi nawedding majjamasi ri Bola-Ku. Iyya, Puwang Iya Pommatanré pura mabbicara.

ANGIMANGENG 1:10

Rékko iyaro riyakkasuwiyangengngé sikaju bimbala iyaré'ga bémbé, iyaro olokolo'é harusu'i iya laié sibawa dé'é gaga sala-salanna.

ANGIMANGENG 1:3

Rékko iya riyakkasuwiyangengngé sikaju saping, iyaro olokolo'é harusu'i iya laié sibawa dé'é gaga sala-salanna. Iyaro sapingngé harusu'i natiwi ri sumpang Kémana Puwangnge, kuwammengngi natarimai Puwangnge iyaro tauwé.

ANGIMANGENG 16:11

Puranana Harun makkasuwiyang sibawa nagéré saping laié untu' akkarobangeng paddampengeng dosa untu' aléna sibawa untu' kaluwargana,

ANGIMANGENG 16:3

Banna nasibawang cara makkasuwiyangeng saping lai lolo untu' akkarobangeng paddampengeng dosaé sibawa sikaju bimbala lai untu' akkarobangeng ritunu, nawedding Harun muttamakiwi Bili' Pommapaccingngé.”

ANGIMANGENG 16:5

Nainappa harusu'i mabbéréyang umma Israélié lao ri Harun duwakkaju bémbé lai untu' akkarobangeng paddampengeng dosa sibawa sikaju bimbala lai untu' akkarobangeng ritunu.

ANGIMANGENG 16:6

Harusu'i Harun makkasuwiyangeng saping lai untu' akkarobangeng paddampengeng dosa untu' aléna muto sibawa kaluwargana.

ANGIMANGENG 4:14

riissenna muwa iyaro dosaé, harusu'i umma'é tiwi sikaju saping lai lolo ri yolona Kémana Puwangnge. Iyaro olokolo'é harusu'i riyakkasuwiyangeng untu' akkarobangeng paddampengeng dosa.

ANGIMANGENG 4:23

namaingekinna muwa, harusu'na makkarobangeng sikaju bémbé lai iya dé'é gaga sala-salanna untu' paddampengeng dosa.

ANGIMANGENG 4:28

namaingekinna muwa, harusu'i makkasuwiyang sikaju bémbé komba iya dé'é gaga sala-salanna.

ANGIMANGENG 4:5

Sibagiyang polé ri darana harusu'i natiwi muttama ri laleng Kémaé.

ANGIMANGENG 5:6

Sibawa untu' pakkamaja dosana, harusu'i tiwi sikaju bimbala iyaré'ga bémbé lai untu' Puwangnge. Imangngé harusu' makkasuwiyangengngi iyaro akkarobangngé kuwammengngi nariyaddampengeng dosana iyaro tauwé.

ANGIMANGENG 6:18

Untu' mannennungeng tungke' worowané wija-wijanna Harun weddingngi manréi iyaro rotié; iyanaro bagiyanna mennang iya tette'é polé ri inanré iya riyakkasuwiyangengngé lao ri Puwangnge. Tau laing iya géssaéngngi inanré iya puraé riyakkarobangenro, lolongengngi matu acilakang nasaba awatangeng apaccingenna.

ANGIMANGENG 8:12

Purairo rilanti'ni Harun ri Musa sibawa tirikiwi céddé minnya upacara ri yasé'na ulunna.

ANGIMANGENG 9:2

Nakkeda Musa lao ri Harun, “Alano sikaju saping lai malolo sibawa sikaju bimbala lai, iya duwa dé'gaga sala-salanna. Akkasuwiyangengngi iya duwa olokolo'éro lao ri Puwangnge, saping laié untu' akkarobangeng paddampengeng dosa, sibawa bimbala laié untu' akkarobangeng ritunu.

ANGIMANGENG 9:3

Nainappa musuro bangsa Israélié makkasuwiyangeng sikaju bémbé lai untu' akkarobangeng paddampengeng dosa sibawa sikaju ana' saping enrengngé sikaju ana' bimbala iya tungke'-tungke'é makkéumuru sitaung sibawa dé'gaga sala-salanna untu' akkarobangeng ritunu.

ABBILANGENG 16:22

Iyakiya Musa sibawa Harun suju'i massompa sibawa makkeda, “Oh Allataala, idi ritu iya mabbéré atuwong lao ri sininna iya tuwoé. Rékko banna séddi bawang iya madosaé, macaiki'ga lao ri sininna umma'é?”

ABBILANGENG 8:8

Nainappa musuro mennang mala sikaju saping lai lolo sibawa akkarobangeng ripatalaé polé ri labbu'é ricampuru minnya. Nainappa harusu'ko mala sikaju saping lai laingngé untu' akkarobangeng paddampengeng dosa.

ROMA 8:3

Aga iya dé'é naulléi napogau' hukkung agamaé, nasaba idi tau malemmaki, iyaro pura napogau'ni Allataala. Allataala caui akuwasanna dosaé ri laleng sipa'na tolinoé sibawa kiringngi Ana'na, iya polé ri laleng keadaang iya padaé sibawa tolinoé iya madosaé, untu' leddai dosaé.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

IBRANI 5:3

Sibawa nasaba malemmai aléna, na harusu'i makkasuwiyangeng akkarobangeng, tenniya bawang nasaba dosa-dosana umma'é, iyakiya nasaba dosa-dosanato aléna.

IBRANI 9:12

Muttama'i Kristus ri Bili' Pommapaccingngé ri laleng kémaéro banna siseng bawang lettu mannennungeng. Iyaro wettué dé' natiwi dara bémbé lai iyaré'ga dara ana' saping untu' riyakkasuwiyangeng; dara-Na muto natiwi, nanallalengiro napaleppe'ki lettu mannennungeng.