ANGIMANGENG 4:25 - KITTA KAREBA MADECENG

²⁵ Harusu'i natellengeng jarinna imangngé ri laleng dara olokolo'éro nainappa nassapuwang ri tanru-tanru sunna mézbaé, na sésana nabbolorengngi ri pabborina mézbaé.

ANGIMANGENG 4:25 ပူးပေါင်းရင်းမြစ်များ

ASSURENG 29:12

Alai sibagiyang iyaro dara sapingngé namuwassapuwangngi ri tanru-tanru mézbaé sibawa limammu. Sésana iyaro daraé harusu'i mutiri ri bagiyang yawana mézbaé.

YESAYA 40:21

Masa dé' muwissengngi sibawa dé' muwéngkalingai, sibawa dé' naripaissengiko sipongenna riyolo? Masa dé' muwajeppuiwi polé ri pammulanna pékkugi pammula-mulanna linoé?

ANGIMANGENG 16:18

harusu'i Harun massu sibawa lao ri mézba akkarobang ritunué untu' paccingiwi iyaro mézbaé. Harusu'i mala céddé dara saping sibawa dara bémbé, nanassapuwangngi ri tanru-tanru sunna mézbaé.

ANGIMANGENG 17:11

Nyawana tungke'-tungke' anu mannyawaé engkai ri darana. Rimakkuwannanaro napparéntangngi Puwangnge kuwammengngi sininna daraé riyabbolorengngi ri yasé'na mézbaé kuwammengngi nariledda dosa-dosana umma'é. Daraé iyanaritu silaong nyawana, leddai dosaé.

ANGIMANGENG 4:18

Sibagiyassi harusu'i riyassapuwang ri tanru-tanru sunna mézba dupaé ri laleng Kémaé, na lebbinna harusu'i riyabboloreng ri pabborina mézba onrong akkarobangeng ritunu iya engkaé ri yolona sumpang Kémaé.

ANGIMANGENG 4:24

Harusu'i napalénne limanna ri tompo ulunna iyaro olokolo'é, nainappa nagéré ri seddé manoranna mézba, onrong maggéré olokolo'é untu' akkarobangeng ritunué.

ANGIMANGENG 4:30

Harusu'i imangngé tellengengngi jarinna ri laleng dara olokolo'éro, nainappa nassapuwang ri tanru-tanru sunna mézbaé, na sésana nabbolorengngi ri pabborina mézbaé.

ANGIMANGENG 4:34

Harusu'i imangngé tellengengngi jarinna ri laleng dara olokolo'éro, nainappa nassapuwang ri tanru-tanru sunna mézbaé, na sésana nabbolorengngi ri pabborina mézbaé.

ANGIMANGENG 4:7

Sibagiyang polé ri daraéro harusu'i nassapuwang ri sining tanru'é ri sunna mézba dupa baué ri laleng Kémaé, na lebbinna harusu'i riyabboloreng ri pabborina mézba akkarobangeng ritunué iya engkaé ri yolona sumpanna Kémaé.

ANGIMANGENG 5:9

Darana iyaro manu'-manu'é harusu'i riyakkeppikeng ri benrénna mézbaé, na lebbinna harusu'i ripecca massu ri pabborina mézbaé untu' akkarobangeng paddampengeng dosa.

ANGIMANGENG 8:10

Nainappa mala Musa minnya upacara nanassapuwangngi ri Kémana Puwangnge enrengngé sininna passakke'na. Nanallalengiro iya manenna ripallaingngi untu' Puwangnge.

ANGIMANGENG 8:15

Nainappa nagéré Musa sibawa malai sibagiyang darana. Iyaro daraé nassapuwangngi sibawa jarinna ri tanru-tanru mézbaé, kuwammengngi iyaro mézbaé naripallaing untu' Allataala. Dara iya nasésaé riyabbolorengngi ri pabborina mézbaé. Makkuwaniro carana iyaro mézbaé ripépaccingi sibawa ripallaing untu' Puwangnge.

ANGIMANGENG 9:9

Ana'-ana'na Harun palettu'i darana iyaro olokolo'é lao ri Harun, sibawa majjajjekengngi jarinna ri laleng daraéro, enrengngé massapuwangngi ri tanru'-tanru'é ri iya eppa sunna mézbaéro. Purairo dara iya nasésaé riyabbolorengngi ri pabborina mézbaé.

ROMA 10:4

Hukkung agamaé purani narupai Kristus, angkanna tungke' tau iya mateppe'é lao ri Kristus, assisumpungenna sibawa Allataala mancaji makessingngi paimeng.

IBRANI 2:10

Mémeng sipato'ni Allataala – iya pinruéngngi sininna séuwa-séuwaé untu' akkatta-Na muto – mébbui Yésus pappassalama' iya sukkué naolai anrasa-rasangngé. Nallalengiro naulléi Allataala mérai maéga tau untu' maccowé ripakaraja silaong Yésus. Saba' Aléna pattimpa laleng lao ri mennang untu' weddingngi ripassalama'.

IBRANI 9:22

Mémeng manuru hukkunna agama Yahudié, céddé'pi nasininna séuwa-séuwaé ripaccingiwi sibawa dara; na dosaé banna weddingngi riyaddampengeng rékko engka dara ripatabbollong.