ANGIMANGENG 4:21 - KITTA KAREBA MADECENG

²¹ Nainappa ritiwi massu iyaro saping laié, naritunu risaliwenna akkémangngé, padapada pakkasuwiyang saping lai untu' akkarobangeng paddampengeng dosana Imang Lompoé. Makkuwaniro carana makkasuwiyangeng akkarobangeng paddampengeng dosana umma'na.

ANGIMANGENG 4:21 ပူးပေါင်းရင်းမြစ်များ

EZRA 8:35

Iyatoro essoé sininna tau iya lisuénna polé ri appalirengngéro, makkasuwiyanni akkarobangeng ritunu lao ri Allataalana Israélié. Makkasuwiyanni mennang 12 kajunna saping lai untu' sininna Israélié, 96 kajunna bimbala lai sibawa 77 kajunna ana' bimbala; ri lainnaéttoro 12 kajunna bémbé untu' akkarobangeng paddampengeng dosa untu' aléna mennang. Sininna olokolo'éro ritunui selaku akkarobangeng untu' Puwangnge.

ASSURENG 29:14

Jukuna, bingkulanna sibawa paruna iyaro saping laié harusu'i ritunu ri saliwenna akkémangngé. Iyanaro pakkasuwiyang untu' paddampengeng dosana sininna imangngé.

YEHEZKIEL 45:22

Ri esso iya mammulangngé, panguwasa iya mapparéntaé harusu'i makkasuwiyangeng sikaju saping lai untu' akkarobangeng pappaledda dosa untu' aléna sibawa untu' sininna ra'ya'é.

ANGIMANGENG 16:15

Purairo harusu'i Harun maggéré bembé untu' akkarobangeng paddampengeng dosana umma Israélié. Iyaro dara bémbé'é harusu'i natiwi ri Bili' Pommapaccingngé, nainappa nakkeppikeng ri bagiyang yolona pattongkona Petti Assijancingngé sibawa ri yolona Pettié, pada-pada iya puraé nagaukengngi dara saping laié.

ANGIMANGENG 16:21

Harusu'i napalénne iya duwa limanna ri yasé'na ulunna bémbé'éro nanaakuiwi sininna asalanna, dosana sibawa pelanggaranna bangsa Israélié. Nanallalengiwi sininna asalanna bangsa Israélié ripalétté'i ri yasé'na ulunna bémbé'éro. Nainappa séddié tau iya ritugaskangngé harusu'i rukkai iyaro bémbé'é lao ri padang kessi'é.

ANGIMANGENG 16:27

Saping lai sibawa bémbé untu' akkarobangeng paddampengeng dosaé, iya daranaé riputtama ri laleng Bili' Pommapaccingngé untu' paddampengeng dosa, harusu'i ritiwi massu ri akkémangngé sibawa ritunu. Bingkulanna, jukuna sibawa lise babuwana iya duwa olokolo'éro harusu'i ritunu maneng.

ANGIMANGENG 4:13

Rékko iyaro madosaé sininna umma Israélié, saba' dé' nattungkaiwi majjalékkaiwi sala séddinna paréntana Puwangnge,

ANGIMANGENG 4:20

Carana pada-pada pakkasuwiyang saping lai untu' akkarobangeng paddampengeng dosaé. Makkuwaniro carana Imang Lompoé makkasuwiyangeng akkarobangeng untu' dosa-dosana umma'é, nanaddampengengngi matu Puwangnge iyaro dosa-dosaé.

ANGIMANGENG 6:11

Purairo harusu'i nasulléi pakéyanna nanatiwii iyaro awué ri saliwenna akkémangngé, ri onrong iya ripattentué untu' iyaro.

ANGIMANGENG 6:23

Tungke' akkarobangeng ripatalaé iya nakkasuwiyangengngé imangngé harusu'i ritunu maneng, muwi céddé dé'to nawedding riyanré.

ANGIMANGENG 8:17

Iyakiya jukuna iyaro sapingngé, bingkulanna, lise babuwana nalebbié muttama'ni paruna, jaji sininna iyaro sapingngé sangadinna bagiyang-bagiyang iya puraé ripallaing ritunui ri saliwenna akkémangngé pada-pada iya napparéntangngé Puwangnge.

MATIUS 20:28

Pada-padato Ana'na Tolinoé; poléi tenniya untu' ritumaningi, iyakiya untu' mattumani, sibawa mabbéréyangngi nyawa-Na untu' paleppe'i maéga tau.”

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

IBRANI 13:11

Dara olokolo' iya riyakkasuwiyangengngé selaku akkarobangeng untu' paddampengeng dosa, natiwii Imang Lompoé lao ri Bili' Pommapaccingngé; iyakiya bakkéna iyaro olokolo'é ritunui ri saliweng akkémangngé.