ANGIMANGENG 4:20 - KITTA KAREBA MADECENG

²⁰ Carana pada-pada pakkasuwiyang saping lai untu' akkarobangeng paddampengeng dosaé. Makkuwaniro carana Imang Lompoé makkasuwiyangeng akkarobangeng untu' dosa-dosana umma'é, nanaddampengengngi matu Puwangnge iyaro dosa-dosaé.

ANGIMANGENG 4:20 ပူးပေါင်းရင်းမြစ်များ

ASSURENG 32:30

Pappa bajana makkedani Musa lao ri bangsaéro, “Purano pogau' dosa loppo. Iyakiya makkekkuwangngé maélosika tuppuiwi iyaro bulué untu' mangolo ri Puwangnge; memmuwaré lolongekka paddampeng untu' dosamu.”

DANIEL 9:24

Wékkapitu pituppulo taung iyanaritu wettu iya napattette'é Allataala untu' paleppe'i bangsamu sibawa kotamu iya mapaccingngéro polé ri dosaé sibawa jaé. Sininna dosaé riyaddampengengngi sibawa ripatettongngi adélékeng iya mannennungengngé, angkanna pakkitang sibawa botoéro mannessai matu, sibawa Bolana Puwang iya mapaccingngéro riyassompaisi matu lao ri Puwangnge.

ANGIMANGENG 1:4

Nainappa harusu'i napalénne limanna ri tompo ulunna iyaro olokolo'é, naritarima matu pakkasuwiyanna untu' paddampengeng dosana.

ANGIMANGENG 12:8

Rékko iyaro makkunraié dé' naulléi passadiya sikaju ana' bimbala, harusu'i tiwi duwak-kaju jangang-jangang lolo iyaré'ga bekku lolo: sikaju untu' akkarobang ritunu sibawa sikaju untu' akkarobang paddampengeng dosa. Harusu'i imangngé napogau' upacaraé untu' leddai anajisikenna iyaro makkunraié, namancaji mapaccing.

ANGIMANGENG 14:18

Minnya nasésaé harusu'i riyabboloreng ri tompo ulunna tauwéro ri yolona Puwangnge.

ANGIMANGENG 15:15

Harusu'i nakkasuwiyangeng imangngé manu'-manu' iya sikajué untu' akkarobangeng paddampengeng dosa, sibawa iya sikajuéssi untu' akkarobangeng ritunu. Nanallalengiro pakangkani imangngé upacara pappépaccinna iyaro tauwé ri yolona Puwangnge.

ANGIMANGENG 19:22

Harusu'i imangngé makkarobangngi iyaro bimbala'é ri laleng upacara pappépaccingngé, kuwammengngi nariyaddampengeng dosana iyaro tauwé. Na Iyya, Allataala maélo maddampengengngi.

ANGIMANGENG 4:21

Nainappa ritiwi massu iyaro saping laié, naritunu risaliwenna akkémangngé, padapada pakkasuwiyang saping lai untu' akkarobangeng paddampengeng dosana Imang Lompoé. Makkuwaniro carana makkasuwiyangeng akkarobangeng paddampengeng dosana umma'na.

ANGIMANGENG 4:26

Nainappa sininna lunra'na iyaro olokolo'é harusu'i ritunu ri yasé'na mézbaé, pada-pada ri akkarobangeng pappasidamé. Makkuwaniro carana imangngé makkasuwiyangeng akkarobangeng untu' dosana séddié panguwasa, nariyaddampengeng matu iyaro tauwé ri Puwangnge.

ANGIMANGENG 4:35

Nainappa harusu'i riyala maneng lunra'na iyaro olokolo'é pada-pada ri akkarobangeng pappasidamé. Iyaro lunra'é harusu'i ritunu ri yasé'na mézbaé, silaong akkarobangeng inanré iya riyakkasuwiyangengngé lao ri Puwangnge. Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge.

ANGIMANGENG 4:8

Harusu'i imangngé mala manengngi lunra'na iyaro saping laié, iyanaritu lunra iya dokoéngngi lise babuwana,

ANGIMANGENG 5:10

Purairo nakkasuwiyangenni imangngé manu'-manu' iya maduwaé untu' akkarobangeng ritunu, situru sibawa peraturangngé. Makkuwaniro carana imangngé makkasuwiyangengngi akkarobangeng untu' dosana iyaro tauwé, nariyaddampengeng matu ri Puwangnge.

ANGIMANGENG 5:13

Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge. Labbu iya nasésaé iyanaritu bagiyanna imangngé, pada-pada ri akkarobangeng gandongngé.

ANGIMANGENG 5:16

Iyaro tauwé harusu'i nawaja aga iya nallupaiyé riyolo, ritambai sibawa duwappulo paresséng. Nainappa harusu'i nabbéréyang iyaro olokolo'é lao ri imangngé, na imangngé makkasuwiyangengngi untu' dosana iyaro tauwé, nariyaddampengeng matu ri Puwangnge.

ANGIMANGENG 5:18

Untu' akkarobangeng passullé arogingngé harusu'i tiwi sikaju bimbala iyaré'ga bémbé lai iya dé'é gaga sala-salanna sibawa riyangke'i situru ellinna iya ripatakkennaé ri Kémana Puwangnge. Imangngé makkarobangengngi untu' dosana iyaro tauwé, nariyaddampengeng matu ri Puwangnge.

ANGIMANGENG 5:6

Sibawa untu' pakkamaja dosana, harusu'i tiwi sikaju bimbala iyaré'ga bémbé lai untu' Puwangnge. Imangngé harusu' makkasuwiyangengngi iyaro akkarobangngé kuwammengngi nariyaddampengeng dosana iyaro tauwé.

ANGIMANGENG 6:7

Imangngé makkarobangengngi untu' dosana iyaro tauwé, nariyaddampengeng matu ri Puwangnge.

ABBILANGENG 15:25

Nainappa harusu'i napogau' imangngé upacara paddampengeng dosaé untu' umma'é. Nariyaddampengeng matu mennang nasaba iyaro asalangngé dé' nattungkaiwi pogau'i, sibawa nasaba purani mennang tiwi akkarobangeng paddampengeng dosa nenniya akkarobangeng ritunu lao ri Puwangnge.

ABBILANGENG 15:28

Harusu'i imangngé pogau' upacara paddampengeng dosa ri yolona Puwangnge, kuwammengngi nariyaddampengeng dosana iyaro tauwé.

ROMA 5:11

Nalebbi na iyaro, marennu tokki nasaba akessingenna Allataala naolai Puwatta Yésus Kristus. Saba' naolai Kristus, ripéneddingiwi makkekkuwangngé assisumpungetta iya madécéngngéro sibawa Allataala.

GALATIA 3:13

Iyakiya Kristus paleppe'ki polé ri tanrona Hukkunna Agamaé. Napogau'i iyaro ri laleng naleppessanna aléna tattanro nasaba idi. Saba' ri laleng Kitta'é tarokii, “Tattanroi tau iya maté rigattung ri alliri ajué.”

IBRANI 1:3

Aléna ritu mattapparengngi arajanna Allataala iya millakkillangngé; Aléna ritu gambara'na Allataala iya manessaé. Aléna tona piyarai akkalépunna alangngéwé ri laleng saddan-Na iya makuwasa senna'é. Puranana napakkullé rupa tauwé untu' ripaleppe polé ri dosa-dosana mennang, natudangini kadéra apparéntangngé ri surugaé silaong Allataala, Panguwasa iya kaminang matanré.

IBRANI 2:17

Bettuwanna iyaé, makkedaé harusu'i mancaji pada-pada saudara-Na ri laleng sininna gau'é. Nanallalengiro weddingngi mancaji Imang Lompo iya matinulué sibawa maressé babuwaé. Nasaba pattumaninnaro, weddingngi riyaddampengeng dosa-dosana tolinoé.

IBRANI 9:14

Nah, rékko dara sibawa awuéro naulléi pépaccingiwi anajisikenna sining tauwéro, apalagi darana Kristus! Naolai Roh iya mannennungengngé, nakkasuwiyangengngi Aléna lao ri Allataala selaku akkarobangeng iya sukkué. Dara-Na pépaccingiwi atitta polé ri upacara agamaé iya dé'é nakkéguna, kuwammengngi weddikki tumaningiwi Allataala iya tuwoé.

1 YOHANES 1:7

Iyakiya rékko tuwoki ri laleng tajangngé pada-pada Allataala engka ri laleng tajangngé, tentu tuwoki mareppé enrengngé sipammasé-masé séddié lao ri laingngé, sibawa darana Yésus, Ana'-Na, pépaccingiki polé ri sininna dosaé.

1 YOHANES 2:2

Naolai Yésus Kristus ritu nariyaddampengeng dosa-dosata. Natenniya dosa-dosata bawang, sangadinna dosanato sininna rupa tauwé.

WAHYU 1:5

sibawa polé ri Yésus Kristus, sabbi iya matinulué. Aléna ritu bunge'-bunge' ripatuwo paimeng polé ri amaténgngé sibawa Aléna ritu makuwasa lao risining arunna linoé. Yésus mamaséiki, nanasibawang amatén-Na nanapaleppe'ki polé ri dosa-dosata,