ANGIMANGENG 4:13 - KITTA KAREBA MADECENG

¹³ Rékko iyaro madosaé sininna umma Israélié, saba' dé' nattungkaiwi majjalékkaiwi sala séddinna paréntana Puwangnge,

ANGIMANGENG 4:13 ပူးပေါင်းရင်းမြစ်များ

EZRA 10:19

Majjanciwi mennang maélo telle'i bainéna mennang, nainappa makkasuwiyangeng bimbala lai untu' akkarobangeng paddampengeng dosana mennang.

MAZMUR 19:13

Dé'gaga mulléi maingekiwi apusanna; Puwang, paleppe'ka polé ri asalang tassubbué.

YEHEZKIEL 45:22

Ri esso iya mammulangngé, panguwasa iya mapparéntaé harusu'i makkasuwiyangeng sikaju saping lai untu' akkarobangeng pappaledda dosa untu' aléna sibawa untu' sininna ra'ya'é.

HOSEA 5:15

Usalaiwi matu umma'-Ku narapi mennang genne anrasa-rasanna nasaba dosa-dosana, nanapolé sappa-Ka. Naullé ri laleng anrasa-rasanna, makkuragai matu mennang runtu'-Ka.”

ANGIMANGENG 16:5

Nainappa harusu'i mabbéréyang umma Israélié lao ri Harun duwakkaju bémbé lai untu' akkarobangeng paddampengeng dosa sibawa sikaju bimbala lai untu' akkarobangeng ritunu.

ANGIMANGENG 4:21

Nainappa ritiwi massu iyaro saping laié, naritunu risaliwenna akkémangngé, padapada pakkasuwiyang saping lai untu' akkarobangeng paddampengeng dosana Imang Lompoé. Makkuwaniro carana makkasuwiyangeng akkarobangeng paddampengeng dosana umma'na.

ANGIMANGENG 5:17

Rékko séddié tau dé' nattungkaiwi pogau' dosa nasaba najjalékkaiwi sala séddinna paréntana Puwangnge, iyaro tauwé pasalai sibawa harusu'i natanggung addimonrinna.

ANGIMANGENG 6:4

Tau iya pasalaéro harusu'i nawaja paimeng sininna iya nalolongengngé sibawa dé' namalempu. Wettunna rilolongeng pasala, harusu'i nawaja penno ri punnana, ritambai duwappulo paresséng.

ABBILANGENG 15:22

Rékko dé' muwattungkaiwi mallupaiwi sala séddinna ri yelle'na peraturang iya puraé nabbéréyang Puwangnge lao ri Musa, mappammulai ri esso nabbéréyanna Puwangnge iyaro peraturangngé sibawa mattteru massossoreng, na iyaro asalangngé napogau'i nasaba dé' naissengngi umma'é peraturangngé, sininna umma'é harusu'i makkasuwiyangeng sikaju saping lai untu' akkarobangeng ritunu. Nasibawang iyaro harusu'i riyakkasuwiyangeng akkarobangeng ripatalaé nenniya uwai anggoro'é pada-pada iya ripattentué. Baunna iyaro akkarobangngé pésennangiwi atinna Puwangnge. Ri lainnaéro harusu'i riyakkasuwiyangeng sikaju bimbala lai untu' akkarobangeng paddampengeng dosaé.

1 KORINTUS 11:27

Rimakkuwannanaro, tau iya manrééngngi rotinna Puwangngé iyaré'ga ménungngi anggoro'na Puwangngé sibawa cara iya dé'é nasipato, iyaro tauwé madosai lao ri Puwangngé iya puraé makkarobangengngi tubun-Na sibawa dara-Na.

1 TIMOTIUS 1:13

namuni riyolo mappétenna'ka, sibawa maccalla enrengngé pakatunai Aléna. Iyakiya Allataala mamaséika, nasaba iyaro wettué dé'pa umateppe, jaji dé' uwissengngi aga iya upogau'é.

YOSUA 7:11

Purai pogau' dosa tau Israélié. Purai Uwapparéntang kuwammengngi naturusiwi mennang assijancinna sibawa Iyya, iyakiya najjalékkaiwi mennang! Barab-barang iya harusu'é riyancuru naalai mennang. Ménnauwi mennang sibawa nasubbui ri yelle'na barab-baranna mennang kuwammengngi dé' nakaissengeng.