ANGIMANGENG 3:9 - KITTA KAREBA MADECENG

⁹ Untu' akkarobangeng pappasidamé lao ri Puwangnge, harusu'i imangngé makkasuwiyangengngi sining bagiyangngéweé polé ri bimbala'éro: lunra'na, sininna ikko'na iya mallunra'é sibawa rirette'i ri seddéna buku lekke'na, lunra' iya dokoéngngi lise babuwana,

ANGIMANGENG 3:9 ပူးပေါင်းရင်းမြစ်များ

2 SAMUEL 6:17

Iyaro Petti Assijancingngé napalénne'i ri onronna ri laleng kéma iya puraé napasang Daud untu' Pettiéro. Nainappa makkasuwiyang Daud akkarobangeng ritunu sibawa akkarobangeng pappasidamé lao ri Puwangnge.

1 ARUNG-NGARUNG 3:15

Moto'nana, mainge'ni Salomo makkedaé purani Allataala mabbicara lao ri aléna ri laleng nippi. Nanalisuna ri Yérusalém natettong ri yolona Petti Assijancinna Puwangnge sibawa makkasuwiyangeng akkarobangeng ritunu sibawa akkarobangeng pappasidamé. Nainappa pakangka pésta untu' sininna pegawénna.

1 ARUNG-NGARUNG 8:63

Untu' akkarobangeng pappasidamé makkasuwiyangngi Salomo 22.000 saping sibawa 120.000 bimbala. Makkuwaniro arungngé sibawa sininna ra'ya'é pakangka upacara rirésmikanna Bolana Puwangnge.

1 ARUNG-NGARUNG 8:64

Iyatoro essoé narésmikangngi Salomo bagiyang tengngana seddé ri yolona Bolana Puwang-ngéro. Nainappa ri seddénaro makkasuwiyangengngi akkarobangeng ritunu, akkarobangeng gandong, sibawa lunra olokolo untu' akkarobangeng pappasidamé. Iya manennaro nakkasuwiyangengngi kuwaro nasaba baiccu senna mézba gessaé untu' sininna pakkasuwiyangngéro.

1 TAWARIKH 16:1

Iyaro Petti Assijancingngé napalénne'i ri laleng kéma iya puraé napassadiya Daud untu' Pettiéro. Nainappa makkasuwiyang mennang lao ri Allataala akkarobangeng ritunu sibawa akkarobangeng pappasidamé.

ASSURENG 29:22

Alai lunra'na iyaro bémbé laié, ikko'na iya mallunra'é, lunra mallapina polé ri lise' babuwana, bagiyang atinna kaminang makessingngé, iya duwa ginjalna silaong lunra'na, enrengngé poppang ataunna.

AMSAL 23:26

Pénessaiwi madécéd-décéng sibawa contoiwi atuwokku, ana'ku!

YESAYA 53:10

Napuwéloi Puwangnge makkedaé manrasa-rasai, sibawa mabbéréyangngi aléna selaku akkarobangeng pappaledda dosa. Namalampé umuru'i matu sibawa mitai asaronna naolai aléna nakajajiyang élona Puwangnge.

ANGIMANGENG 17:5

Akkattana iyaro paréntaé kuwammengngi bangsa Israélié natiwii ri Kémana Puwangnge sinininna olokolo pakkasuwiyangngé iya biyasaé nagéré ri dare'é. Waji'i mennang natiwi iyaro pakkasuwiyangngé lao ri imangngé ri yolona sumpanna Kémana Puwangnge sibawa géréi kuwaro untu' akkarobangeng pappasidamé.

ANGIMANGENG 7:3

Harusu'i nakkasuwiyangeng imangngé ri yasé'na mézbaé sininna lunra'na iyaro olokolo'é, iyanaritu: Ikko'na iya mallunra'é, lunra iya dokoéngngi lise' babuwana, ginjalna silaong lunra'na, sibawa bagiyang kaminang makessingngé polé ri atinna.

ANGIMANGENG 8:25

Nalani Musa lunra'na iyaro bimbala'é, ikko'na iya mallunra'é, sininna lunra iya dokoéngngi lise babuwana, bagiyang iya kaminang makessingngé polé ri atinna, ginjalna sibawa lunra'na enrengngé ajé ataunna.

ANGIMANGENG 9:19

Bagiyang iya engkaé lunra'na polé ri sapingngé sibawa bimbala'éro napalénne'i mennang

1 SAMUEL 10:8

Purairo harusu'ko lao ri Gilgal sibawa mattajeng kuwaro pitungngesso. Polépa matti untu' makkasuwiyangeng akkarobangeng ritunu sibawa akkarobangeng pappasidamé, enrengngé powadakko aga harusu mupogau'.”