ANGIMANGENG 3:11 - KITTA KAREBA MADECENG

¹¹ Imang iya majjamaé harusu'i natunu manenro ri yasé'na mézbaé untu' akkarobangeng inanré lao ri Puwangnge.

ANGIMANGENG 3:11 ပူးပေါင်းရင်းမြစ်များ

MAZMUR 22:14

Naoloika sibawa bawa mangnganga, pada-pada singa iya mangngaungngé sibawa palupperi.

YEHEZKIEL 44:7

Purai mennang nacarépai Bola-Ku, saba' wettunna riyakkasuwiyangeng lunra sibawa dara akkarobangengngé lao ri Iyya, napalaloi mennang muttama ri lalenna sining tau laing iya dé'é narisunna, sibawa iya dé'é naturusi-Ka. Nasibawang sining pangkaukenna mennang iya mappakaciddi-ciddi'éro, purani mennang najjalékkai assijancik-Ku sibawa mennang.

ANGIMANGENG 21:17

untu' powadai iyaé lao ri Harun, “Séddié wija-wijammu iya sala-salangngé watakkaléna dé' nawedding makkasuwiyang akkarobangeng inanré lao ri Iyya. Iyaro takkennai untu' mannennungeng.

ANGIMANGENG 21:6

Appunnangekkui iya ripallaingngé nadé' nawedding carépaiwi asek-Ku. Makkasuwiyangngi akkarobangeng inanré lao ri Iyya, jaji harusu'i mapaccing.

ANGIMANGENG 21:8

Bangsa Israélié harusu'i mangakuiwi imangngé selaku tau iya ripallaingengngékka nasaba makkasuwiyangngi akkarobangeng inanré lao ri Iyya. Iyya'na Puwang; mapaccikka sibawa Upaccingiwi umma'-Ku.

ANGIMANGENG 22:25

Olokolo iya rilolongengngé polé ri tau laingngé dé' nawedding riyakkasuwiyangeng untu' akkarobangeng inanré. Iyaro olokolo'é riyangga sala-salangngi sibawa dé' nawedding ritarima.

ANGIMANGENG 3:16

Imang iya majjamaé harusu tunu manengngi iyaro ri yasé'na mézbaé. Baunna iyaro akkarobangngé pésennangiwi atinna Puwangnge. Sininna lunra'na iyaro olokolo'é untu' Puwangnge.

ANGIMANGENG 3:5

Iya manennaro, silaong sibawa akkarobangeng ritunu laingngé, harusu'i ritunu ri yasé'na mézbaé. Baunna iyaro akkarobangeng inanré pésennangiwi atinna Puwangnge.

MALEAKHI 1:12

Iyakiya iko mupakatuna-Ka nasaba muwangga'i mézba-Ku dé' angke'na, sibawa makkasuwiyang kuwaro inanré iya musampéyangngé.

MALEAKHI 1:7

Ri laleng makkarobangenna inanré iya dé'é nasitinaja riyakkarobangeng ri yasé'na mézba-Ku. Nainappako makkutana, ‘Nasibawang cara aga ripakariyawa-Ko?’ Di laleng mucarépainna mézba-Ku.

ABBILANGENG 28:2

palettu'i ri bangsa Israélié makkedaé harusu'i mennang puriyatiwi sibawa malitutu kuwammengngi na ri wettu-wettu iya mattentué, riyakkasuwiyangengngi sining akkarobangeng maddupa inanré iya pésennangiyéngngi atinna Puwangnge.

ABBILANGENG 28:24

Nanallalengi towi caraéro harusu'ko makkasuwiyangeng lao ri Puwangnge akkarobangeng ritunu pitungngesso ittana. Iyaro akkarobangengngé sinrupai pattamba ri akkarobangeng ritunu esso-essoé sibawa akkarobangeng uwai anggoro'na. Baunna iyaro akkarobangengngé pésennangiwi atinna Puwangnge.

ROMA 8:32

Ana' ri Aléna paimeng dé' Nacarinnaiwi, sangadinna nabbéréyangngi untu' apentingetta maneng; masa' dé' nabbéréyangngi matu lao ri idi sininna séuwa-séuwaé iya laingngé?

1 KORINTUS 10:21

Dé' naweddikko ménung polé ri énungeng anggoro'na Puwangngé sibawa massamang polé ri énungeng anggoro'na sétangngétto. Dé' naweddikko manré ri méjanna Puwangngé, sibawa ri méjannato sétangngé.

WAHYU 3:20

Itai! Tettok-Ka ri yolona tange'é sibawa maggetto. Rékko engka tau méngkalingai saddak-Ku, enrengngé timpa'i tange'é, maélo-Ka muttama méwai sita; maélo-Ka manré sisama aléna enrengngé aléna manréi sisama Iyya.