ANGIMANGENG 27:9 - KITTA KAREBA MADECENG

^9-10 Rékko iyaro tinja'é iyanaritu olokolo hallala' iya weddingngé ritarima selaku pakkasuwiyang lao ri Puwangnge, iyaro tau iya mattinja'é dé' nawedding nasélé sibawa olokolo laing, saba' sininna iya riyakkasuwiyangengngéro lao ri Puwangnge mancajiwi appunnangenna Puwangnge.

ANGIMANGENG 27:9 ပူးပေါင်းရင်းမြစ်များ

AMSAL 20:25

Pikkiri'i madécéd-décéng ri wettu dé'napa majjanciyang akkarobangeng lao ri Puwangnge. Weddissa jaji massessekaléko matu ri munri.

PAKKATOBBA 5:6

Pada-pada maéga nippi dé'gaga bettuwanna, makkuwatoro maéga bicara dé'gaga akkégunana. Iyakiya étauno lao ri Puwangnge.

YEHEZKIEL 48:14

Muwi sijakka polé ri tanaéro dé'to nawedding nabalu mennang iyaré'ga nasséléreng; bagiyang kaminang makessingngé polé ri tanana Israélié dé' nawedding lélé ri limanna tau laingngé, saba' iyaro tanaé purani ripallaing untu' Puwangnge sibawa mancajiwi appunnangen-Na.

ANGIMANGENG 27:8

Rékko tau iya mattinja'é kasiyasi senna'i untu' mpajai iya ripattentué, harusu'i natiwi tau iya puraé riyakkasuwiyangeng lao ri Puwang-ngéro lao ri imangngé. Harusu'i imangngé pattentui elli iya lebbi mariyawaé situru amampungenna tauwéro.

ANGIMANGENG 5:15

Rékko séddié tau dé' nattungkaiwi pogau' dosa nasaba takkalupai ri laleng mabbéréyangngi sining pakkasuwiyanna iya riwajikengngé untu' Puwangnge, iyaro tauwé harusu'i tiwi akkarobangeng passullé aroging. Iyaro akkarobangngé harusu'i sikaju bimbala iyaré'ga bémbé lai iya dé'é gaga sala-salanna, sibawa riyangke situru ellinna iya ripatakkennaé ri Kémana Puwangnge.

MATIUS 15:5

Iyakiya iko mappagguruwangngi! Rékko makkedai tauwé ri tomatowanna, ‘Dowi iya harusu'é uwéréngngi ambo' sibawa indo', purani uwakkasuwiyangeng lao ri Allataala.’