ANGIMANGENG 27:34 - KITTA KAREBA MADECENG

³⁴ Iyanaro parénta-parénta iya nabbéréyangngé Puwangnge ri tompo'na Bulu Sinai lao ri Musa untu' bangsa Israélié.

ANGIMANGENG 27:34 ပူးပေါင်းရင်းမြစ်များ

ANGIMANGENG 26:46

Iyanaro hukkung-hukkung sibawa parénta-parénta iya nabbéréyangngé Puwangnge, ri tompo'na Bulu Sinai lao ri Musa untu' bangsa Israélié.

ANGIMANGENG 7:38

Puwangnge mabbéréyangngi sining paréntaéro lao ri Musa ri Bulu Sinai wettunna Nasuro bangsa Israélié makkasuwiyangengngi akkarobangngé ri padang kessi Sinai.

ABBILANGENG 1:1

Ri tanggala séddinna uleng duwa ri laleng taung maduwaé nasalainna bangsa Israélié Maséré, mabbicarani Puwangnge lao ri Musa ri laleng Kémana Puwangnge ri padang kessi Sinai. Adan-Na,

ABBILANGENG 28:6

Iyanaro akarobangeng ritunu iya tette'é untu' bunge' mammulangngé riyakkasuwiyangeng ri Bulu Sinai. Baunna pésennangiwi atinna Puwangnge.

ABBILANGENG 3:1

Iyanaé kaluwargana Harun sibawa Musa wettunna Puwangnge mabbicara lao ri Musa ri tompo'na Bulu Sinai.

ABBILANGENG 36:13

Iyanaro sining peraturang sibawa sining attettekeng iya nabbéréyangngé Puwangnge lao ri bangsa Israélié naolai Musa, wettunna engka bangsa Israélié ri tanéténa Moab ri wirinna Salo Yordan, seddéna kota Yérikho.

YOHANES 1:17

Hukkunna Puwangngé ritarimai naolai Musa. Iyakiya pammasé sibawa atinulurenna Allataala ripannessai naolai Yésus Kristus.

ULANGENG 1:3

Ri tanggala séddinna uleng seppulo séddi ri laleng taung mapatappuloé nasalainnana mennang Maséré, napalettu'ni Musa ri bangsaéro sininna iya napparéntangngé Puwangnge untu' ripowadangngi mennang.

ULANGENG 29:1

Iyanaé ada-ada assijancing iya nasaba paréntana Puwangnge naébbui Musa sibawa bangsa Israélié wettunna mennang engka ri tana Moab. Iyaro assijancingngé sinrupai pattamba polé ri assijancing iya naébbué Puwangnge sibawa mennang ri Bulu Sinai.

ULANGENG 4:45

Iyaro gau'é napogau'i puranana mennang massu polé ri Maséré sibawa engka ri lompo seddé alauna Salo Yordan, siyolong sibawa kota Bét-Péor. Iyaro daéraé, daérana riyolo Sihon, arunna tau Amorié, iya mapparéntaé riyolo ri kota Hésybon. Nacaui Musa sibawa bangsa Israélié wettunna mennang massu polé ri Maséré.

ULANGENG 4:5

Iya manennaro hukkungngé upagguruwakko pada-pada iya napparéntangngé Puwang Allataalaku. Apatoi manengngiro ri wanuwa iya maéloé muwattamaki sibawa monroiro.