ANGIMANGENG 26:6 - KITTA KAREBA MADECENG

⁶ Maélo-Ka jagaiwi amangenna wanuwammu angkanna weddikko matinro sibawa tennang enrengngé temmétau muwi lao ri niga. Sining olokolo masekkangngé maélo-Ka pallennye'i polé ri wanuwaéro, sibawa dé'na matu gaga musu ri wanuwammu.

ANGIMANGENG 26:6 ပူးပေါင်းရင်းမြစ်များ

2 ARUNG-NGARUNG 2:24

Gilinni Elisa sibawa mitai mennang nainappa natanroi ri laleng asenna Puwangnge. Iyatoro wettué namassu polé ri ale'é duwa beruang sibawa sapé-sapé'i patappulo duwa ana' polé ri yelle'na ana'-ana'éro.

1 TAWARIKH 22:9

Namuni makkuwaro, pura-Ka nawéréng janciéwé: ‘Lolongekko matu séddi ana' worowané iya mapparéntaé matu sibawa amang, saba' maélo-Ka tulungngi angkanna dé'gaga bali iya musuéngngi. Riyasengngi matu Salomo, saba' sipongenna mapparénta, maélo-Ka mpéréngngi atennangeng sibawa amang ri sininna Israélié.

2 TAWARIKH 20:30

Iyanaro saba'na napparénta Yosafat sibawa amang, sibawa Puwangnge mpéréngngi adaméngeng ri sininna wanuwaé.

AYUB 11:19

Dé' mumétau matu lao ri balié; maéga tau méllau tulung matu ri iko.

AYUB 5:23

Dare iya murakkalaé dé' nakkébatu matu; olokolo liyaé dé' naluruiko matu.

MAZMUR 144:14

Tennapodo sining sapitta mabbija-bijai sibawa dé'gaga teddéng iyaré'ga alaungeng. Tennapodo dé' nariyéngkalinga kelli anrasa-rasangngé risining lalenna kotata.

MAZMUR 147:14

Najagaiwi daéramu kuwammengngi natette amang, sibawa pamessoriko sibawa gandong iya kaminang makessingngé.

MAZMUR 29:11

Tennapodo Puwangnge mabbéré awatangeng lao ri umma'-Na, sibawa mébbui mennang saléwangeng.

MAZMUR 3:5

Mangobbika lao ri Puwangnge; polé ri bulu-bulu-Na iya mapaccingngé Nabalika.

MAZMUR 4:8

Muwébbui atikku lebbi marennu naiya tau iya maonaé éngngalanna.

MAZMUR 85:8

Ajjellokenni makkedaé tette'-Ko mamasé, oh Puwang, wérékki asalamakeng polé ri alé-Mu.

ASSURENG 23:29

Dé' Upaddésu manengngi matu mennang ri laleng wettu sitaungngé, kuwammengngi iyaro tanaé aja' nakullang, sibawa olokolo masekkangngé aja' nallampareng.

AMSAL 3:24

Laoko matu matinro temmappénedding métau, sibawa memme'ko matinro puppu benni.

AMSAL 6:22

Sining pappagguruwanna mennang napimpikko matu ri laleng allalengengngé, najagaiko ri wennié, sibawa mabbéréi panunju ri iko wettummu moto.

YESAYA 35:8

Engka matu kuwaro watattana, asenna “Laleng mattujué ri asalamakengngé”. Tau madosaé dé' nalalo matu kuwaro, tau madonggoé dé' napapusai matu tau iya molaéngngi.

YESAYA 35:9

Ri onrongngéro dé'gaga matu singa, iyaré'ga olokolo masekkang laingngé. Sining tau iya ripassalama'é ri Puwangnge joppai matu kuwaro.

YESAYA 45:7

Iyya ritu pancajiwi tajangngé sibawa pettangngé, papolé-Ka barakka sibawa abala. Iyya ritu Puwang iya pogau' manengngéngngiro.

YESAYA 9:7

Puwangnge pura pateppai pahukkungengngé ri yasé'na akkarungenna Israélié.

YEREMIA 30:10

Umma'-Ku Israélié, aja' mumétau! Atak-Ku Yakub, aja' mumétau! Iko sibawa wija-wijammu Upassalama'i matu polé ri wanuwa mabélaé, onrommu ritawang. Lisuko matu sibawa monro ri wanuwammu sibawa amang. Tuwoko matu sibawa damé; dé'gaga iya parellué muwétauri.

YEREMIA 31:26

Iyaro wettué makkedai matu tauwé, ‘Purana memme matinro, matakkana.’

YEHEZKIEL 14:15

Weddissa jaji papolé-Ka sining olokolo masekkang untu' luruiwi pabbanuwana wanuwaéro, angkanna iyaro daéraé mancaji mabbahaya senna'i na dé'na muwi séddi tau barani molai.

YEHEZKIEL 14:17

Wedding jaji papolé-Ka musu ri wanuwaéro, sibawa Ukiringngi sining senjata poré untu' paccappui muwi tolinoé iyaré'ga olokolo'é.

YEHEZKIEL 14:21

Makkedai Puwang Iya Pommatanré, “Upateppai matu iya eppa pahukkungek-Ku iya kaminang maseroé ri yasé'na Yérusalém untu' paccappui muwi tolinoé iyaré'ga olokolo'é. Iyaro pahukkungengngé iyanaritu: musu, abala akkadéreng, olokolo masekkang sibawa sai.

YEHEZKIEL 34:25

Mébbu-Ka matu assijancing sibawa mennang, iya tanggungngéngngi keamananna. Urukkai matu sininna olokolo masekkangngé polé ri sininna wanuwaé, kuwammengngi nawedding monro sining bimbala'-Ku sibawa amang risining padangngé sibawa matinro risining ale'é.

YEHEZKIEL 34:27

Mabbuwai matu ajukajungngé, mabbéréi matu wassélé sining dare'é, sibawa sininna tauwé monroi matu sibawa amang ri tanana muto. Rékko purani Upettui ranté passiyona umma'-Ku sibawa purani mennang Upaleppe polé risining tau iya powataéngngi, naissennitu mennang makkedaé Iyya ritu Puwang.

YEHEZKIEL 5:17

Ri lainnaé abala akkadérengngé Upapolé towi matu saié, ajapperusengngé sibawa musué untu' mpunoi pabbanuwamu, enrengngé olokolo masekkangngé untu' mpunoi ana'-ana'na mennang. Iyya, Puwang, pura mabbicara.”

HOSEA 2:18

Iyaro wettué mébbu-Ka matu assijancing sibawa sininna rupanna olokolo'é kuwammengngi mennang dé' naganggui umma'-Ku. Upappajai matu sininna musué sibawa passalai paréwa-paréwa musué polé ri wanuwanna umma'-Kuro, sibawa mébbui mennang tuwo sibawa tennang nenniya amang.

HOSEA 2:20

Situru jancik-Ku, Ukawingiko matu. Muwangakui-Ka matu selaku Puwam-mu.

ANGIMANGENG 25:18

Turusiwi sininna hukkunna sibawa paréntana Puwangnge, kuwammengngi mutuwo sibawa amang ri wanuwaéro.

ANGIMANGENG 25:19

Tanana wanuwaéro nabbéréyangngi matu wassélé'na angkanna mappunnaiko inanré iya genne'é enrengngé monro kuwaro sibawa saléwangeng.

ANGIMANGENG 26:22

Maélo-Ka papoléi olokolo masekkangngé ri tengnga-tengngamu. Iyaro sining olokolo'é naluruiwi matu ana'-ana'mu, naunoi olokolo piyaramu sibawa paccapuko, angkanna mancaji céddé senna jumellamu, sibawa sining lalengngé ri wanuwammu mancaji masino-sinoi.

ANGIMANGENG 26:25

Maélo-Ka paompo musu ri tengnga-tengngamu untu' hukkukko nasaba purai muwajjalékkai assijancingek-Ku sibawa iko. Sibawa rékko maddeppungekko ri kotamu untu' sappa allinrungeng, maélo-Ka papolé lasa iya dé'é nawedding ripajjappa, angkanna manyarako lao ri balimmu.

ANGIMANGENG 26:7

Mulléi matu caui sining balimmu;

MIKHA 4:4

Tungke' tauwé tuwoi matu amang sibawa saléwangeng ri tengngana palla anggoro'é sibawa palla aras-é; dé'gaga péttau-péttauriwi matu, iyanaro jancinna Puwang Iya Pommakuwsaé.

ZEFANYA 3:13

Tau Israél iya risésaé mupa, dé'na matu napogau'i majaé muwi lao ri niga; dé'na matu nabbelléna sibawa dé'tona napabengnguwang. Madécéngngi matu mennang sibawa saléwangeng, sibawa dé' namétau lao ri nigi-nigi.”

HAGAI 2:9

Bola-Ku iya mabarué lebbi magelloi matu naiya riyoloé, na-Uwabbéréyangngi matu kuwaé adaméngengngé sibawa adécéngengngé lao ri bangsa-Ku.” Puwang Iya Pommakuwasaé pura mabbicara.

ZAKHARIA 9:10

Makkkedai Puwangnge, “Uwabbéyangngi karéta-karéta musu polé ri Efraim, sininna anyarangngé ri Yérusalém Upallennye'i matu sibawa sininna panaé Uwancuru'i matu. Nappallebbangengngi matu arummu adaméngengngé ri yelle'na bangsa-bangsaé. Polé ri tasi'é lao ri tasi'é makuwasai matu, polé ri Salo Efrat lettu ri cappa'na linoé.”

YOHANES 14:27

Asaléwangeng Utarongekko. Asaléwangek-Ku Uwérékko. Iya Uwabbéréyangngéro dé' napada-pada nabbéréyangngé linoé lao ri iko. Aja' mumausé, aja' mumétau.

RIWAYA'NA RASUL-RASUL-E 12:6

Ri wenni dé'napa namaélo Hérodés pangoloi Pétrus ri yolona tau maégaé, matinroi Pétrus sibawa tassiyo duwa balenggu ri yelle'na duwa tentara pengawal. Ri sumpanna tarungkué, pengawal-pengawal laingngé najagai towi tarungkué.

ROMA 5:1

Makkekkuwangngé simadécéngenni paimeng sibawa Allataala, nasaba mateppe'ki. Rimakkuwannanaro tuwoki ri laleng adaméngengngé sibawa Allataala naolai Puwatta Yésus Kristus.