ANGIMANGENG 26:5 - KITTA KAREBA MADECENG

⁵ Maonai matu wassélé tanamu, angkanna rékko narapini wettunna untu' maccéppu buwa anggoro, méngngala mupo gandong. Sibawa rékko narapini wettunna untu' mattaneng gandong, maccéppu mupo buwa anggoro. Mappunnaiko matu inanré iya genne'é sibawa tuwo saléwangeng ri wanuwammu.

ANGIMANGENG 26:5 ပူးပေါင်းရင်းမြစ်များ

MAZMUR 144:13

Tennapodo sining gudatta pennoi lise sibawa sininna rupanna wasséléna tanaé. Tennapodo sining bimbala'ta risining padatta makkéana'i narapi mappulo sebbu égana.

MAZMUR 90:1

Sempajanna Musa, atanna Allataala. Oh Puwang, Iko ritu onrotta mallinrung massossoreng.

ASSURENG 16:8

Puwangnge mpérékko matu juku ri arawéngngé, sibawa roti ri éléé gangkammu messo, nasaba naéngkalingani Puwangnge macaiko lao ri Aléna. Sitongenna, rékko macaiko lao ri idi, macaiko lao ri Puwangnge.”

AMSAL 1:33

Iyakiya tau iya méngkalingaékka ripiyarai matu. Tuwoi sibawa amang enrengngé dé' naparellu métau.”

AMSAL 18:10

Iyaro Puwangnge pada-padai manara iya masse'é; kuwaniro lao tau malempué sibawa lolongeng onrong iya amangngé.

YESAYA 1:19

Rékko mapatoko lao ri Iyya, mupéneddingiwi matu sininna iya makessingngé iya napowassélé'é wanuwammu.

YESAYA 30:23

Rékko mampoko biné, kiringngi matu Puwangnge bosi kuwammengngi natuwo matu iyaro biné sibawa powassélé éngngalang iya maonaé. Untu' Olokolo'mu tassadiyai matu padang wella iya malowangngé.

YEREMIA 23:6

Rékko mapparéntai, salama'i matu tau Yéhudaé, sibawa tuwoi matu tau Israélié sibawa amang. Iyaro arungngé riteppui matu ‘Puwangnge Asalamaketta.’

HOSEA 2:18

Iyaro wettué mébbu-Ka matu assijancing sibawa sininna rupanna olokolo'é kuwammengngi mennang dé' naganggui umma'-Ku. Upappajai matu sininna musué sibawa passalai paréwa-paréwa musué polé ri wanuwanna umma'-Kuro, sibawa mébbui mennang tuwo sibawa tennang nenniya amang.

HOSEA 2:20

Situru jancik-Ku, Ukawingiko matu. Muwangakui-Ka matu selaku Puwam-mu.

YOEL 2:19

Nabaliwi mennang makkuwaé, “Makkekkuwangngé Uwéréng manekko: gandong, anggoro sibawa minnya zaitun untu' inanré, kuwammengngi naripamessori manekko. Dé' Uleppessakko matu ripakatuna iyaré'ga ricawa-cawai ri bangsa-bangsaé.

YOEL 2:22

Eh sining olokolo, aja' mubata-bata. Manyilani makkekkuwangngé sining padang wellaé. Sara'ni mabbuwa ajukajungngé, buwa anggoro'é sibawa araé maonani.

YOEL 2:26

Genne'ko matu inanré sibawa messoko. Mupakalebbii matu Puwang Allataalamu, saba' untu' alému Napogau'i maéga anu makalallaing. Dé'na matu namancaji umma'-Ku akkéllé-kéllékeng!

AMOS 9:13

Makkedai Puwangnge, “Narapii matu wettunna tuwoi gandongngé makkuwamani sitta'na angkanna wettu éngngalangngé dé'gaga appettunna. Tuwoi matu pong anggoro'é makkuwamani akkompe'na angkanna matteru-terui matu tauwé mébbu uwai anggoro. Tetti'i matu uwai anggoro'é polé risining bulué sibawa massolo polé ri bulu-bulué.

MATIUS 23:37

“Yérusalém, Yérusalém! Muwunoi nabi-nabié, sining surona Allataala mugenrungiwi batu gangka maté. Maléwe'ni maélo-Ka pasipuppung manengngi pabbanuwamu pada-pada indo' manu'é iya rokongiyéngngi ana'-ana'na ri yawana pannina, iyakiya dé' mumaélo!

RIWAYA'NA RASUL-RASUL-E 14:17

Iyakiya dé' Nallupaiwi mpéréngngi butti-butti passalenna Aléna, iyanaritu pogau' décéng. Nawérékko bosi polé ri langié sibawa wassélé tana ri wettunna. Nawérékko anré sibawa napésennangiwi atimmu.”

ULANGENG 11:15

enrengngé wella untu' olokolo'mu. Sininna inanré iya muwapparelluwangngé tassadiyai matu untu' alému.

1 TIMOTIUS 6:17

Lao risining tau iya sugié ri linoéwé, sitinajako pangajari kuwammengngi aja' mennang namatempo sibawa aja' namménasa ri barab-barang iya dé'é natette – pada-pada mutowi asugirengngé. Harusu'i mennang mamménasa lao ri Allataala iya mabbéréyangngéngngi sininna séuwa-séuwaé lao ri idi sibawa maona kuwammengngi tapéneddingiwi.

1 PETRUS 1:5

Iya manenna iyanaritu untu'mu, nasaba mateppe'ko ri Allataala. Narijagaiko sibawa akuwasanna Allataala kuwammengngi mutarimai asalamakeng iya sadiyaénna ripannessa ri ahéra' matti.