ANGIMANGENG 26:45 - KITTA KAREBA MADECENG

⁴⁵ Maéloka pakabarui assijancing iya Uwébbué sibawa toriyolona mennang, wettukku Uwappaitang akuwasak-Ku lao risininna bangsaé sibawa tiwii umma'-Ku massu polé ri Maséré, kuwammengngi Iyya, Puwang, mancaji Allataalana mennang.”

ANGIMANGENG 26:45 ပူးပေါင်းရင်းမြစ်များ

KAJAJIYANG 12:2

Maélo-Ka mpérékko wija iya maégaé sibawa mancajiwi matu bangsa iya battowaé. Maélo-Ka barakkakiko sibawa mébbui asemmu tarompo, angkammu mancaji matu barakka.

KAJAJIYANG 15:18

Iyatonaro wettué napakangka Puwangnge assijancing sibawa Abram. Adanna Puwangnge, “Majjanci-Ka maélo mpéréngngi wija-wijammu sininna tanaéwé, mappammulai polé ri pakkasésénna wanuwa Maséré lettu ri Salo Efrat,

KAJAJIYANG 26:24

Iyaro wennié nappaitanni aléna Puwangnge lao ri aléna sibawa makkeda, “Iyya'na Allataalana ambo'mu Abraham. Aja' mumétau; Iyya linrungiko. Maélo-Ka barakkakiko sibawa mpérékko wija-wijanna iya maégaé nasaba jancik-Ku lao ri atak-Ku Abraham.”

KAJAJIYANG 28:15

Engngerangngi, maélo-Ka tulukko sibawa linrungiko, kégi-kégiko lao, sibawa maélo-Ka tiwiko lisu ri wanuwaéwé. Dé' Umaélo salaiko narapi pura Upogau' sininna aga iya Uwajjanciyangngé lao ri iko.”

KAJAJIYANG 9:15

Uwéngngerangngi matu jancik-Ku lao ri iko sibawa lao risininna mahlu' tuwoé, iyanaritu makkedaé lémpe'é dé'na matu napabbinasai sininna iya tuwoé.

MAZMUR 106:45

Nasaba mennang Naéngngerangngi matu assijancin-Na sibawa napojiwi mennang nasaba pammasé-Na iya battowaé.

ASSURENG 2:24

Nariyéngkalingana mennang ri Allataala, sibawa naéngngeranni assijancin-Na sibawa Abraham, Ishak sibawa Yakub.

ASSURENG 20:2

“Iyya'na Puwang Allataalamu iya tiwiékko massu polé ri Maséré onrommu ripowata.

ASSURENG 6:6

Upancajiko matu umma'-Ku, na Iyya mancaji Allataalamu. Namuwissengngi matu makkedaé Iyya'naé Puwang, Allataalamu, iya paleppe'ékko polé ri angatangengngé ri Maséré.

ASSURENG 6:8

Iya manennaro pasenna Puwangnge napalettu'i Musa lao ri bangsa Israélié, iyakiya dé' namaélo mennang bati-batiwi Musa, nasaba angatangeng iya mabecco'éro pura mébbui mennang pettu paddennuwang.

YEHEZKIEL 20:14

Iyakiya dé' Upogau'i nasaba alebbirenna asek-Ku, kuwammengngi aja' naripakatuna asek-Ku ri bangsa-bangsa iya mitaék-Ka tiwii Israélié massu polé ri Maséré.

YEHEZKIEL 20:22

Iyakiya dé' Upogau'i kuwammengngi aja' naripakatuna asek-Ku ri bangsa-bangsa iya mitaék-Ka tiwii Israélié massu polé ri Maséré.

YEHEZKIEL 20:9

Iyakiya dé' Upogau'i, kuwammengngi aja' naripakatuna asek-Ku ri bangsa-bangsaé ri onronna mennang engka. Saba' ri yolona bangsa-bangsaéro, purani Uwappallebbangeng makkedaé Utiwii matu bangsa Israélié massu polé ri Maséré.

ANGIMANGENG 11:45

Iyya'na Puwang iya tiwiékko massu polé ri Maséré, kuwammengngi weddikka mancaji Allataalamu. Sitinajako mapaccing, nasaba mapaccikka.

ANGIMANGENG 22:33

Utiwiko massu polé ri Maséré, kuwammengngi Umancaji Allataalamu. Iyya'na Puwang.”

ANGIMANGENG 25:38

Iyanaro paréntana Puwang Allataalamu, iya puraé tiwiko massu polé ri Maséré untu' mabbéréyangngi wanuwa Kanaan lao ri iko, kuwammengngi Namancaji Allataalamu.

ROMA 11:12

Nasaba pasalai bangsa Yahudié sibawa dé' naturusiwi élona Allataala, naribarakkaki bangsa-bangsa laingngé ri Allataala. Apalagi rékko assisumpungenna bangsa Yahudié sibawa Allataala madécéngngi paimeng; tentu lebbi battowa pasi barakka iya maéloé nabbéréyang Allataala!

ULANGENG 4:31

Puwang Allataalamu iyanaritu Allataala iya mamasé senna'é. Dé' matu nasalaiko iyaré'ga pabbinasako, iyaré'ga mallupaiwi assijancing iya naébbué sibawa toriyolomu.

ULANGENG 9:27

Engngerangngi ata-atam-Mu Abraham, Ishak sibawa Yakub, sibawa aja' Mujampangiwi sipa' matedde atinna, jana sibawa dosana bangsaéwé.