ANGIMANGENG 26:44 - KITTA KAREBA MADECENG

⁴⁴ Iyakiya ri wetu engkana mupa mennang ri wanuwanna balié, dé' Usalaiwi mennang iyaré'ga Upabbinasa sisengngi. Saba' rékko Upabbinasai mennang, bettuwanna Upettuini assijancik-Ku sibawa mennang, padahal Iyya'na Puwang, Allataalana mennang.

ANGIMANGENG 26:44 ပူးပေါင်းရင်းမြစ်များ

KAJAJIYANG 17:7

Maélo-Ka rupaiwi jancik-Ku lao ri iko sibawa lao ri wija-wijammu, massossoreng, na iyaro assijancik-Ku mannennungengngi. Maélo-Ka mancaji Allataalamu sibawa Allataalana wija-wijammu.

2 ARUNG-NGARUNG 13:23

Iyakiya mamaséi Puwangnge ri umma'-Na sibawa maddampengengngi mennang. Dé' namaélo leppessangngi mennang ripaccappu sangadinna tulungngi mennang, nasaba assijancingen-Na sibawa Abraham, Ishak sibawa Yakub. Lettu makkekkuwangngé dé' naengka nallupaiwi umma'-Na.

NEHEMIA 9:17

Dé' namapato mennang, sininna akessingem-Mu nallupaiwi, sibawa sininna pangkaukem-Mu makalallaingngé teddéngngi polé ri paréngngeranna. Nasibawang atempong piléi mennang séddi ketua, untu' tiwii mennang ri Maséré, lisui mancaji ata. Iyakiya Iko Allataala iya pojiyéngngi maddampeng, malampé asabbarakeng, masémpo ati sibawa penno pammasé. Pammasé-Mu dé' padanna; dé' Musalaiwi mennang.

NEHEMIA 9:31

Iyakiya nasaba battowai pammasé-Mu dé' padanna, dé' Musalaiwi iyaré'ga Muancuru'i mennang. Mémeng, Ikonaritu Allataala iya dé'é bandinganna; battowai pammasé pappojim-Mu, pennoi paressé babuwa!

MAZMUR 103:13

Pada-pada séddié ambo' mamaséiwi ana'-ana'na, makkuwaniro Puwangnge mamaséiwi tau iya mateppe'é.

MAZMUR 89:33

Uhukkungngi mennang sibawa cambu nasaba pelanggaranna, sibawa Upateppai abalaé nasaba dosa-dosana.

MAZMUR 94:14

Saba' dé' nasalaiwi Puwangnge umma'-Na; dé' najampaléllériwi matu appunnangeng mana-Na.

YEREMIA 14:21

Engngerangngi jancim-Mu, aja' tapakatunaki; assijancim-Mu sibawa Iko aja' Murusa'i. Yérusalém onrong kadéra arajam-Mu iya malebbié, aja' Mupakatunai.

YEREMIA 24:5

“Sining tau iya puraé Uleppessang ritiwi lao ri Babél-éro Uwakkai pada-pada buwa ara iya makessingngéwé; rimakkuwannanaro Iyya, Puwang, Allataalana Israélié, gaukengngi matu mennang sibawa makessing.

YEREMIA 30:11

Poléka matu sibawa Upassalama'ko matu. Bangsa-bangsa, onrommu Upassara-sarang Upaccappu manengngi matu, iyakiya iko dé' Ugaukengngi makkuwaro. Mémeng dé' muleppe matu polé ri pahukkungengngé iyakiya pahukkungek-Ku lao ri iko iyanaritu adélé'i situru sibawa attentuwangngé. Iyya, Puwang, pura mabbicara.”

YEREMIA 31:20

Israél, iko ana' uwélorik-Ku, ana' upojiyé, buwa atik-Ku. Sises-siseng Uwancakko tuli Uwéngngerakko sibawa muddani. Ugaukekko matu sibawa penno paressé babuwa.

YEREMIA 33:26

makkuwatoniro tette'-Ka matu makkatenningngi assijancik-Ku sibawa wija-wijanna Yakub nenniya atak-Ku Daud. Séddi polé ri wijanna Daud Upilé matu untu' paréntai wija-wijanna Abraham, Ishak, sibawa Yakub. Maressé babuwa-Ka matu lao ri umma'-Ku, sibawa mébbui madécéng paimeng.”

YEHEZKIEL 16:60

Iyakiya Uwéngngerangngi matu assijancing iya puraé Uwébbu silaong iko ri wettu malolomu sibawa mébbu assijancing sibawa iko iya takkennaé lettu mannennungeng.

ANGIMANGENG 26:11

Maélo-Ka monro ri yelle'mu ri laleng Kéma-Ku, sibawa dé' usampéyakko matu.

ROMA 11:2

Dé'! Dé' nabbéyangngi umma'na Allataala iya puraé Napilé mappammulai pammulanna. Naisseng Saudara-saudara aga taroki ri laleng Kitta'é passalenna Elia, wettunna napparapekeng passalenna Israélié lao ri Allataala. Makkedai Elia,

ROMA 11:26

Makkuwaniro sininna tau Yahudié salama'i matu. Saba' ri laleng Kitta'é tarokii makkuwaé, “Arung Pappassalama'é poléi matu ri Sion; naleddai matu sininna ja polé ri wija-wijanna Yakub.

HAKING-HAKING 2:1

Laoni malaéka'na Puwangnge ri Bokim polé ri Gilgal sibawa makkeda lao risining tau Israélié, “Purani Upassuko polé ri Maséré, sibawa tiwiko ri wanuwa iya puraé Ujanciyangngi néné-nénému. Pura Upowada towi, ‘Assitarong janci ri yelle'ta Iyya sibawa iko dé' Umaélo pettuiwi.