ANGIMANGENG 26:41 - KITTA KAREBA MADECENG

⁴¹ angkak-Ku tinda'ka méwai mennang sibawa rukkai mennang ri laleng appalirengngé ri wanuwanna sining balinna mennang. Accappurenna, rékko tunru'ni wija-wijammu sibawa purana napéneddingi pahukkungengngé nasaba dosa sibawa ronta'na mennang,

ANGIMANGENG 26:41 ပူးပေါင်းရင်းမြစ်များ

1 ARUNG-NGARUNG 21:29

“Puraniga muwita pékkugi Ahab pakariyawai aléna ri yolo-Ku? Rimakkuwannanaro, dé' Umaélo papoléi abalaé ri wettu tuwona mupa. Wettunnapa ana'na nainappa Upapolé iyaro abalaé ri yasé'na kaluwargana.”

2 TAWARIKH 12:12

Nasaba napakariyawai aléna arungngé ri yolona Puwangnge, kuwaéttopa nasaba engka mupa gau'-gau' iya makessingngé ri Yéhuda, nasorona caina Puwangnge lao ri Réhabéam sibawa dé' napabbinasa sisengngi.

2 TAWARIKH 32:26

Iyakiya paccappurenna Hizkia sibawa sining tau Yérusaléngngé pakariyawai aléna, na sipongenna tuwo mupi Hizkia iyaro pahukkungengngé dé'pa napajoppai.

2 TAWARIKH 33:19

Ri laleng kitta Sejarana Nabi-nabié pura toni riyoki sempajanna Manasyé sibawa pappébalinna Allataala lao ri sempajannaro, enrengngé curita passalenna dosa-dosana ri wettu dé'napa natoba', sining onrong assompang barahalaé sibawa dato'-dato'na Déwi Asyéra iya naébbué, nenniya sining barahala iya nasompaé.

2 TAWARIKH 33:23

Iyakiya silaingengngi sibawa ambo'na, Amon dé' napakariyawai aléna sibawa dé' nalisu lao ri Puwangnge; mala lebbi madosai naiya ambo'na.

EZRA 9:13

Madosani sibawa riyajjalékkai hukkum-Mu, sibawa purani' Muhukkung. Iyakiya riissengngi, oh Allataala, makkedaé pahukkungeng iya Muwabbéréyangngéro dé' nasittane iya sipato'é ritarima, mala Mupassalama mupi.

EZRA 9:15

Puwang, Allataalana Israélié, adélé'-Ko, namuni makkuwaro muleppessakki tuwo. Riyangakuiwi asalatta ri Iko; dé'gaga ha'ta untu' mangolo ri yolomu.”

NEHEMIA 9:33

Adélé'i tindakam-Mu, Muhukkukki iya madosaé; tette'-Ko matinulu namuni pennoki akurangeng.

MAZMUR 39:9

Paleppe'ka polé ri sininna dosaku, aja' taleppessakka mancaji akkéllé-kéllékenna tau madonggoé.

ASSURENG 10:3

Nanalaona Musa sibawa Harun mangolo ri arungngé sibawa makkeda lao ri aléna, “Makkedai Puwang, Allataalana bangsa Ibranié, ‘Gangka kégiko dé' mumaélo tunru lao ri Iyya? Leppessangngi umma'-Ku lao, kuwammengngi weddingngi mennang massompa ri Iyya.

YEREMIA 4:4

Akkatenningngi jancimmu sibawa Iyya, Puwang-mu, sibawa pallaingngi alému untu' Iyya, éh pabbanuwana Yéhuda sibawa Yérusalém. Rékko dé', mallumpai matu cai-Ku sibawa patunui pada-pada api iya dé'é nariyullé peddéi muwi niga. Iya manennaro nakennai matu alému nasaba sining pangkaukemmu iya majaé.”

YEREMIA 6:10

Umappébali, “Puwang, niga harusu uwéwa mabbicara, sibawa niga harusu uparéngngerangi? Matedde atiwi mennang sibawa dé' namaélo jampangiwi. Nacawa-cawaiwi sibawa nacéccéi mennang pasem-Mu iya upalettu'é lao ri mennang.

YEHEZKIEL 14:23

Namuwajeppui towi matu makkedaé sininna tindakak-Kuro mappunnaiwi alasang. Iyya Puwang Iya Pommatanré pura mabbicara.”

YEHEZKIEL 20:43

Muwéngngeranni matu kuwaro sininna pangkaukeng mappakaciddi-ciddi iya puraé panajisi'i alému. Namaja matu péneddimmu méngngerangngi sininna jaéro.

YEHEZKIEL 44:7

Purai mennang nacarépai Bola-Ku, saba' wettunna riyakkasuwiyangeng lunra sibawa dara akkarobangengngé lao ri Iyya, napalaloi mennang muttama ri lalenna sining tau laing iya dé'é narisunna, sibawa iya dé'é naturusi-Ka. Nasibawang sining pangkaukenna mennang iya mappakaciddi-ciddi'éro, purani mennang najjalékkai assijancik-Ku sibawa mennang.

YEHEZKIEL 44:9

Iyya, Puwang Iya Pommatanré, mappallebbangengngi makkedaé tau laing iya dé'é narisunna sibawa tau iya dé'é namapato lao ri Iyya, dé' naripalalo muttama ri Bola-Ku. Iyaro takkennai towi untu' tau laing iya monro mattette'é ri tengnga-tengngana bangsa Israélié.”

YEHEZKIEL 6:9

kuwaniro mennang tuwo ri laleng appalirengngé. Nainappa naéngngerak-Ka matu mennang enrengngé najeppuinna makkedaé Iyya pahukkung sibawa pakatunai mennang saba' atinna mennang dé' namatinulu lao ri Iyya. Nasalaina mennang sibawa piléi barahalaé selaku passullé-Ku. Nainappa majai matu pappéneddinna mennang lao ri aléna muto mennang nasaba sininna ja sibawa atunang iya puraé napogau' mennang.

ANGIMANGENG 26:24

Maélo-Ka majara'ko sibawa hukkukko wékkapitu lebbi tane naiya pura labe'é.

ANGIMANGENG 26:28

nasibawang cai maélo-Ka majara'ko, sibawa hukkukko wékkapitu lebbi tane naiya labe'é.

ABBILANGENG 5:7

iyaro tauwé harusu'i nangakui dosana enrengngé mpajai paccéra'na sibawa sukku, ritambai duwappulo paresséng, lao ri tau iya naparogiyé.

MATIUS 23:12

Tau iya pakatanréngngi aléna ripakariyawai matu, na tau iya pakariyawaéngngi aléna ripakatanréi matu.”

LUKAS 14:11

Saba' tungke' tau iya pakatanréngngi aléna ripakariyawai matu, iyakiya iya pakariyawaéngngi aléna ripakatanréi matu.”

LUKAS 18:14

Nakkeda Yésus, “Ateppe'no, wettunna lisu ri bolaé, iyaro passinge' simaé ritarimai ri Allataala na tenniya iyaro tau Farisié. Saba' tungke' tau iya pakatanréngngi aléna ripakariyawai matu; natungke tau iya pakariyawaéngngi aléna ripakatanréi matu.”

RIWAYA'NA RASUL-RASUL-E 7:51

Tenniya culé-culé tedde' atinna Saudara-saudara sibawa watanna matinulu ri Allataala! Mataru-taru senna' daucculimmu lao ri ada-adanna Allataala! Pada tokko sibawa néné-nénéna; tuli méwai Rohna Allataala!

GALATIA 5:6

Saba' rékko masséddini sibawa Kristus Yésus, passaleng turusiwi iyaré'ga temmaccowériwi peraturanna sunna'é dé'na nancaji soal. Iya pentingngé banna teppe' lao ri Kristus, na iyaro manessai ri laleng pammaséta lao ri tau laingngé.

ULANGENG 10:16

Jaji mappammulai makkekkuwangngé harusu'ko mapato ri Puwangnge sibawa aja'na mumatedde atisi.

ULANGENG 30:6

Iko sibawa wija-wijammu riwéréng matu ati iya mapatoé, angkanna muéloriwi Puwang Allataalamu sibawa sukku atimmu namulléi matteru monro ri wanuwaéro.

ULANGENG 31:21

sibawa maéga abala masero kennai matu mennang. Iyakiya iyaé élongngé tette'i ripuwélong nenniya ripaké selaku asabbiyang lao ri mennang. Mala makkekkuwangngé, ri wettu dé'napa Utiwii mennang ri wanuwa iya Uwajjanciyangngé, Uwisseng pikkiranna mennang.”

FILIPI 3:3

Padahal idi'na ritu sining tau iya puraé tarimai sunna iya tongengngé, tenniya mennang. Risompai Allataala sibawa pappimpinna muto Rohna Allataala, na sukkuru'ki nasaba tuwoki masséddi sibawa Kristus Yésus. Dé' tataggattung ri upacara-upacara iya mallahérengngé.

KOLOSE 2:11

Nasaba masséddiko sibawa Kristus, napura risunna'ko, tenniya sunna iya naébbué tolinoé, sangadinna sunna iya naébbué Kristus, iya paleppe'ékko polé ri akuwasanna sipa'-sipa' iya madosaé.