ANGIMANGENG 26:40 - KITTA KAREBA MADECENG

⁴⁰ Iyakiya nangakuiwi matu wija-wijammu dosana mennang sibawa dosana néné-nénéna iya puraé méwa-Ka sibawa maronta lao ri Iyya,

ANGIMANGENG 26:40 ပူးပေါင်းရင်းမြစ်များ

1 ARUNG-NGARUNG 8:47

tennapodo Muwéngkalingai sempajanna mennang. Rékko ri wanuwaéro nasalaiwi dosa-dosana, sibawa massempajang lao ri Iko nanangakui towi makkedaé madosani mennang sibawa pogau'i majaé, éngkalingai sempajanna, oh Puwang.

1 ARUNG-NGARUNG 8:48

Rékko ri wanuwaéro macenningngi sibawa mattonget-tongengngi mennang salaiwi dosa-dosana, namassempajang lao ri Iko namangoloto ri wanuwaéwé iya Muwéréngngéngngi toriyolota, mattuju ri kota Mupilé sibawa bola assompang iya puraé upatettongek-Koé,

EZRA 10:11

Rimakkuwannanaro, angakuini dosamu lao ri Puwangnge, Allataala iya nasompaé néné-nénéta, sibawa pogau'ni aga iya pésennangiyéngngi atin-Na. Abélaiwi tau laing iya monroé ri wanuwatta sibawa paddésu'ni sining bainému polé ri bangsa laingngéro.”

EZRA 9:15

Puwang, Allataalana Israélié, adélé'-Ko, namuni makkuwaro muleppessakki tuwo. Riyangakuiwi asalatta ri Iko; dé'gaga ha'ta untu' mangolo ri yolomu.”

EZRA 9:6

Makkedaka, “Oh Allataalaku, masirika makkai ulukku ri yolo-Mu. Maggopponi dosata ri tompo ulutta angkanna nagéssa langié.

MAZMUR 32:5

Nainappa uwangakui dosaku lao ri Iko, dé'gaga usubbu asalakku. Upettuini untu' mangakuiwi lao ri Iko, sibawa Muwaddampengengngi sininna dosaku.

AMSAL 28:13

Niga subbui dosana dé' nasaro matu. Niga mangakuiwi sibawa salaiwi, riyamaséiwi matu ri Puwangnge.

YEREMIA 14:20

Puwang, lao ri Iko bawang puraki madosa. Riyakuiwi dosata muto sibawa dosana toriyolota.

AWATINGENG 1:20

Oh Puwang! Pénessaika, manennengngi atikku sibawa kacau, ancuru'i nasaba adorakakku riyolo. Engka abbunowang risining lalengngé, ri lalempolaé engka amaténg.

YEHEZKIEL 14:23

Namuwajeppui towi matu makkedaé sininna tindakak-Kuro mappunnaiwi alasang. Iyya Puwang Iya Pommatanré pura mabbicara.”

YEHEZKIEL 36:31

Maréngngerakko matu lao ri ampé-ampému iya majaé sibawa tindakammu iya dé'é nasitinajaro, nainappako mancaji maciddi ri alému muto nasaba dosa-dosamu sibawa atunammuro.

HOSEA 5:15

Usalaiwi matu umma'-Ku narapi mennang genne anrasa-rasanna nasaba dosa-dosana, nanapolé sappa-Ka. Naullé ri laleng anrasa-rasanna, makkuragai matu mennang runtu'-Ka.”

ANGIMANGENG 26:21

Rékko matteru mupo méwa-Ka sibawa dé' mumaélo mapato lao ri Iyya, maélo-Ka tambaiwi pahukkungek-Ku leppi wékkapitu.

ANGIMANGENG 26:24

Maélo-Ka majara'ko sibawa hukkukko wékkapitu lebbi tane naiya pura labe'é.

ANGIMANGENG 5:5

Ri laleng tungke' parakaraéro, tau iya pasalaé harusu'i mangakuiwi asalanna.

ABBILANGENG 5:7

iyaro tauwé harusu'i nangakui dosana enrengngé mpajai paccéra'na sibawa sukku, ritambai duwappulo paresséng, lao ri tau iya naparogiyé.

YOSUA 22:15

Nalettu'na mennang ri onronna suku Rubén, Gad sibawa suku Manasyé ri daéra Giléad.

YOSUA 7:19

Nakkeda Yosua lao ri Akhan, “Ana'ku, akuini sibawa powadani terus terang kuwaé ri yolona Puwangnge, Allataalana Israélié, aga pura mupogau'. Paissengika, aja' musubbui.”