ANGIMANGENG 26:4 - KITTA KAREBA MADECENG

⁴ maélo-Ka pateppai bosié ri wettunna, angkanna mabbéréi wassélé tanaé sibawa mabbuwai ajukajungngé.

ANGIMANGENG 26:4 ပူးပေါင်းရင်းမြစ်များ

1 ARUNG-NGARUNG 17:1

Engka séddi nabi riyaseng Elia. Assalenna poléi ri Tisbe, séddiwi kota polé ri daéra Giléad. Riséuwaé esso laowi ri Arung Ahab sibawa makkeda, “Nasabbing Puwang iya tuwoé, Allataala iya nasompaé tau Israélié sibawa iya utumaningiyé, upaissengiwi Puwang makkedaé ri lalenna duwa iyaré'ga telluttaung mangoloéwé dé'e gaga matu cinoddo iyaré'ga bosi muwi céddé, sangadinna rékko iyya powadai.”

AYUB 5:10

Napanonnoi bosié ri yasé'na tanaé, angkanna dare'é sibawa padangngé marica nabolo.

MAZMUR 104:13

Mupateppai bosié ri bulué polé ri langié, pennoi linoé sibawa wassélé ébbu-Mu.

MAZMUR 67:6

Tennapodo bangsa-bangsaé poji-Ko, oh Puwang tennapodo sininna bangsaé sukkuru'i lao ri Iko.

MAZMUR 67:7

Purani nabbéréyang wassélé'na tanaé, Allataala, Allataalata pura barakkakiki.

MAZMUR 68:9

ténré linoé, tattiri bosié ri yolo-Mu, nasaba apolénna Allataalana Sinai, Allataalana Israélié.

MAZMUR 85:12

Atinulurenna tolinoé tuwoi matu polé ri linoé, sibawa adélékenna Allataala célléngngi polé ri langié.

MAZMUR 85:13

Puwangnge mabbéréyangngi iya makessingngé, na tanata mabbéréi matu wassélé.

YESAYA 30:23

Rékko mampoko biné, kiringngi matu Puwangnge bosi kuwammengngi natuwo matu iyaro biné sibawa powassélé éngngalang iya maonaé. Untu' Olokolo'mu tassadiyai matu padang wella iya malowangngé.

YESAYA 5:6

Uleppessangngi matu natuwoi tanet-taneng liya. Pong anggoro'na dé' matu Ulébongngi, sibawa dé' matu Ubajaiwi. Mala Uleppessangngi natongko alekale maddori sibawa wella, mala Uwattéyang ellungngé pateppai bosié ri yasé'na.”

YEREMIA 14:22

Déwata-déwatana bangsa-bangsaé dé' naulléi pateppa bosi ri linoé. Muwi langié dé'to nawedding tiri'i bosié sibawa akuwasanna muto. Banna Iko ritu amménasatta. Iko mébbui sininnaro kajajiyang.

YEHEZKIEL 36:30

Utambaiwi matu acommokenna pong buwa-buwamu sibawa wassélé'na sining dare'mu, angkanna dé'na matu mupéneddingiwi wettu akkadérengngé iya solangiyéngngi asemmu ri yelle'na bangsa-bangsaé.

YOEL 2:22

Eh sining olokolo, aja' mubata-bata. Manyilani makkekkuwangngé sining padang wellaé. Sara'ni mabbuwa ajukajungngé, buwa anggoro'é sibawa araé maonani.

ANGIMANGENG 25:19

Tanana wanuwaéro nabbéréyangngi matu wassélé'na angkanna mappunnaiko inanré iya genne'é enrengngé monro kuwaro sibawa saléwangeng.

ANGIMANGENG 25:21

Ri laleng taung maennengngé nabarakkakiwi matu Puwangnge tanaé angkanna wassélé'na genne'i untu' tellut-taung.

ZAKHARIA 8:12

Mampoi matu biné sibawa damé. Mabbuwai matu sining pong anggoro'na mennang, mabbéréi matu wassélé tanaé, sibawa teppai matu bosié sibawa maona. Sininna barakka'éro Uwabbéréyangngi lao risining tau iya tuwoé mupa polé ri bangsaéwé.

MATIUS 5:45

kuwammengngi mumancaji ana'-ana'na Ambo'mu ri surugaé. Saba' napaompoi Allataala mata esso-Na untu' tau makessingngé sibawa untu' tau iya majaétto. Napateppai bosinna untu' tau iya pogau'é atongengeng sibawa untu' tau iya pogau'é majaé.

RIWAYA'NA RASUL-RASUL-E 14:17

Iyakiya dé' Nallupaiwi mpéréngngi butti-butti passalenna Aléna, iyanaritu pogau' décéng. Nawérékko bosi polé ri langié sibawa wassélé tana ri wettunna. Nawérékko anré sibawa napésennangiwi atimmu.”

ULANGENG 11:13

Jaji turusiwi parénta-parénta iya upalettukengngékko essoéwé; éloriwi Puwang Allataalamu sibawa massompa ri Aléna sibawa sukku tubu nyawamu.

ULANGENG 11:14

Rékko mupogau'i makkuwaéro, napateppai matu Puwangnge bosié ri yasé'na tanamu ri wettunna, puramuna méngngala, sibawa wettummu mappammula mattaneng. Namuwappunnai matu genne gandong, anggoro sibawa minnya zaitun,

ULANGENG 28:12

Napateppai matu Puwangnge bosié ri wettunna polé ri onrong attaronna iya maonaé ri langié. Nabarakkakiwi matu sininna usahamu, angkanna weddikko mappainreng lao ri maéga bangsa, iyakiya iko dé' naparelluko minreng.

YAKOBUS 5:7

Rimakkuwannanaro, sabbara'ki Saudara-saudaraku, narapi polé Puwangngé. Itai pékkugi sabbara'na séddié patani tajengngi narapi tanana mabbéré wassélé' iya engkaé angke'na ri aléna. Nasibawang asabbarakeng natajengngi bosié wettu maddununa daud-daungngé sibawa bosi wettu mpungana aju-kajungngé.

WAHYU 11:6

Mappunnaiwi mennang akuwasang untu' tongkoi langié kuwammengngi aja' nateppa bosié ri wettu nappallebbangenna mennang biritta polé ri Allataala. Mappunnai towi akuwasang ri sininna mata uwai, untu' pinrai uwai mancaji dara. Sibawa mappunnai towi mennang akuwasang untu' munrui linoé sibawa sininna rupanna abalaé, uppa-uppanna mennang maéloi pogau'i.