ANGIMANGENG 26:39 - KITTA KAREBA MADECENG

³⁹ Céddé bawang iya polé ri iko iya tuwoé mupa ri wanuwanna balimmu maddarékéi matu nasaba dosamu muto sibawa dosana toriyolomu.

ANGIMANGENG 26:39 ပူးပေါင်းရင်းမြစ်များ

2 TAWARIKH 34:24

‘Maélo-Ka hukkungngi Yérusalém sibawa sininna pabbanuwana sibawa tanro iya tarokié ri laleng kittaéro iya ribacangengngéngngi arungngé.

EZRA 9:7

Mappammulai toriyolota lettu makkekkuwangngé, idi umma'-Mu madosaki lao ri Iko. Iyanaro saba'na idi, sining arungngé enrengngé sining imatta ricaui risining arung laingngé. Riyunoki, rirampo sibawa ritiwi selaku tawangeng. Purani' ripakatuna temmappettu, pada-pada keadaanna essoéwé.

NEHEMIA 1:9

Iyakiya rékko lisuki paimeng ri Iko sibawa turusiwi sining parénta-Mu, idi iya tassiya-siyaénnaro Mupaddeppungekki matu paimeng, namuni engkaki ri cappa-cappa linoé. Nainappa Mupalisuki matu ri onrong iya puraé Mupilé untu' mancaji onrong massompa lao ri Iko.

ASSURENG 20:5

Aja' musompai dato'-dato' makkuwaéro, nasaba Iyya'na Puwang Allataalamu, na dé' umaélo ripappada-padai sibawa muwi aga. Sining tau iya benciyék-Ku, Uhukkungngi lettu ri wija matellué sibawa maeppaé.

ASSURENG 34:7

Tette'-Ka mamaséiwi massebbu-sebbu assossoreng sibawa maddampengengngi asalangngé sibawa dosaé; iyakiya tau pasalaé dé' sises-siseng Upaleppe'i polé ri pahukkungenna, sibawa Uhukkung towi ana'-ana'é sibawa eppo-eppoé lettu ri assossoreng iya matellué sibawa maeppaé nasaba dosana tomatowanna mennang.”

YESAYA 14:21

Abbunowangngé masitta'i ripammulai! Matéi matu ana'-ana' worowanému sibawa makkunraié nasaba dosana toriyolona mennang. Dé' muwi séddi tau polé ri mennang mapparénta matu ri linoé iyaré'ga patettong kota-kota.”

YESAYA 24:16

Polé ri cappa linoé riyéngkalingai élong pappojiyangngé untu' Israélié, bangsa iya mapatoé. Iyakiya cilakana iyya! Makkanrodokka! Pabbali'bella'é matteru mupi bali'bella, mala pédé bali'bellai mennang.

YEREMIA 29:12

Naméllau tulukko matu ri Iyya. Poléko matu untu' massempajang ri Iyya, na-Ubaliwi matu sempajammu.

YEREMIA 3:25

Jaji, leppessanni idi tanggungngi sirié, sibawa leppessanni mancaji matuna. Saba', idi sibawa toriyolota madosani lao ri Puwang Allataalata, sibawa dé' naengka naturu lao ri parénta-parénta-Na.”

YEREMIA 31:29

Iyaro wettué dé'na nakkeda matu tauwé, ‘Tomatowaé manré buwa iya makeccié, isinna ana'na mangélu,’

AWATINGENG 1:3

Nasalaini wanuwanna pabbanuwana Yéhuda, nasaba ripowatai sibawa manrasa-rasa senna'i. Monroni makkekkuwangngé ri yelle'na bangsa-bangsaé temmappunnai onrong iya mabbéré adaméngeng. Rikeppungngi mennang ri balié wettunna mennang manrasa-rasa.

AWATINGENG 4:9

Manrasa-rasai mennang sibawa maté taccéddé-céddé, nasaba dé' sises-siseng nappunnai inanré; iya maté ri ammusurengngé, lebbi maupe'i naiya maté alupureng.

YEHEZKIEL 18:19

Iyakiya naullé engka tau makkutana magi na iyaro ana'é dé' naccowé tanggungngi addimonrinna dosa-dosana ambo'na. Pappébalinna iyanaritu, nasaba iyaro ana'é makessingngi sibawa malempui. Naturusiwi hukkung-hukkuk-Ku sibawa pogau'i sibawa matinulu, natette'i tuwo.

YEHEZKIEL 20:43

Muwéngngeranni matu kuwaro sininna pangkaukeng mappakaciddi-ciddi iya puraé panajisi'i alému. Namaja matu péneddimmu méngngerangngi sininna jaéro.

YEHEZKIEL 24:23

Dé' mujoppa matu teppaké pattutu ulu iyaré'ga pallapi ajé, dé' nawating iyaré'ga teri. Pédé maddoko-rokoko matu nasaba dosa-dosamu; maddarékéko matu séddié lao ri laingngé.

YEHEZKIEL 33:10

Makkedai Puwangnge lao ri iyya, “Eh tolino dé'é namannenungeng, pakkolingngi lao ri tau Israélié adanna mennangngé, ‘Maddéké-rékéki nasaba ripatiwiriki dosa sibawa jata. Pékkugiki wedding tuwo?’

YEHEZKIEL 36:31

Maréngngerakko matu lao ri ampé-ampému iya majaé sibawa tindakammu iya dé'é nasitinajaro, nainappako mancaji maciddi ri alému muto nasaba dosa-dosamu sibawa atunammuro.

YEHEZKIEL 4:17

Pettu paddennuwangngi matu mennang nasaba acappurenni roti sibawa uwai, na angkanna matéi nasaba dosa-dosana mennang.”

YEHEZKIEL 6:9

kuwaniro mennang tuwo ri laleng appalirengngé. Nainappa naéngngerak-Ka matu mennang enrengngé najeppuinna makkedaé Iyya pahukkung sibawa pakatunai mennang saba' atinna mennang dé' namatinulu lao ri Iyya. Nasalaina mennang sibawa piléi barahalaé selaku passullé-Ku. Nainappa majai matu pappéneddinna mennang lao ri aléna muto mennang nasaba sininna ja sibawa atunang iya puraé napogau' mennang.

HOSEA 5:15

Usalaiwi matu umma'-Ku narapi mennang genne anrasa-rasanna nasaba dosa-dosana, nanapolé sappa-Ka. Naullé ri laleng anrasa-rasanna, makkuragai matu mennang runtu'-Ka.”

ZAKHARIA 10:9

Namuni Upassanrai mennang lao ri tengnga-tengngana bangsa-bangsaé, tette'-Ka matu naéngngerang mennang kuwaro. Salama'i matu mennang, makkuwatoro ana'-ana'na sibawa silaong matu lisu ri wanuwanna.

ABBILANGENG 14:18

‘Iyya, Puwang, dé' namasitta macai. Uwappaitangngi pammasé-Ku nenniya atinulurek-Ku sibawa maona. Uwaddampengengngi tau iya madosaé sibawa iya méwaékka. Namuni makkuwaro, asalanna tomatowaé Uwakkabalekengngi matu lao ri ana'-ana'na nenniya eppo-eppona, lettu ri wija-wijanna matellué sibawa maeppaé.’

ULANGENG 28:65

Ri yelle'na bangsa-bangsaéro dé' mulolongeng matu atennangeng, sibawa dé'to gaga onrong iya weddingngé muteppu appunnangemmu; Puwangnge mébbuko matu bata-bata senna sibawa pettu paddennuwang.

ULANGENG 30:1

“Makkekkuwangngé weddikko piléi ri yelle'na barakka'é sibawa tanroé pada-pada iya upakatajangengngékko. Rékko purani mupéneddingi sininna anrasa-rasangngéro sibawa tuwo ri yelle'na bangsa-bangsa laing onrommu ripassara-sarang ri Puwang Allataalamu, muwéngngeranni matu lao ri appiléng iya uwéréngngékko.

ULANGENG 5:9

Aja' musompai dato'-dato' makkuwaéro, nasaba Iyya Puwang Allataalamu na dé' umaélo ripappadai sibawa muwi aga. Sining tau iya benciyékka Uhukkungngi narapi ri wija-wijanna iya matellué sibawa maeppaé.

ULANGENG 8:20

Rékko dé' mumatinulu lao ri Puwang Allataalamu, Napaccappu tokko matu, pada-pada bangsa-bangsa iya Napaccappué ri yolona matammu.”