ANGIMANGENG 26:34 - KITTA KAREBA MADECENG

^34-35 Iyaro wettué wettummu engka ri laleng appaliremmu ri wanuwanna sining balimmu, tanamu iya dé'é muleppessangngi kullang wettummu monroiwi, kaboi matu sibawa lolongengngi wettu untu' kullang.

ANGIMANGENG 26:34 ပူးပေါင်းရင်းမြစ်များ

1 ARUNG-NGARUNG 8:46

Rékko madosai umma'-Mu lao ri Iko – sitongenna dé' muwi séddi tau iya dé'e namadosa – nainappa nasaba cai-Mu Muleppessangngi mennang ricau ri balié, sibawa ritiwi selaku tawangeng ri séddié wanuwa iya mabélaé iyaré'ga macawé'é,

2 TAWARIKH 36:21

Makkuwaniro kajajiyang aga iya napowadaé Puwangnge naolai Yérémia makkedaé iyaro wanuwaé makabuttui matu 70 taung ittana selaku passulléna taut-taung Saba' iya dé'é nabati-batiwi.

ANGIMANGENG 25:10

Harusu'ko pallaingngi taung iya malimappuloéro, sibawa mappallebbangengngi amaradékangngé lao ri sininna pabbanuwana wanuwaé. Ri lalenna taungngéro sininna waramparang iya puraé ribalu harusu'i ripalisu ri punnana iya mammulangngé iyaré'ga wija-wijanna. Niga ribalu selaku ata harusu'i ripalisu ri kaluwargana.

ANGIMANGENG 26:43

Iyakiya iyaro tanaé harusu'i lebbi riyolo napakullang pabbanuwana, kuwammengngi tonget-tongengngi weddingngi mappésau. Naharusu'i naola maneng umma'-Ku sininna pahukkungeng iya Upateppaé ri yasé'na mennang nasaba dé'é namaélo turusiwi sining peraturak-Ku sibawa sining parénta-Ku.