ANGIMANGENG 26:33 - KITTA KAREBA MADECENG

³³ Maélo-Ka paompo musu ri wanuwammu sibawa passara-sarakko ri wanuwa-wanuwa laingngé. Kaboi matu sining dare'mu, sibawa rileppessangngi kota-kotamu mancaji goppo ruttungeng.

ANGIMANGENG 26:33 ပူးပေါင်းရင်းမြစ်များ

1 ARUNG-NGARUNG 8:46

Rékko madosai umma'-Mu lao ri Iko – sitongenna dé' muwi séddi tau iya dé'e namadosa – nainappa nasaba cai-Mu Muleppessangngi mennang ricau ri balié, sibawa ritiwi selaku tawangeng ri séddié wanuwa iya mabélaé iyaré'ga macawé'é,

2 ARUNG-NGARUNG 25:9

Natununi Nébuzaradan Bolana Puwangnge, saorajana arungngé, sibawa bolana sininna tomariyoloé ri Yérusalém.

2 TAWARIKH 7:19

Iyakiya rékko iko sibawa ra'ya'mu majjalékkaiwi hukkung-hukkuk-Ku sibawa parénta-parénta-Ku, enrengngé massompa déwata-déwata laing,

NEHEMIA 1:3

Nacuritani mennang makkedaé sining tau puraé ripali iya lisuénna ri tana assalennaro, tuwoni makkekkuwangngé manrasa-rasa sibawa ripakatuna ri bangsa-bangsa laingngé iya engkaé ri seddéna. Nainappani, témbo-témbo'na kota Yérusalém ancuru mupi tassiya-siya sibawa pintu-pintu gerbanna dé'pa naripédécéngi sipongenna ritunu ri wettu labe'é.

NEHEMIA 1:8

Oh Puwang, éngngerangngi ada-adam-Mu iya napowadaé Musa nasaba parénta-Mu, makkedaé rékko idi, umma Israélié, dé' namatinulu lao ri Iko, maélo-Ko passara-sarakki ri yelle'na bangsa-bangsa laingngé.

ESTER 3:8

Namakkeda Haman lao ri arungngé, “Datu, engka séddi bangsa makalallaing iya tattale'é ri tungke' propinsi akkarungengngéwé. Ade abiyasanna silaingeng senna sibawa bangsa-bangsa laingngé. Dé' mennang naturusiwi hukkung-hukkunna akkarungengngé. Jaji, makessingengngi Datu aja' naleppessangngi mennang pogau'i siélo-élo atinna.

MAZMUR 106:27

Nabbéyangngi matu wija-wijanna mennang ri yelle'na bangsa-bangsaé sibawa passara-sarangngi ri wanuwa-wanuwa laingngé.

MAZMUR 44:11

Muleppessakki lari polé ri balitta, sibawa rampasa'i mennang waramparatta.

MAZMUR 44:12

Muleppessakki rigérési pada-pada bimbala'é, sibawa Mupassara-sarakki ri yelle'na bangsa-bangsaé.

YESAYA 1:7

Purani ripabbinasa wanuwammu; kota-kotamu ritunui gangka cappu. Ri yolona matammu nalai tau laingngé tanamu sibawa mancuru'i sini-sininnaé.

YESAYA 6:11

Makkutanaka, “Siyaga ittana iyaé keadaangngé matteru, Puwang?” Pappébalin-Na, “Narapi kota-kotaé mancaji ruttungeng dé'gaga monroiwi, sining bolaé dé' nariyonroina, sibawa tanaé mancaji kullang sibawa makabuttu,

YEREMIA 13:24

Maélo-Ka passara-sarakko matu pada-pada awangngé nairi anging polé ri padang kessi'é.

YEREMIA 15:4

Uwébbui matu sininna bangsaé ri linoé métau mitai mennang. Iya manennaro Upogau'i nasaba pangkaukenna Manasyé ana' worowanéna Hizkia ri Yérusalém wettunna mancaji arunna Yéhuda.”

YEREMIA 31:10

Makkedai Puwangnge, “Engkalingai éh bangsa-bangsa! Palettu'i pasek-Ku ri liweng tasi: Umma'-Ku iya puraé Upassara-sarang Upaddeppungengngi matu sibawa Upiyara pada-pada pakkampié monrowangngi bimbala'na.

YEREMIA 4:7

Pada-pada singaé massu polé ri assubbuwanna makkuwatoniro joppani pappaccappu bangsa-bangsaé iya polé maélo paccappui Yéhuda. Mancajiwi matu kota-kotana Yéhuda ruttungeng onrong iya dé'é naonroiwi tauwé.

YEREMIA 7:34

Iyaé wanuwaé mancajiwi matu padang makabuttu. Sadda marennu sibawa sadda mappésta abottingengngé Upappajai matu ri kota-kotana Yéhuda sibawa risining lalenna Yérusalém.

YEREMIA 8:3

Na sining tau iya tuwoé mupa polé ri bangsa iya majaéwé iya puraé Upatassiya-siya lao kégi-kégi lebbi napojiwi matu maté naiya tuwoé. Iyya, Puwang Iya Pommakuwasaé, pura mabbicara.”

YEREMIA 9:16

Upatassiya-siyai matu ri yelle'na bangsa-bangsa iya dé'é naissengngi mennang iyaré'ga toriyolona mennang. Matteru-Ka matu kiring tentara iya gasaéngngi mennang narapi Upabbinasa siseng mennang.”

AWATINGENG 1:1

Temmaka sino-sinona Yérusalém makkekkuwangngé, kota iya marowa senna'é riyolo. Riyolo riyattuwang ri yelle'na bangsa-bangsaé, makkekkuwangngé pada-padani jandaé. Riyolo kota iya kaminang ripakalebbié, makkekkuwangngé ripancaji atani.

AWATINGENG 1:3

Nasalaini wanuwanna pabbanuwana Yéhuda, nasaba ripowatai sibawa manrasa-rasa senna'i. Monroni makkekkuwangngé ri yelle'na bangsa-bangsaé temmappunnai onrong iya mabbéré adaméngeng. Rikeppungngi mennang ri balié wettunna mennang manrasa-rasa.

AWATINGENG 4:15

Makkedai tauwé, “Laono polé kuwaé! Najisi'ko, aja' mugéssaki!” Nalaona mennang sibawa sollé polé ri bangsaé lao ri bangsaé, iyakiya dé' naripalalo mattette ri muwi niga.

AWATINGENG 4:16

Dé'na najampangini Puwangnge umma'-Na; Aléna muto passara-sarangngi mennang sibawa mébbui imang-ngimangngé dé'na riyangke; sining pamimpingngé dé'gaga mamaséiwi.

YEHEZKIEL 12:20

Kota-kota iya makkekkuwangngé pennoi sibawa pabbanuwa riyancuru'i matu sibawa sining dare'na mancaji padang kessi'i. Nanaissenni mennang makkedaé iyya ritu Puwang.”

YEHEZKIEL 20:23

Ri padang kessi'éro mattanro tok-Ka makkedaé Upassara-sarangngi matu mennang lao risininna linoé,

YEHEZKIEL 22:15

Upassara-sarangngi matu pabbanuwamu lao ri sininna wanuwaé sibawa bangsaé, sibawa Upappajai matu pangkaukemmu iya majaéro.

YEHEZKIEL 5:2

Tawatellunna harusu'i mutunu ri tengnga-tengngana kotaéro maccappa'nana akkeppungengngé. Tawatellunnasi harusu'i mutetta sibawa peddammu namuwattulilingi towi kotaéro. Na tawatellunna iya paccappurengngé harusu'i muwassiyamporeng ri yelle'é, nainappa Ulellung sibawa peddak-Ku.

HOSEA 9:6

Narékko lettu'ni abalaé, naritiwiko ri wanuwa laingngé, na iya monroé ri yelle'mu ripaddeppungengngi matu risining tau Maséré'é untu' riyuno sibawa rikuburu ri Memfis! Tuwoi matu wellaé sibawa dorié sampoi onrong-ngonrong abbolammu sibawa paréwa péra'mu iya mangke'é.

AMOS 9:4

Rékko ritawangngi mennang ri balié, Uwapparéntangngi matu kuwammengngi nariyuno mennang. Mattonget-tongek-Ka untu' paccappui mennang, sibawa dé' Ubantui matu mennang.”

ZAKHARIA 7:14

Pada-padai anginrajaé, purai Usaring mennang angkanna tarapassai mennang monro ri wanuwa-wanuwa laingngé. Tana iya macommo'éwé mancajini masino-sino dé' monroiwi sibawa makabuttu.”

LUKAS 21:24

Engka matu riyuno sibawa peddang, engkato matu ritiwi selaku tawangeng ri wanuwa-wanuwanna tauwé; nasining tau iya dé'é naissengngi Allataala naléjja'-léjja'i matu Yérusalém narapi cappu wettu iya pura napattentué Puwangngé untu' mennang.”

ULANGENG 4:27

Napassara-sarakko matu Puwangnge ri yelle'na bangsa-bangsa laingngé na banna céddé bawang matu ri yelle'mu iya tette'é tuwo.

YAKOBUS 1:1

Saudara-saudara umma'na Allataala iya tassiya-siyaé ri sininna linoé! Sellekku, iyya, Yakobus, atanna Allataala sibawa atanna Puwang Yésus Kristus.