ANGIMANGENG 26:32 - KITTA KAREBA MADECENG

³² Maélo-Ka pabbinasa sisengngi wanuwammu, angkanna sining bali iya tudangiyéngngi tasséleng mitai héba'na iyaro ancurukengngé.

ANGIMANGENG 26:32 ပူးပေါင်းရင်းမြစ်များ

1 ARUNG-NGARUNG 9:8

Iyaé bola assompangngé mancajiwi matu séuwa goppo ruttungeng angkanna tungke' tau iya lalowé kuwaro tasséleng matu sibawa métau. Makkedai matu mennang, ‘Magi Puwangnge napogau'i makkuwaéro lao ri wanuwa sibawa bolaéwé?’

YESAYA 24:1

Napaccappui matu Puwangnge linoé, angkanna mancaji makabuttu sibawa masino-sino. Nabalé'i matu tompo'na sibawa passara-sarangngi pabbanuwana.

YESAYA 5:6

Uleppessangngi matu natuwoi tanet-taneng liya. Pong anggoro'na dé' matu Ulébongngi, sibawa dé' matu Ubajaiwi. Mala Uleppessangngi natongko alekale maddori sibawa wella, mala Uwattéyang ellungngé pateppai bosié ri yasé'na.”

YESAYA 5:9

Uwéngkalingai Puwang Iya Pommakuwasaé mattanro, “Sining bola iya battowaé sibawa makessingngéwé lobbang manengngi matu tenriyonroi.

YESAYA 6:11

Makkutanaka, “Siyaga ittana iyaé keadaangngé matteru, Puwang?” Pappébalin-Na, “Narapi kota-kotaé mancaji ruttungeng dé'gaga monroiwi, sining bolaé dé' nariyonroina, sibawa tanaé mancaji kullang sibawa makabuttu,

YESAYA 64:10

Kota-kota mapaccim-Mu sinrupai padang kessi'é, mancaji padang makabuttui Yérusalém iya masino-sinoé.

YEREMIA 12:11

Uwitai mennang pancajiwi wanuwak-Ku onrong masino-sinoé iya mappamessé. Kariya-riya maneng, dé'gaga jampangiwi.

YEREMIA 18:16

Iyaé wanuwaé purani napancaji mennang onrong iya mappakatau-taué, sibawa tuli mancajiwi akkéllé-kéllékeng. Sininna iya laloiyéngngi napaccilic-cilingngi matu ulunna nasaba métaui.

YEREMIA 19:8

Maélo-Ka pakennaiwi abala iya maseroé ri yasé'na kotaéwé angkanna tungke tau iya laloé kuwaro métaui matu sibawa tasséleng.

YEREMIA 25:11

Uleppessangngi matu ancuru sininna wanuwaéwé sibawa mancaji masino-sino. Bangsa-bangsaé ri seddéna mattumaniwi matu lao ri arung Babél pituppulo taung ittana.

YEREMIA 25:18

Yérusalém sibawa sininna kotaé ri Yéhuda, silaong sining arungngé nenniya pajaba-pajaba'na, uwérénni naénungngi iyaro anggoro'é, angkanna mancajini mennang pada-pada padang iya makabuttué sibawa mappakatau-taué. Lettu essoéwé ripakéi asenna mennang selaku tanro.

YEREMIA 25:38

Pada-pada singa massué polé ri liyanna, makkuwatoniro Puwangnge massu untu' hukkungngi umma'-Na. Abeccokenna musué sibawa caina Puwangnge pura pinrai wanuwaéwé mancaji padang kessi.

YEREMIA 33:10

Makkedai Puwangnge, “Makkedai tauwé makkedaé iyaé onrongngé pada-padai padang kessi'é, dé'gaga tau iyaré'ga olokolo iya monroé kuwaro. Ada-adanna mennang mémeng tongengngi, saba' kota-kota Yéhuda sibawa sining lalengngé ri Yérusalém lobbang manenni; dé'gaga tau iyaré'ga olokolo iya monroé kuwaro.

YEREMIA 44:2

Iyanaé pasenna Puwang Iya Pommakuwasaé, Allataalana Israélié, lao ri mennang, “Alému pura sabbingngi abala iya Upateppaé ri yasé'na Yérusalém sibawa sininna kota laingngé ri Yéhuda. Lettu makkekkuwangngé iyaro kota-kotaé ri laleng keadaang ancuru mupi dé'gaga monroiwi.

YEREMIA 44:22

Dé'na natahang Puwangnge mitako makkasuwiyangeng akkarobangeng lao ri déwata-déwata laingngé. Iyaro pangkaukemmu maja sibawa matuna. Madosano lao ri Puwangnge sibawa dé' muturusiwi parénta-parénta-Na. Rimakkuwannanaro makkekkuwangngénnaé naancuru wanuwammu angkanna dé' nawedding riyonroina, sibawa asenna ripakéi selaku tanro. Maséleng tau iya mitaéngngi.”

YEREMIA 9:11

Makkedai Puwangnge, “Upancajiwi matu Yérusalém ruttungeng onronna massubbu asu ale'é. Kota-kotana Yéhuda mancaji masino-sinoi matu, onrong iya dé'énna nariyonroi.”

AWATINGENG 4:12

Ri yelle'na arung-ngarungngé sibawa pabbanuwana linoé dé' muwi séddi iya mateppe'é makkedaé gerbang-gerbanna kota Yérusalém weddingngi nauttamaki balié.

YEHEZKIEL 5:15

Rékko macai-Ka sibawa majjamerru lao ri iko enrengngé hukkukko, sininna bangsaé ri mattulilimmu masélengngi matu. Naéllé'ko matu sibawa maja péneddinna mitako.

DANIEL 9:18

Engkalingaki, Oh Allataala, tangngaki sibawa pénessaiwi anrasa-rasatta enrengngé asolangenna kota iya riteppué sibawa asem-Mu. Massempajakki lao ri Iko tenniya nasaba jasa-jasata, sangadinna nasaba pennoko paressé babuwa.

HABAKUK 3:17

Namuni pong araé dé'gaga buwana sibawa pong anggoro'é dé'gaga anggoro'na, namuni buwa zaitungngé dé' najaji sibawa wassélé gandongngé ri dare'é mappakacélé, namuni maté maneng sining bimbala'é sibawa dé'gaga lise'na wakké olokolo'é,

LUKAS 21:20

“Rékko muwitani Yérusalém rikeppung ri tentaraé, muwissennitu matu makkedaé iyaro kotaé dé'na namaitta nariyancuru.

ULANGENG 28:37

Ri wanuwa-wanuwa onrommu napassara-sarang Puwangnge, masélengngi matu sining tauwé mitako; naéllé-kéllé'ko matu sibawa nacawa-cawaiko mennang.