ANGIMANGENG 26:30 - KITTA KAREBA MADECENG

³⁰ Maélo-Ka mancuru'i sining onrong assompammu ri tompo'na bulu-bulué, ruttungngi sining mézbamu onrong mattunu dupa, sibawa maggenrungengngi sining bakkému ri yasé'na sining abbarahalammu iya maruttungngénnaro. Nasibawang pappénedding maja

ANGIMANGENG 26:30 ပူးပေါင်းရင်းမြစ်များ

KAJAJIYANG 19:13

saba' iyaé kotaé maéloki mancuru'i. Purani naéngkalinga Puwangnge sining teppuwang matane'é lao ri pabbanuwaé kuwaé, napuraki risuro untu' paccappui kota Sodom.”

1 ARUNG-NGARUNG 13:2

Nasaba paréntana Puwangnge mangobbini iyaro nabié lao ri mézbaéro, “Eh mézba, éh mézba! Makkuwaiyé adanna Puwangnge, ‘Séddi ana' iya riyasengngé matu Yosia jajiwi matu ri laleng kaluwargana Daud. Ri yasé'mu, éh mézba, naunoi matu imang-ngimang iya majjamaé ri onrong-ngonrong assompang laowé ri déwataé, sibawa iya puraé tona makkasuwiyangeng akkarobangeng ri yasé'mu. Sibawa ri yasé'muto ritunui matu buku-buku tolinoé.’ ”

1 ARUNG-NGARUNG 13:32

Aga iya puraé napowada nasaba paréntana Puwangnge lao ri mézbaé ri Bételro sibawa lao ri sininna onrong assompangngé ri kota-kota Samaria pasti kajajiyangngi.”

2 ARUNG-NGARUNG 23:16

Nainappa giling Yosia, nanaitai siyagangngaré tampung ri tompo'na bulué. Nanasuroni tauwé tunui tampungngéro, sibawa passui buku-bukunna nanatunui ri mézba iya mattengngangngé ritunuro. Mappakkuwaniro carana panasiji'i iyaro mézbaé. Nakajajiyanna aga iya nabotoé riyolo nabinna Puwangnge wettunna Arung Yérobéam tettong ri seddéna mézbaéro riséuwaé ramé-ramé. Purairo naitani Arung Yosia séddi tampung laissi.

2 ARUNG-NGARUNG 23:20

Sininna imang iya majjamaé ri onrong-ngonrong assompang déwataé naunoi ri yasé'na mézba-mézba kégi mennang majjama. Sibawa ri tungke' mézbaéro natunui Yosia buku-bukunna tauwé. Purairo lisuni ri Yérusalém.

2 ARUNG-NGARUNG 23:8

Sininna imang iya monroé ri kota-kotana Yéhuda risuroni ri Yosia lao ri Yérusalém, nainappa kégi-kégi risininna wanuwa Yéhuda napanajisi'i mézba-mézba déwataé kégi iyaro imang-ngimangngé pura makkasuwiyangeng akkarobangeng. Iyaro imang-ngimangngé dé' naripalalo pajoppai assompangngé ri Bolana Puwangnge. Iyakiya, weddingngi mennang nanré roti dé'é raginna iya ripassadiyaé untu' sellao-sellaona mennang. Mézba-mézba iya ripallaingngéro untu' assompang lao ri déwataé ri seddéna Gerbang Yosua, walikotana wanuwaéro, riruttunni. Iyaro gerbangngé engkai ri seddé abéyona Gerbang Utamaé ri laleng muttama'é ri kotaé.

2 TAWARIKH 23:17

Purairo malluru manenni mennang sibawa ruttungngi bolana Baal. Mézba silaong dato-dato'na naancuru'i, nanaunoi Matan, Imanna Baal ri yolona mézba-mézbaéro.

2 TAWARIKH 31:1

Puranana ramé-ramé, sininna ra'ya'é laoni ritungke kotaé ri Yéhuda, nainappa naancuru tugu-tugu barahalaé, léttungngi dato-dato iya ripatettongngé untu' Déwi Asyéra, sibawa paccappui sining mézbaé enrengngé sining onrong assompang barahalaé. Napogau' towi mennang makkuwaéro risining onrong laingngé ri Yéhuda, enrengngé ri daéra Bényamin, Efraim sibawa Manasyé. Purairo lisu manenni mennang ri onronna tungke-tungke.

MAZMUR 106:40

Namalluwa'na caina Puwangnge lao ri mennang, maciddi'ni sibawa appunnangeng riyaléna.

MAZMUR 89:38

Akkarungenna tette'i engka pada-pada kétengngé, sabbi matinulué ri ellungngé.”

YESAYA 27:9

Iyakiya dosa-dosana Israélié banna weddingngi riyaddampengeng rékko rilélui gangka alusu mézba déwata-déwataé pada-pada puwalé. Sininna addupa-dupangngé sibawa lambanna Déwi Asyéra harusu towi riancuru.

YEREMIA 14:19

Puwang, puraniga Musampéyang siseng Yéhuda sibawa Mucéccéi pabbanuwana Sion? Magi namaladde senna Muunruki angkkatta dé' nariyullé majjappana? Paracuma bawang sappaki adaméngeng, dé'gaga akkégunana mamménasaki ajjappang, saba' iya engkaé banna ateddekeng.

YEREMIA 16:18

Dosa sibawa jana mennang Uwale'i matu sibawa leppi wékkaduwa, saba' purai napanajisi' wanuwak-Ku sibawa maéga barahala. Iyaro sining barahalaé dé' nakkényawa pada-padai ujué.”

YEHEZKIEL 16:39

Uwabbéréyakko matu lao risining canrimmuro, nanaruttungngi matu onrong-ngonrommu maccakkuribang sibawa massompa barahala. Sininna pakéyammu sibawa bélo-bélomu narampasa'i matu mennang, angkammu mallusu-lusu.

YEHEZKIEL 43:7

“Eh tolino dé'é namannennungeng, iyanaé kadéra arajak-Ku. Kuwaniyé maélo-Ka monro ri tengnga-tengngana umma'-Ku Israélié sibawa paréntai mennang mannennungeng. Muwi mennang, iyaré'ga arung-ngarunna, dé'na nacarépaiwi matu asek-Ku iya mapaccingngé sibawa massompa barahala iyaré'ga kuburu'i ujuna arung-ngarunna mennang ri onrongngéwé.

YEHEZKIEL 6:13

Tattale'i matu sining ujué ri yelle'na barahala-barahalaé sibawa ri seddéna sining mézbaé, tattale ri tungke bulu-bulu iya matanré, sibawa ri coppo'na tungke bulué, ri yawana tungke aju iya maworongngé sibawa ri tungke aju iya battowaé; riponcoki adaé, kégi-kégi mennang mattunu akkarobangeng untu' barahalana. Nanaissengngi matu tungke tau makkedaé Iyya ritu Puwang.

HOSEA 10:2

Sining tau iya macéko-cékoé atinnaro, makkekkuwangngé harusu'i natanggung addimonrinna dosana. Naancuru'i matu Allataala mézbana, sibawa ruttungngi tugu-tugu barahalana.

ANGIMANGENG 20:23

Aja' muturui ampé-ampéna bangsa iya monroé kuwaro. Mappakaciddi-ciddi mennang sibawa sining pangkaukeng iya majaé. Iyanaro saba'na Upaddésu'i mennang, kuwammengngi mulléi muttama ri wanuwaéro.

ANGIMANGENG 26:11

Maélo-Ka monro ri yelle'mu ri laleng Kéma-Ku, sibawa dé' usampéyakko matu.

ANGIMANGENG 26:15

rékko muwajjalékkaiwi assijancingeng iya Uwébbué sibawa iko enrengngé dé mumaélo turusiwi sining Upattette'é sibawa sining peraturak-Ku,

AMOS 6:8

Nasibawang ateddekeng Puwang Allataala Iya Pommakuwasaé sibawa Pommatanré pura mabbéréyangngi iyaé papparéngngerangngé, “Ucéccé atemponna umma Israélié; dé' Umasennang sibawa sining saorajana iya magelloé. Ibukotana mennang silaong sininna iya engkaé ri lalenna Uwabbéréyangngi matu lao ri balié.”

AMOS 7:9

Onrong-ngonrong iya napaké wijanna Ishak untu' massompa riyancuru'i matu. Onrong-ngonrong mapaccinna tau Israélié riruttungngi matu. Upaccappui matu wijanna Arung Yérobéam.”

ULANGENG 32:19

Naitana gau'éro, macaini Puwangnge, sibawa sampéyangngi ana'-ana'-Na.