ANGIMANGENG 26:26 - KITTA KAREBA MADECENG

²⁶ Acappurekko matu inanré, angkanna seppulo makkunrai banna mapparelluwangngi séddi bawang onrong attunung untu' mattunu roti iya engkaé ri mennang. Iyanaro inanré riyoloi matu, napuramuna manréi, malupu mupi pappéneddimmu.

ANGIMANGENG 26:26 ပူးပေါင်းရင်းမြစ်များ

2 ARUNG-NGARUNG 6:25

sibawa nassabariwi akkadéreng iya maseroé ri laleng kota, angkanna séddi ulu kaleddé ellinna aruwa pulona dowi péra', sibawa duwa ong tai jangang-jangang lima dowi péra'.

MAZMUR 105:16

Napapoléi Puwangnge akkadérengngé ri wanuwaéro, sibawa malai sininna pappassadiyaang inanréna.

YESAYA 3:1

Sitongenna Puwang Iya Pommakuwasaé malai matu polé ri Yérusalém sibawa Yéhuda sininna passadiyaang inanré sibawa énungengngé. Makkuwatoro sininna tau iya nattuwangngé:

YESAYA 5:10

Salai matu wassélé tanaé, palla anggoro iya lowannaé seppulo hétto banna powassélé'i seppulo bang uwai anggoro. Sératu bang biné banna powassélé'i seppulo bang gandong.”

YESAYA 9:19

Ri sininna wanuwaéro pasittaiwi tauwé sibawa manréi agi-agi iya weddingngé riyanré, iyakiya dé' namesso nasedding. Mala nanréi mennang sellao-sellaona muto!

YESAYA 9:20

Tau Manasyé sibawa tau Efraingngé sisulléi sigasa, nainappa silaong méwai Yéhuda. Iyakiya macai mupi Puwangnge sibawa tette pahukkung.

YEREMIA 14:12

Namuni mennang mappuwasai, dé' Umaélo jampangiwi pangobbina mennang méllau tulung; sibawa namuni mennang makkasuwiyangngi lao ri Iyya akkarobangeng ritunu sibawa akkarobangeng gandong, dé' Umasennang matu sibawa mennang. Sibalé'na, Upaccappui matu mennang sibawa musu, akkadéreng sibawa sai.”

YEHEZKIEL 14:13

rékko séuwaé wanuwa madosa sibawa dé' namatinulu lao ri Iyya, Uhukkungngi matu iyaro wanuwaé. Uwancuru'i matu passadiyaang inanréna, papolé abala akkadéreng sibawa mpunoi muwi tolinoé iyaré'ga olokolo'é.

YEHEZKIEL 4:10

Iyaro rotié harusu'i mubagé makkuwaro rupanna angkanna tungke esso banna muwanréi 230 geram. Dé' nawedding lebbi na iyaro.

YEHEZKIEL 4:16

Nainappa makkeda paimeng, “Eh tolino dé'é namannennungeng, maélo-Ka paccappui pappassadiyang inanré ri Yérusalém. Nasibawang anennengeng sibawa abata-batang naatte'i matu sining tauwé inanré iya nanré mennang sibawa uwai iya naénungngé mennang.

YEHEZKIEL 4:17

Pettu paddennuwangngi matu mennang nasaba acappurenni roti sibawa uwai, na angkanna matéi nasaba dosa-dosana mennang.”

YEHEZKIEL 5:16

Uwancuru'i matu pappassadiyang inanrému sibawa leppessangngi pabbanuwamu alupureng. Napéneddingiwi matu pesséna pappénedding malupué, pada-pada ana' pana matarengngé iya pabettué sibawa pabbinasaékko.

HOSEA 4:10

Manréko matu polé ri akkarobangeng-akkarobangeng iya riyakkasuwiyangengngé, iyakiya tette'ko matu malupu. Musompai matu déwata-déwata acommokengngé, iyakiya pabbanuwamu tette'i dé' natattamba, saba' musalai-Ka untu' massompa déwata-déwata laing.”

ANGIMANGENG 26:27

Rékko purani mupéneddingi sininna pahukkungengngéro matteru mupo méwa-Ka, sibawa dé' mumaélo mapato lao ri Iyya,

MIKHA 6:14

Manréko matu, iyakiya dé' mumesso – mala tette malupu. Makkako matu barab-barang, iyakiya dé' mulléi paamangngi. Agi-agi mupaamangngé Uwancuru'i matu ri laleng ammusurengngé.

HAGAI 1:6

Purano mampo maéga biné, iyakiya céddé éngngalammu. Engka inanrému, iyakiya dé' nagenne untu' pamessoriwi babuwamu. Mappunnaiko anggoro, iyakiya dé' nagenne untu' pajinnai atimmu. Mappunnaiko pakéyang, iyakiya dé' nagenne untu' pellaiwi alému. Sibawa saro iya natarimaé koli-kolié dé' nagenne untu' sambungngi atuwonna mennang.