ANGIMANGENG 26:25 - KITTA KAREBA MADECENG

²⁵ Maélo-Ka paompo musu ri tengnga-tengngamu untu' hukkukko nasaba purai muwajjalékkai assijancingek-Ku sibawa iko. Sibawa rékko maddeppungekko ri kotamu untu' sappa allinrungeng, maélo-Ka papolé lasa iya dé'é nawedding ripajjappa, angkanna manyarako lao ri balimmu.

ANGIMANGENG 26:25 ပူးပေါင်းရင်းမြစ်များ

2 SAMUEL 24:15

Napapoléna Puwangnge sai lao ri tau Israélié mappammulai éléna essoéro narapi wettu iya puraé Napattentu. Ri sininna Israélié 70.000 tau maté.

1 ARUNG-NGARUNG 8:33

Rékko umma'-Mu Israélié ricaui risining balinna nasaba madosai mennang, nanalisu ri Iko sibawa pakalebbi-Ko selaku Puwang, nanapolé ri bola assompangngéwé massempajang méllau addampeng ri Iko,

1 ARUNG-NGARUNG 8:37

Rékko nakennai akkadéreng iyaé wanuwaéwé iyaré'ga sai, sibawa tanet-tanengngé nasolangiwi anging pella, ule iyaré'ga incalé, iyaré'ga rékko umma'-Mu rigasai ri balié, iyaré'ga nakennai lasa,

2 ARUNG-NGARUNG 17:3

Rimusui sibawa ricaui ri Salmanéser arung Asyur, angkanna tungke' taung harusu'i makkamaja pakkasuwiyang lao ri aléna.

2 TAWARIKH 24:24

Céddé'mi bawang jumellana tentara Siriaé, iyakiya Puwangnge malleppessangngi mennang caui tentara Yéhuda iya mabélaé lebbi battowa, nasaba tau Yéhudaé dé' nabati-batiwi Puwang Allataalana toriyolona. Nasibawang caraéro Puwangnge hukkungngi Arung Yoas.

MAZMUR 94:1

Oh Allataala, Iko ritu Allataala iya makkabale'é, ajjellokenni pakkabale'-Mu, oh Puwang.

ASSURENG 5:3

Nakkeda Musa sibawa Harun, “Purani nappaitang aléna Allataalana tau Ibranié lao ri idi. Palaloni lao ri padang kessi'é sibbéla tellungngesso allalengeng untu' makkasuwiyang akkarobangeng lao ri Puwang, Allataalata. Rékko dé' naripogau' iyaro gau'é, naunoki matu sibawa lasa iyaré'ga musu.”

YESAYA 1:20

Iyakiya rékko muéwa-Ka, matéko matu ri laleng musué. Iyya, Puwang, pura mabbicara.”

YESAYA 65:12

Maté manekko matu selaku korbang ateddekeng. Saba', wettuk-Ku mangobbi, dé' mumappébali, sibawa wettuk-Ku mabbicara, dé' mumaréngkalinga. Lebbi mupojiwi méwa-Ka sibawa pogau'i iya majaé.

YEREMIA 19:7

Ri onrongngéwé maélo-Ka rusa'i sininna rancanana tau Yéhudaé sibawa pabbanuwana Yérusalém. Uleppessangngi matu mennang ricau risining balinna mennang sibawa riyuno ri laleng ammusureng. Uleppessangngi matu ujuna mennang nanré manu'-manu' sibawa olokolo masekkang.

YEREMIA 24:10

Upapoléi matu musué ri yasé'na mennang, alupurengngé, sibawa sai angkanna maté maneng mennang na dé'gaga monro ri wanuwaéwé iya puraé Uwabbéréyang lao ri mennang sibawa toriyolona.”

YEREMIA 50:28

Sining tau iya lariyé lao ri Yérusalém polé ri Babél curitai pékkugi Puwang Allataalata mpale'i pangkaukenna tau Babél-é lao ri Bolana Puwangnge.)

YEREMIA 51:11

Puwangnge pura pakiri-kiriwi arung-ngarung Média, nasaba maéloi mancuru'i Babél. Iyanaro cara-Na mpale'i pangkaukenna sining tau iya mancuru'éngngi Bola-Na. Napparéntanni sining kapalana pasukang paggasaé, “Tarengiwi ana' panamu! Passadiyai kaliyawoé!

YEREMIA 9:16

Upatassiya-siyai matu ri yelle'na bangsa-bangsa iya dé'é naissengngi mennang iyaré'ga toriyolona mennang. Matteru-Ka matu kiring tentara iya gasaéngngi mennang narapi Upabbinasa siseng mennang.”

AWATINGENG 2:21

Macowa malolo matéi makkalénnereng ri lalengngé, matéi kalloloé sibawa ana' daraé polé ri peddangngé. Ri esso macai-Mu, Mugéréi mennang temmappénedding messé.

YEHEZKIEL 14:17

Wedding jaji papolé-Ka musu ri wanuwaéro, sibawa Ukiringngi sining senjata poré untu' paccappui muwi tolinoé iyaré'ga olokolo'é.

YEHEZKIEL 20:37

Ugaukekko matu sibawa matedde kuwammengngi muturusiwi assijancik-Ku.

YEHEZKIEL 29:8

Rimakkuwannanaro Iyya, Puwang Iya Pommatanré, powadai lao ri iko, makkedaé kirik-Ka matu tentara iya gasaékko matu sibawa peddang, nenniya mpunoi pabbanuwamu enrengngé olokolo'mu.

YEHEZKIEL 33:2

“Eh tolino dé'é namannennungeng, powadai lao ri bangsamu makkedaé uppanna Upapoléi musué ri séuwaé wanuwa, iyanaé kajajiyang matu. Pabbanuwana iyaro wanuwaé piléi matu ri yelle'na mennang séddi tau panganrowang.

YEHEZKIEL 5:17

Ri lainnaé abala akkadérengngé Upapolé towi matu saié, ajapperusengngé sibawa musué untu' mpunoi pabbanuwamu, enrengngé olokolo masekkangngé untu' mpunoi ana'-ana'na mennang. Iyya, Puwang, pura mabbicara.”

YEHEZKIEL 6:3

Suroi mennang méngkalingai sibawa pénessai aga Iyya, Puwang Iya Pommatanré upowada lao risining buluéro, makkuwatoro lao risining bulu-bulué, sining peppingngé nenniya sining lompo'é. Tongeng, kirikka matu peddang untu' mancuru'i onrong-ngonrong assompang barahalaé.

HOSEA 11:6

Marowai matu musué lettu ri laleng kota-kotana, nasolangiwi matu pintu-pintu gerbangngé, sibawa napaccappui umma'-Ku. Kajajiyangngi iyaro nasaba naccowériwi mennang élona muto,

ANGIMANGENG 26:6

Maélo-Ka jagaiwi amangenna wanuwammu angkanna weddikko matinro sibawa tennang enrengngé temmétau muwi lao ri niga. Sining olokolo masekkangngé maélo-Ka pallennye'i polé ri wanuwaéro, sibawa dé'na matu gaga musu ri wanuwammu.

AMOS 4:10

Kirikka sai lao ri iko pada-pada iya Ukiringngé lao ri Maséré. Uwunoi sining tau malolomu ri laleng ammusurengngé, sibawa rirampasa'i sining anyarammu. Ulisekiwi akkémammu sibawa sining bakké iya makebbongngé baunna. Namuni makkuwaro, dé'to mulisu lao ri Iyya.

HABAKUK 3:5

Musuroi lasaé joppa ri yolo-Mu sibawa maccowéi amaténgngé ri monrim-Mu.

ABBILANGENG 14:12

Maélo-Ka pabbinasai mennang sibawa papolé lasa létté-létté'é. Iyakiya iko upancajiko matu ambo'na polé riséuwaé bangsa iya lebbi battowaé sibawa lebbi mawatangngé naiya mennang!”

ABBILANGENG 16:49

Iya maté wettuéro engka 14.700 tau, dé' nauttama mennang iya maté wettunna ronta'na Kora.

ABBILANGENG 31:3

Nakkeda Musa lao ri bangsa Israélié, “Sadiya-sadiyano untu' mammusu; harusu'ko luruiwi tau Midiangngé untu' pogau'i pahukkungenna Puwangnge lao ri mennang.

LUKAS 21:11

Kajajiyangngi matu kégi-kégi mpéwangngi tanaé sibawa masero, bahaya akkadérengngé sibawa saiyé. Kajajiyangngi matu gau'-gau' iya mappakatau-taué sibawa maseroé ri langié.

ULANGENG 28:21

Sisullé-sullé lasaé kennako matu, angkanna paccappurenna dé' muwi séddi tau polé ri iko monro mupa ri wanuwa iya mutudangiyéro.

ULANGENG 32:25

Musué tiwi amaténg ri laleng-lalengngé; nakennai sining tauwé ri bolaé appakatau-taurengngé. Kalloloé sibawa ana' daraé ripaccappui matu, makkuwatoro ana' loloé sibawa tomacuwaé.

ULANGENG 32:35

Puwangnge mpale'i matu sibawa hukkungngi mennang, dé'na namaitta nabinasa mennang; wettu ancurukenna mennang dé'na namaitta napolé.

ULANGENG 32:41

Maéloka masai peddak-Ku iya lala-lala'é, sibawa pajoppai pahukkungengngé. Uwale'i sininna balik-Ku sibawa Uhukkungngi sininna iya benciyékka.

HAKING-HAKING 15:11

Naéngkalinganaro, laoni 3.000 tau Yéhuda ri gowaé ri bulu batué ri Etam. Kuwaniro mennang makkeda, “Simson, dé'ga muwissengngi makkedaé nakuwasaiki tau Filistingngé? Aga iyaé pura mugaukekki!” Nametté Simson, “Banna uwale'i aga iya napoga'é mennang lao ri iyya.”