ANGIMANGENG 26:17 - KITTA KAREBA MADECENG

¹⁷ Uhukkukko matu, angkammu ricau risining balimmu sibawa rikuwasai risining tau iya benciyékko. Métau senna'ko matu angkammu lari, namuni dé'gaga mallellung.

ANGIMANGENG 26:17 ပူးပေါင်းရင်းမြစ်များ

KAJAJIYANG 4:12

Rékko mallaonrumako, dé' napowassélé matu aga-aga tanaé; mancajiko matu tau kalao-lao iya dé'é nappunnai onrong naonroi ri linoé.”

1 ARUNG-NGARUNG 8:33

Rékko umma'-Mu Israélié ricaui risining balinna nasaba madosai mennang, nanalisu ri Iko sibawa pakalebbi-Ko selaku Puwang, nanapolé ri bola assompangngéwé massempajang méllau addampeng ri Iko,

2 ARUNG-NGARUNG 13:3

Rimakkuwannanaro macayii Puwangnge lao ri Israélié angkanna Naleppessang Hazaél arung Siria sibawa Bénhadad ana'na, makkolik-koling caui Israél.

2 ARUNG-NGARUNG 13:7

Purani ripaccappu tentarana Israélié ri arung Siria angkanna Arung Yoahas banna mappunnai limappulo tentara makkinnyarang, seppulo karéta musu, sibawa seppulo sebbu prajuri.

MAZMUR 44:10

Iyakiya makkekkuwangngé Musalaiki sibawa leppessakki ricau. Dé'na Mumalluru silaong barisatta.

MAZMUR 53:5

Adanna Puwangnge, “Dé'ga namainge sining tau majaéro? Tuwoi mennang sibawa rampasa'i umma'-Ku, sibawa dé' naengka nassempajang lao ri Iyya.”

MAZMUR 53:6

Métau senna'i matu tau majaé, padahal dé'gaga papéttauri, saba' Allataala patassiyai buku-bukunna tau iya keppungngékko; risampéyanni mennang ri Allataala, namucaui matu mennang.

AMSAL 28:1

Lariwi tau majaé nadé'gaga lellungngi, iyakiya tau malempué, baraniwi pada-pada singaé.

YESAYA 30:17

Sisebbu tau lari matu mitai ancamanna séddié tau balié, sibawa ancamanna lima tau mébbuko lari maneng. Polé ri pasukammu banna monroi séddi alliri bandéra ri tompo'na bulu-bulué.

YESAYA 63:10

Iyakiya maronta'i mennang sibawa pamesséiwi atinna Puwangnge. Nagiling mancaji balinna mennang Aléna muto mammusu méwai mennang.

YEREMIA 19:7

Ri onrongngéwé maélo-Ka rusa'i sininna rancanana tau Yéhudaé sibawa pabbanuwana Yérusalém. Uleppessangngi matu mennang ricau risining balinna mennang sibawa riyuno ri laleng ammusureng. Uleppessangngi matu ujuna mennang nanré manu'-manu' sibawa olokolo masekkang.

YEREMIA 44:11

Rimakkuwannanaro, Iyya, Puwang Iya Pommakuwasaé, Allataalana Israélié, méwako matu sibawa mancuru'i sininna Yéhuda.

AWATINGENG 1:5

Héba'ni sining balinna nasaba naulléi makuwasaiwi. Puwangnge mébbui manrasa-rasa, nasaba maéga senna'i dosana. Ritawanni pabbanuwana, sibawa ritiwi ri appalirengngé.

AWATINGENG 2:4

Pada-pada balié paggettengngi uso pana-Na sibawa pattujui ana' pana-Na lao ri idi. Sininna tau iya pésennangiyéngngi atitta, cappui Nauno. Napporokengngi cai-Na pada-pada apié ri laleng kota Yérusaléngngéwé.

YEHEZKIEL 15:7

Uhukkungngi matu mennang. Namuni leppe'ni mennang polé ri apié, iyakiya apito paccappui matu mennang. Namuwissengngi matu makkedaé Iyya ritu Puwang.

ANGIMANGENG 17:10

Rékko séddi tau Israélié iyaré'ga tau laing iya monro tette'é ri yelle'na tau Israélié manré dara, rihukkungngi matu ri Puwangnge, sibawa dé'na nariyangga anggota umma'na.

ULANGENG 28:25

Rékko dé' muturusiwi Puwang Allataalamu, Naébbuko matu ricau risining balimmu. Maggasako matu secara taratoro', iyakiya lariwi sibawa tassiya-siya. Sininna bangsaé ri linoé métaui matu mitai acilakammu.

YOSUA 7:4

Jaji iya laowé gasai iyaro kotaé banna tellussebbu tau, iyakiya ripasoroi mennang.

HAKING-HAKING 3:14

Seppulo aruwa taung ittana umma Israélié rijaja ri Eglon.

HAKING-HAKING 3:8

Namacaina Puwangnge lao ri umma Israélié, sibawa leppessangngi mennang ricau ri Arung Kusyan-Risyataim polé ri Mésopotamia. Aruwa taung ittana iyaro arungngé makuwasaiwi mennang.

HAKING-HAKING 6:2

Makkuwamani tauna tau Israélié lao ri tau Midiangngé, angkanna mennang massubbu ri gowa-gowaé sibawa onrong-ngonrong laing iya amangngé risining bulué.

1 SAMUEL 12:15

Sibalé'na, rékko dé' muwéngkalingai Puwangnge, mala muwéwai parénta-Na, pasti iko sibawa arummu naéwai matu Puwangnge.

1 SAMUEL 31:1

Na wettuéro mammusuni tau Filistingngé méwai tau Israélié ri Bulu Gilboa. Maéga tau Israél maté kuwaro, na iya laingngé, muttama'ni Saul sibawa ana'-ana' worowanéna larini.

1 SAMUEL 4:10

Nainappa mammusuni tau Filistingngé sibawa masero nanacaui tentara Israélié. Larini tau Israélié lao ri kémana tungke'-tungke'. Battowa senna akalannaro: 30.000 prajuri'na Israélié maté.